எப்படி பெருமிதம் கொள்ள

naanyadavan · naanyadavan Wed 18 Mar 2015 - 14:29

எப்படி பெருமிதம் கொள்ள
எப்படி பெருமிதம் கொள்ள
நாம் இந்தியன் என்பதில்
எப்படி பெருமிதம் கொள்ள !

மொழி வேறு மூலம் வேறு
பண்பாடு வேறு பாரம்பரியம் வேறு !

நாங்கள் மொழி கண்ட நாளில் இருந்து கூட
உங்கள் மூலத்தை காண இயலாது !

நாங்கள் நாகரிகம் கண்ட காலத்தில் இருந்து கூட
உங்கள் மொழி காண இயலாது !

நாங்கள் சரளமாய் எழுதிக்கொண்டிருந்த காலத்தில்
நீங்கள் திக்கி திக்கி பேச தொடங்கியிருப்பாய் !

வேறு எப்படி நீயும் நானும் ஒன்றானோம் ?
தமிழன் எப்படி இந்தியன் ஆவான் ?

அன்று ஆங்கிலேயனுக்கு அடிமையானோம்
இன்று ஆரியனுக்கு அடிமையாக வாழ்கிறோம் !

இந்திய தேசம் என்ற ஒன்று
உருவாவதற்கு முன்பாகவே நாங்கள்
பல தமிழ் தேசங்களை உருவாக்கியவர்கள் !

இன்று ஒரு தேசமும் இன்றியிருப்பது
உணர்வற்ற தமிழனுக்கு வேடிக்கை !
உணர்வுள்ள தமிழனுக்கு வேதனை !

எள்ளளவும் என்னினதினும் உயர்வில்லாதோர்
என்னினத்தை ஆள்வது காலக்கொடுமையா ?
தமிழனின் கையாலாகாத நிலைமையா ?
(கவி செந்தமிழ்)

**ஜாஹீதாபானு** · **ஜாஹீதாபானு** Wed 18 Mar 2015 - 16:33

நல்ல கவிதை நன்றி

**T.N.Balasubramanian** · **T.N.Balasubramanian** Wed 18 Mar 2015 - 19:01

6 கவிதைகள் அருமையாக உள்ளது .
வாழ்த்துக்கள் அன்பு மலர்

தொடர்ந்து அருமையான பதிவுகளை தாருங்கள் !
"கவி செந்தமிழ்" உங்கள் புனைப்பெயரா? நன்றாக இருக்கிறது .
"naanyadavan " புதுமையாக உள்ளதே -தமிழ் படுத்த வேண்டுமா ?

ரமணியன்