மதங்கள்

இயற்கைக்கு அப்பாற்பட்ட ஏதோ ஒரு சக்திக்கும், மனிதனுக்கும் இடையில் இருப்பதாகக் கருதப்படும் நம்பிக்கையே சமயம் அல்லது மதம் என்று சொல்லப்படுகிறது. ஆதிகாலத்தில் இருந்தே இந்த நம்பிக்கை இருப்பதாக தொல்பொருள் ஆய்வுகள் தெரிவிக்கின்றன. சமய நம்பிக்கைகள் பொதுவாக புராணங்கள், சித்தாந்தங்கள், சடங்குகள் ஆகியவற்றின் மூலம் வெளிப்படுகின்றன.

உலகின் முக்கிய மதங்களாக கிறிஸ்துவம், இஸ்லாம், இந்து, புத்தம், சீக்கியம், ஜைனம், பார்சி உள்பட பல மதங்கள் உள்ளன. கிறிஸ்தவ மதம் சுமார் 2 ஆயிரம் ஆண்டுகளுக்கு மேல் பழமை வாய்ந்தது. ‘பைபிள்’ அதன் புனித நூல் ஆகும். உலகின் மிக அதிகமான மொழிகளில் மொழிபெயர்க்கப்பட்ட புத்தகம் பைபிள். கிறிஸ்தவர்களின் புனிதத் தலம் இஸ்ரேல் தலைநகரான ஜெருசலேம். கத்தோலிக்கம், புரோட்டஸ்டன்ட் ஆகியவை முக்கிய பிரிவுகளாகும். உலக மக்கள் தொகையில் 31.91 சதவீதம் பேர் கிறிஸ்தவர்கள் உள்ளனர்.

உலக மக்கள் தொகையில் 23.20 சதவீதம் பேர் இஸ்லாமியர் கள் இருக்கிறார்கள். இன்றைய சவுதி அரேபியாவில் உள்ள மெக்கா நகரில் பிறந்த முகமது நபியே இஸ்லாம் இறை தூதர்கள் வரிசையில் மிகவும் உயர்ந்தவராக கருதப்படுகிறார். இஸ்லாமியர் களின் புனித நூல் ‘குர்ஆன்’. அரபிக் மொழியில் எழுதப்பட்ட இதன் பொருள் ‘பாராயணம் செய்க’ என்பதுதான். இஸ்லாமியர் களின் புனிதத் தலம் மெக்கா, மதினா ஆகும்.

உலக மக்கள் தொகையில் 15.20 சதவீதம் பேர் இந்துக்களாக இருக்கிறார்கள். நிறுவனர் எவரும் இல்லாத மதம் அதனால் ‘சனாதனதர்மம்’ என வழங்கப்படுகிறது. வேதங்கள், உபநிஷங்கள், பகவத்கீதை ஆகியவை புனித நூல்கள். ஆலயங்கள்தான் முக்கிய வழிபாட்டுத் தலங்கள்.

நேபாளமும், இந்தியாவும் இந்துக்கள் அதிகம் வாழும் நாடுகள். இவற்றுடன் பூடான், பிஜி, இந்தோனேசியா, இலங்கை, மலேசியா, தென்னாப்பிரிக்கா, பாலி போன்ற நாடுகளிலும் இந்துக்கள் வாழ்கிறார்கள். அடுத்து, 6.77 சதவீத மக்கள் புத்த மதத்தை பின்பற்றுகிறார் கள். இதர மதங்கள் ஒரு சதவீதத்திற்கும் குறைவே. எந்த மதத்தையும் பின்பற்றாதவர்கள் 16.03 சதவீதத்தினர் உள்ளனர்.