மாலை வேண்டாம்; ரூ.100 கொடுங்க: கட்சியினருக்கு கருணாநிதி உத்தரவு

சென்னை: 'என்னையும், அன்பழகன், ஸ்டாலினையும் சந்திக்க வரும் போது, 100, 200 ரூபாய் என, தேர்தல் நிதியை கொண்டு வரவேண்டும்' என, தி.மு.க., தலைவர் கருணாநிதி, கட்சியினருக்கு உத்தரவிட்டு உள்ளார்.

அவரது அறிக்கை: எதிர்க்கட்சிகளிடம் ஒற்றுமை இல்லை என்ற எண்ணம், ஆளுங்கட்சியிடம் அதிகமாக உள்ளது. எதிர்க்கட்சிகளிடம் கூட்டணி இல்லை என்ற தைரியமும், அக்கட்சியிடம் இருக்கிறது. எந்தெந்த வகையில் பணத்தை குவிக்க முடியுமோ, அந்த வழிகளில், ஆயிரக்கணக்கான கோடி நிதியை, ஆளுங்கட்சி குவித்துள்ளது. லோக்சபா தேர்தலில் வெற்றி பெற்றது போல, சட்டசபைத் தேர்தலில் வெற்றி பெறலாம் என்ற கனவோடு இருக்கிறது. ஆளுங்கட்சி பட்டுப் புடவை கட்டிக் கொண்டு பார், பார் நான் அணிந்திருக்கும் நகைக்கடையை என, ஒய்யாரா நடைபோட்டு வரும் போது, தி.மு.க., எளிய புடவையாவது கட்டிக் கொண்டு, தங்க வளையல் இல்லாவிட்டாலும், கண்ணாடி வளையல்களாவது அணிந்து கொண்டு வர வேண்டாமா? எதிர் முகாமில் உள்ள பணத்தோட்டாக்கள், தேர்தலில் தி.மு.க.,வினர் மீது பாயக் காத்திருக்கிறது. பாயும் அந்த தோட்டாக்கள், பட்டெனத் தெறித்து விழும் அளவுக்கு, பலம் வாய்ந்த நெஞ்சுரம் கொண்டது, தி.மு.க., பட்டாளம். தேர்தல் நிதிக்கு நன்கொடை சீட்டுகள் வழங்கப்பட உள்ளன. 'நான், 16 அடி என்ன, 32 அடி கூட பாயத் தயார்' என, ஸ்டாலின் கூறினார்; அதை நிரூபிக்க நல்ல வாய்ப்பு ஏற்பட்டு உள்ளது; நிதி திரட்டும் முயற்சியில் அவர் வெற்றி பெறுவார். நான், அன்பழகன், ஸ்டாலின் கலந்து கொள்ளும் கட்சி நிகழ்ச்சிகளில், தேர்தலுக்காக நிதியளிக்க வேண்டும். கட்சி நிகழ்ச்சிகளில் அல்லது நேரில் எங்களை காண வரும் போது, மாலை, கைத்தறி ஆடைக்கு பதிலாக, 100, 200 ரூபாய் என, தேர்தல் நிதி கொண்டு வர வேண்டும். இவ்வாறு, கருணாநிதி கூறியுள்ளார்.

வசூல் ரூ.107 கோடி:

கடந்த 2014 லோக்சபா தேர்தல் நேரத்தில், கருணாநிதி, ஸ்டாலினைச் சந்தித்து வாழ்த்துப் பெறுபவர்களிடம் இருந்தும், தேர்தல் நிதி வசூல் செய்யப்பட்டது. தி.மு.க., மாவட்டச் செயலர்கள், போட்டி போட்டுக் கொண்டு, தங்கள் மாவட்டங்களில் தேர்தல் நிதி வசூல் செய்து, தலைமைக்குக் கொடுத்தனர். தமிழகம் முழுவதும், இப்படி வசூலிக்கப்பட்ட மொத்த நிதி, 106 கோடியே 79 லட்சத்து 82 ஆயிரத்து 933 ரூபாய்.

[note]அதிமுக அனைவருக்கும் அள்ளிக் கொடுக்கிறது, திமுக இன்னும் பிச்சை எடுக்கிறது![/note]

இன்னும் பிச்சையா இந்த கிழத்துக்கு. சீக்கிரம் போய் சேர வேண்டியதுதனே.