நாள்தோறும் 5,000 குழந்தைகள் புகையிலைக்கு அடிமையாகின்றனர்

**சிவா** · **சிவா** Sat Mar 14, 2015 10:49 am

நாள்தோறும் 5 ஆயிரத்துக்கும் மேற்பட்ட குழந்தைகள் புகையிலைப் பழக்கத்துக்கு அடிமையாகி வருவதாக மத்திய அரசு தெரிவித்துள்ளது.

பள்ளி, கல்லூரிகளுக்கு அருகில் புகையிலைப் பொருள்களை விற்பனை செய்வதைத் தடுக்க மத்திய அரசு மேற்கொண்ட நடவடிக்கைகள் குறித்து மக்களவையில் வெள்ளிக்கிழமை கேள்வி எழுப்பப்பட்டது.

அதற்கு மத்திய சுகாதாரத் துறை அமைச்சர் ஜே.பி.நட்டா எழுத்துப்பூர்வமாக அளித்த பதில்:

கல்வி நிறுவனங்களுக்கு அருகில் புகையிலைப் பொருள்கள் விற்பனை செய்ததற்காக, கடந்த 2012-ஆம் ஆண்டு ஆகஸ்ட் மாதத்திலிருந்து 2014 டிசம்பர் வரை 3,13,079 பேருக்கு அபராதம் விதிக்கப்பட்டது. அதிகபட்சமாக கர்நாடகத்தில் 1.48 லட்சம் பேருக்கும், ஆந்திரத்தில் 71,000 பேருக்கும், தமிழகத்தில் 40,000 பேருக்கும் அபராதம் விதிக்கப்பட்டுள்ளது.

அவர்களிடமிருந்து சுமார் ரூ.3.32 கோடி அபராதத் தொகையாக வசூலிக்கப்பட்டுள்ளது. தேசிய புகையிலைக் கட்டுப்பாட்டுத் திட்டங்கள், விழிப்புணர்வு நிகழ்ச்சிகளை நாடு முழுவதும் மேற்கொள்ள மத்திய அரசு சார்பில் பல்வேறு நடவடிக்கைகள் எடுக்கப்பட்டு வருகின்றன.

நாள்தோறும் 5,500 குழந்தைகளும், இளம் பருவத்தினரும் புகையிலைப் பழக்கத்தைத் தொடங்குவதாக சமீபத்தில் மேற்கொள்ளப்பட்ட ஆய்வுத் தகவல்கள் தெரிவிக்கின்றன.

கல்வி நிறுவனங்கள் அமைந்துள்ள இடங்களை புகையிலை தடை செய்யப்பட்ட பகுதியாக உருவாக்க பல்வேறு வழிமுறைகள் வகுக்கப்பட்டுள்ளன என்று நட்டா தெரிவித்தார்.

**ayyasamy ram** · **ayyasamy ram** Sat Mar 14, 2015 12:22 pm

நாள்தோறும் 5,000 குழந்தைகள் புகையிலைக்கு அடிமையாகின்றனர் 103459460

-
2014-15-ம் ஆண்டுக்கான நிதிநிலை அறிக்கையில், சிகரெட்டுக்கான கலால் வரிவிதிப்பை 11 சதவீதத்திலிருந்து 72 சதவீதம் வரை உயர்த்தி நிதியமைச்சர் அருண் ஜேட்லி அறிவித்தார்.

இந்தியாவில் சிகரெட் பிடிப்பவர்களின் எண்ணிக்கையைக் குறைக்கும் நடவடிக்கைகளில் ஒன்றாக அதை அருண் ஜேட்லி குறிப்பிட்டார். புகைபிடிப்பவர்கள், இதுபோன்ற நடவடிக்கைகளைத் தண்டனையாகப் பார்க்காமல் எச்சரிக்கையாகக் கருதினாலே புகைக்கு எதிரான யுத்தத்தில் பாதி வெற்றி கிடைத்துவிடும்.
-

நாள்தோறும் 5,000 குழந்தைகள் புகையிலைக்கு அடிமையாகின்றனர்

நாள்தோறும் 5,000 குழந்தைகள் புகையிலைக்கு அடிமையாகின்றனர்

Re: நாள்தோறும் 5,000 குழந்தைகள் புகையிலைக்கு அடிமையாகின்றனர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக