தென்னிந்திய பெண்கள் பற்றி சரத்யாதவ் சர்ச்சைக்குரிய கருத்து

**சிவா** · **சிவா** Fri Mar 13, 2015 11:29 pm

டெல்லி மேல்-சபையில் ஐக்கிய ஜனதாதள தலைவர் சரத் யாதவ் தென்னிந்திய பெண்கள் பற்றி கூறிய கருத்துக்கு பலத்த எதிர்ப்பு கிளம்பியது. இருப்பினும் தனது கருத்துக்கு அவர் வருத்தம் தெரிவிக்க மறுத்துவிட்டார்.

டெல்லி மேல்-சபையில் நேற்று காப்பீட்டு மசோதா குறித்த விவாதம் நடந்தது. அப்போது ஐக்கிய ஜனதாதள தலைவர் சரத்யாதவ்,
தென்னிந்தியாவை சேர்ந்த பெண்கள் மிகவும் அழகாக இருப்பார்கள்.
தென்னிந்திய பெண்கள் அபாரமான நாட்டியத் திறமை கொண்டவர்கள்.
இங்குள்ள பெண்கள் நிறமாக படைக்கப்படவில்லை
என்று பேசி இருந்தார். சரத் யாதவின் இந்த கருத்துக்கு காங்கிரஸ் மற்றும் பாஜக கடும் எதிர்ப்பு தெரிவித்துள்ளது.

சரத்யாதவின் பேச்சு பற்றி பா.ஜனதா செய்தி தொடர்பாளர் சம்பித் பாத்ரா கருத்து தெரிவிக்கையில், மூத்த தலைவர் சரத்யாதவ் போன்றவர்களிடம் இருந்து இவை போன்ற கருத்துக்களைக் கேட்பது மிகவும் துரதிருஷ்டவசமானது. இவை இனவெறியைக் குறிக்கும் செயலாகும். தென்னியந்திய பெண்களைப் பற்றிய அவருடைய கருத்து மிகவும் ஆட்சேபனைக்குரியதுஎன்றார்.

காங்கிரஸ் செய்தி தொடர்பாளர் ஷோபா ஓஜா கூறும்போது, சரத்யாதவ் தெரிவித்த கருத்தை வன்மையாகக் கண்டிக்கிறேன். மக்களால் தேர்ந்தெடுக்கப்பட்ட பிரதிநிதிகள் பெண்களைப் பற்றி மரியாதையாகவும் கவுரவமான முறையிலும் பேசவேண்டும். பெண்களைப் பற்றிய கருத்துகளில் அவர்கள் மரியாதையைக் கடைப்பிடிக்க வேண்டும் என்றார்.

இருப்பினும் தனது கருத்து குறித்து வருத்தம் தெரிவிக்க சரத் யாதவ் மறுப்பு தெரிவித்து விட்டார். அதேவேளையில், சரத் யாதவின் கருத்து யாரையும் காயப்படுத்தி இருந்தால் மன்னிப்பு கோருவதாக ஐக்கிய ஜனதா தளம் கட்சி தெரிவித்துள்ளது.

தென்னிந்திய பெண்கள் பற்றி சரத்யாதவ் சர்ச்சைக்குரிய கருத்து

தென்னிந்திய பெண்கள் பற்றி சரத்யாதவ் சர்ச்சைக்குரிய கருத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக