'ஆவணப்படம் பொய்யானது'

கௌசிகன் · கௌசிகன் Wed Mar 11, 2015 11:54 am

புதுடில்லி: டில்லி மருத்துவ மாணவி பலாத்கார சம்பவம் தொடர்பாக, தனியார் செய்தி நிறுவனத்தின் சார்பில் தயாரிக்கப்பட்டுள்ள சர்ச்சைக்குரிய ஆவணப் படத்தில், பொய்யான தகவல்கள் இடம் பெற்றுள்ளதாக, பாதிக்கப்பட்ட மாணவியின் ஆண் நண்பர் பகிரங்கமாக குற்றஞ்சாட்டி உள்ளார்.

கடந்த 2012 டிசம்பரில், டில்லியில் ஓடும் பேருந்தில் மருத்துவ மாணவி, ஆறு பேர் கொண்ட கும்பலால் பலாத்காரம் செய்யப்பட்டார். கடுமையாக பாதிக்கப்பட்ட மாணவி, மருத்துவமனையில் சிகிச்சை பலனின்றி இறந்தார். குற்றவாளிகள் திகார் சிறையில் அடைக்கப்பட்டு உள்ளனர். இந்நிலையில், இந்த சம்பவம் தொடர்பாக, 'இந்தியாவின் மகள்' என்ற தலைப்பில், பிரபல செய்தி நிறுவனம், ஆவணப் படம் ஒன்றை தயாரித்துள்ளது. இந்நிலையில், பலாத்கார சம்பவத்தன்று, பாதிக்கப்பட்ட மாணவியுடன் பேருந்தில் பயணித்த, அவரின் ஆண் நண்பர், இந்த ஆவணப் படம் குறித்து கருத்து தெரிவித்து உள்ளார்.

இதுகுறித்து, அவர் கூறியதாவது:

சம்பவம் நடந்த அன்று என்ன நடந்தது என, எனக்கும் என் தோழிக்கும் தான் தெரியும். ஆவணப் படத்தில் கூறப்பட்டுள்ள தகவல்கள் தவறானவை. இந்த ஆவணப் படத்தில் காட்டப்பட்டுள்ள சம்பவங்கள் பொய்யானவை. இவற்றில் சிறிதளவும் உண்மை கிடையாது; செய்தி நிறுவனத்தின் செயல் கண்டிக்கத்தக்கது. இவ்வாறு, அவர் கூறினார்.

**ayyasamy ram** · **ayyasamy ram** Wed Mar 11, 2015 1:38 pm

வெளிநாடுகளில் ஆவணப்படம்
வெளியிடப்பட்டுள்ளது...
-
ஆவணப்படத்தில் கூறப்பட்டுள்ளவை பொய்யானவை என்றால்
அது விபரம் தெளிவாக கூறப்பட வேண்டும்
-
பொய்யான தகவல்கள் விலக்குவதற்கு அரசின் துணையை
அவர் நாடியிருக்கலாம்.
-