ரகசிய ஆய்வாளர் எனப்படுபவர்கள் யார்?

**சிவா** · **சிவா** Tue Mar 10, 2015 9:13 pm

நிறுவனங்களும், சந்தை ஆய்வு மையங்களும் பல்வேறு தகவல்களை சேகரிக்க சிலரை நியமிப்பார்கள். குறிப்பிட்ட தயாரிப்பு பொருட்கள் மற்றும் சேவையைப் பற்றி தகவல் சேகரித்து வழங்கும் பணியை இவர்கள் செய்வார்கள். இவர்களை ரகசிய ஆய்வாளர்கள் என குறிப்பிடலாம்.

ஒரு கடை அல்லது தியேட்டர் அல்லது பொது இடங்களில் நின்றபடி, ரகசிய ஆய்வாளர்கள் தன்னை கடந்து செல்பவர்களிடம் குறிப்பிட்ட பொருள் அல்லது சேவையை பற்றி கருத்து கேட்பார்கள். அவர்கள் கருத்து கேட்பது ரகசியமாகவோ, மற்றவர்களை சூழ்ந்து கொண்டு ஒரு பொருளை விளம்பரப்படுத்துவது போலவோ அல்லது ஒரு பொருளை மக்கள் வாங்குவதை தடுக்கும் விதமாகவோ அமையாது. இயல்பாக ஒன்றைப்பற்றி வாடிக்கையாளர் என்ன சொல்கிறாரோ அதை பதிவு செய்யும் விதமாகவே களப்பணியை செய்வார்.

சில நேரங்களில் வினாக்கள் அடங்கிய காகிதத்தை கொடுத்து மக்களின் கருத்தை பதிவு செய்து வாங்கிக் கொள்வார். இந்த நிகழ்வுகள் ஆடியோவாகவும், வீடியோவாகவும் பதிவு செய்யப்படும். பொருளின் தரம், விரைவான சேவை, அதை சந்தைப்படுத்துபவரின் நடவடிக்கை, பொருட்களின் பராமரிப்பு, புகார்கள் மற்றும் எதிர்விமர்சனங்கள் பற்றிய உண்மைத்தன்மை ஆகியவை பற்றிய கேள்விகள் மூலம் இந்த புள்ளிவிவரங்கள் சேகரிக்கப்படும். அதன் மூலம் குறிப்பிட்ட பொருள் மற்றும் நிறுவனம் பற்றிய உண்மை நிலையை அறிய முயல்கிறார்கள். சில நேரங்களில் இதுபோன்ற ஆய்வுப் பணிகள் ரகசியமானவர்களால் வெளிப்படையின்றி நடத்தப்படுவது உண்டு.

மேற்கத்திய நாடுகளில் குறிப்பாக மருத்துவம் மற்றும் ஆரோக்கியம் சார்ந்த தயாரிப்புகளில் இதுபோன்ற கருத்துக்கணிப்புகள் ஏராளமாக நடத்தப்படுகின்றன.

ரகசிய ஆய்வாளர் எனப்படுபவர்கள் யார்?

ரகசிய ஆய்வாளர் எனப்படுபவர்கள் யார்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக