'இன்டிகா'வை விற்கப் போய் "போர்டு" யிடம் 'இன்சல்ட்'டுக்குள்ளான டாடா!

கௌசிகன் · கௌசிகன் Tue Mar 17, 2015 12:00 pm

1998ம் ஆண்டு முதல் பயணிகள் கார் தயாரிப்பில் டாடா இறங்கியது. முதல் காராக இன்டிகாவை அந்த ஆண்டு களம் இறக்கியது டாடா. ஆனால் இன்டிகாவுக்கு அப்போது பெரிய வரவேற்பு கிடைக்கவில்லை. இதனால் அதிர்ச்சி அடைந்தார் ரத்தன் டாடா.

இன்டிகாவுக்கு சரியான வரவேற்பு இல்லாததால் அந்தக் கார்ப் பிரிவை மூடி விடுமாறும், யாரிடமாவது விற்று விடுமாறும் பலரும் ரத்தன் டாடாவுக்கு ஆலோசனை கூறினார்கள்.

இதையடுத்துத போர்டு நிறுவனத்திற்குத் தகவல் போனது. அவர்களது குழு இந்தியா வந்தது. பாம்பே ஹவுஸில் உள்ள எங்களது தலைமை அலுவலகத்தில் வைத்து விவாதம் நடந்தது.

இதையடுத்து டெட்ராய்ட்டுக்கு அழைத்தனர். ரத்தன் டாடா தலைமையிலான குழு அங்கு சென்றது. 3 மணி நேரம் விவாதம் நடந்தது. விவாதத்திற்கு முடிவில் அவமானமே மிஞ்சியது.

போர்டு நிறுவனத்தினர், டாடாவைப் பார்த்து கார் தயாரிப்பு குறித்து உங்களுக்கு என்ன தெரியும். எதற்காக இதில் இறங்கினீர்கள் என்றெல்லாம் கேட்டதால் அவர் அதிர்ச்சி அடைந்தார்.

அங்கிருந்து நியூயார்க் பயணமானோம். அந்த 90 நிமிட விமான பயணித்தின்போது டாடா அமைதியாக வந்தார். அவரது முகத்தில் சோகம் தெரிந்தது.

பின்னர் போர்டு நிறுவனம் எங்களது இன்டிகாவை வாங்க முன்வந்தது. இருப்பினும் டாடா தரவில்லை. அதன் பிறகு நடந்தது வரலாறு.

அதே போர்டு நிறுவனம் 2008ம் ஆண்டு ஜாகுவார், லேன்ட்ரோவர் கார் பிராண்டுகளை ஒட்டுமொத்தமாக எங்களிடம் விற்க நாடி வந்தது போர்டு. அதை உடனடியாக ஏற்றார் டாடா. இதையடுத்து போர்டு தலைவர் பில் போர்டு, டாடாவைப் பாராட்டிப் பேசினார் என்றார் கட்லே.

இந்தத் தகவல்களை ரத்தன் டாடாவுக்கு நெருக்கமான பிரவீன் கட்லே வெளிப்படுத்தியுள்ளார்.

நன்றி தட்ஸ் தமிழ்

'இன்டிகா'வை விற்கப் போய் "போர்டு" யிடம் 'இன்சல்ட்'டுக்குள்ளான டாடா!

'இன்டிகா'வை விற்கப் போய் "போர்டு" யிடம் 'இன்சல்ட்'டுக்குள்ளான டாடா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக