கவிதை!

tamilpappa · tamilpappa Mon Mar 16, 2015 9:39 am

கனவு கண்டு காத்திருப்பதை விட ,
காலம் உணர்ந்து செயல் பட்டால்
கீழ்வானம் சிவக்கும் முன்
கின்னசிலும் இடம் பெறலாம் - நமக்கு
கேட்ட வரமும் கிடைத்திடலாம் !!!
களையான முகத்தில் கற்பனைகள்
வளர்த்து காட்சிகளை மெய்யாக்குங்கள்
வாழ்வில் இடையூரான நிகழ்வுகளை
எடுத்தெரியுங்கள் ...முன்னேற்றம்
நாம் நடக்கும் பாதையில் இல்லை ...
நம் பாதத்தில் இருக்கிறது !!!

யினியவன் · யினியவன் Mon Mar 16, 2015 10:25 am

நன்று கவிதை

ஒவ்வொன்றுக்கும் தலைப்பிட்டு பதிந்தால் மிக நன்று

**ayyasamy ram** · **ayyasamy ram** Mon Mar 16, 2015 11:35 am

**krishnaamma** · **krishnaamma** Mon Mar 16, 2015 12:07 pm

தலைப்பை தமிழில் போடுங்கள் ....................மேலும் பொருத்தமான திரிகளில், பார்த்து பதிவு போடுங்கள் ........இப்போது நான் மாற்றிவிடுகிறேன் ............ புன்னகை

patra · patra Mon Mar 16, 2015 6:12 pm

என்ன ஜாலமோ...

நினைவுகள் நீச்சலடித்தன
காதல் உத்தரவாதம்
ஆடை களைந்து கொண்டது
கரைதொட மறுத்தது மனம்.

நிலை குலைந்த நேசத்தின்
ஆர்பரிப்புகள் அலைகளாக
நினைவுகள் நீச்சலடித்தன
வார்த்தைகளின் ஜாலம் கண்டு

ராதாமேத்தா

patra · patra Mon Mar 16, 2015 6:34 pm

கல்லெறியும் ஞாபகங்கள்

ஞாபகங்கள் கல்லெறிந்தன
கலங்கிக் கொண்டது
நினைவுக்குளம்..

ஒற்றைக் காலில் நின்ற
கொக்கும் சிறகடித்தது
கட்டித் தழுவியதை மறந்த
அவளது மனது போன்று

ராதாமேத்தா

**krishnaamma** · **krishnaamma** Mon Mar 16, 2015 6:44 pm

பத்ரா, இது உங்கள் கவிதைகளா?......தனி திரி இல் போடுங்கள், அறிமுகம் பகுதிக்கு சென்று உங்களை அறிமுகம் படுத்திக்கொள்ளுங்கள் புன்னகை

patra · patra Tue Mar 17, 2015 6:23 pm

என்னவென்பேன்?

சீறிய நினைவுகளை
பிடித்து வைத்தேன்
திமிறிக்கொண்டன
நீ சொன்ன வார்த்தைகள்

காகிதக் கப்பலாய்
தத்தளித்த மனதுக்குள்
தத்தெடுத்துக் கொண்டன
நீ தந்த இனிமைகள்

காலங்கள் போயினும்
நினைவறைக்குள்
கச்சிதமாய் இடம்பிடித்த
நீ தந்த தனிமையை
என்னவென்பேன்?

ராதாமேத்தா

**M.Saranya** · **M.Saranya** Thu Mar 19, 2015 10:52 am

patra · patra Fri Mar 20, 2015 12:02 pm

தெரியாமல் போனதோ

கொட்டிவிட்ட சில்லறையாய்
தொட்டுச்சென்ற உன் சிரிப்பு
சங்கிதக் கதிரை ஒட
சரிந்து கொண்டது என்மனம்.

சாய்ந்தகோபுரமாய்
அன்றுமுதல் இன்று வரை
சரிந்தே நிற்கிறது சலனம்
நீட்சிகள் ஏதுமின்றி.

உன் விழித்திரை விலகி
ஒருகனம் என் விழித்திரை
பார்க்காயோ எனும் ஏக்கம்
உனக்குத் தெரியாமல் போனதே?

ராதாமேத்தா

Sponsored content · Sponsored content

கவிதை!

கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

Re: கவிதை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக