அடுத்த போலீஸ் வாட்ஸ் அப் ஆடியோ !

அடுத்த போலீஸ் வாட்ஸ் அப் ஆடியோ: இன்ஸ்பெக்டரை `காய்ச்சும்` பெண் போலீஸ் அதிகாரி!



சென்னை: இன்ஸ்பெக்டரை போனில் காய்ச்சி எடுக்கும் பெண் போலீஸ் உயர் அதிகாரியின் ஆடியோ வாட்ஸ் அப்பில் பரவி அடுத்த பரபரப்பை ஏற்படுத்தியுள்ளது. இது போலீசார் மத்தியில் பெரும் கலக்கத்தை உண்டாக்கியுள்ளதாகக் கூறப்படுகிறது.

கடந்த 15ஆம் தேதி, சென்னை உதவி கமிஷனராக இருந்த ஒரு அதிகாரி, தனக்கு கீழ் பணியாற்றி வந்த, பெண் காவலரிடம் போன் மூலம், அத்துமீறும் ஆடியோ 'வாட்ஸ்-அப்'பில் பரவி போலீசாரை கதிகலங்க வைத்தது.

இது தொடர்பாக சம்பந்தப்பட்ட இருவரும் வெவ்வேறு இடங்களுக்கு பணி மாற்றம் செய்யப்பட்டனர். இந்த பிரச்னை முடிவுக்கு வருவதற்குள் இன்னொரு போலீசார் 'மொபைல் போன்' பேச்சு, தற்போது 'வாட்ஸ்-அப்'பில் பரவி வருகிறது.

அதில் சென்னை தெற்கு மண்டல போக்குவரத்து துணை கமிஷனராக உள்ள அதிகாரி , மொபைல் போனில், இன்ஸ்பெக்டர் ஒருவரிடம் கண்டிப்பான குரலில் பேசி உள்ளார். 'பெண் போலீசிடம் பண மோசடி செய்தவர் மீது நடவடிக்கை எடுக்காதது ஏன்? மோசடி நடந்து இருப்பதற்கான அனைத்து ஆதாரங்கள் இருந்த போதிலும், அவனை (மோசடி செய்த நபர் ) நேரில் அழைத்து உட்கார வைக்க முடியவில்லையே; வேறு ஏதாவது எதிர்பார்க்கிறீர்களா?' என்று கேட்டு இருக்கிறார்.

அதற்கு அந்த இன்ஸ்பெக்டர், 'பெண் போலீஸ் தான் அவனை குடும்பத்தோடு கொலை செய்து விடுவேன்' என, மிரட்டி இருப்பதாக தெரிவிக்கிறார். இப்படியே இந்த உரையாடல் தொடருகிறது.

இது தொடர்பாக காவல்துறை உயர் அதிகாரிகள் மட்டத்தில், கடமையைச் செய்யாத காவல் துறையினரிடம் உயர் அதிகாரிகள் கண்டிப்புடன் பேசுவது சகஜம். இதை பெரிதுபடுத்தி வாட்ஸ் அப்பில் பரவவிட்டுள்ளனர் என்றும், புகார் மீது உரிய நடவடிக்கை எடுக்காமல், இது போன்று நடந்து கொள்ளும் செயல் கண்டிக்கத் தக்கது என்றும் கண்டனம் எழுந்துள்ளது.

விகடன்

இதிலிருந்து ஒரு நல்ல விஷயம் , இனி எந்த ஒரு மேலதிகாரியும் தனக்கு கீழ் பணிபுரியும் ஊழியர்களை தரக்குறைவாக பேச / திட்ட மாட்டார்கள்