வண்ணத்துப் பூச்சி: நீண்ட தூரப் பயணம்!

**ayyasamy ram** · **ayyasamy ram** Wed Mar 04, 2015 3:37 pm

-

வண்ணத்துப் பூச்சி: நீண்ட தூரப் பயணம்! WhDDeWBcTqCYyiY8wri6+2butterflies

-

* வண்ணத்துப் பூச்சிகள் பூச்சி வகையைச் சேர்ந்தவை.

* வண்ணத்துப் பூச்சியின் வாழ்க்கை நான்கு பருவங்களைக்
கொண்டது. முட்டைப் பருவம், இளம் புழு பருவம், கூட்டுப்புழு
பருவம், வண்ணத்துப் பூச்சி பருவம்.

* வண்ணத்துப் பூச்சிகள் தங்கள் முட்டைகளை உடலில்
இருந்து வெளிவரும் பசையால் செடிகளில் ஒட்டச் செய்யும்.

* புழுவாக இருக்கும் பருவத்தில் தாவரங்களைச் சாப்பிடும்.

* முழுமையாக வளர்ந்த புழு, தனது மேல் தோலை உரிக்கும்
முன்பு மரக்கிளை அல்லது இலையில் ஒட்டி வாழும். மேல்
தோல் உரிந்த நிலையில் அதற்குப் பெயர் ‘பொற்புழு'
(chrysalis).

* பொற்புழு நிலையிலிருந்தே வண்ணத்துப் பூச்சி உருவாகும்.

* வண்ணத்துப் பூச்சி தனது சிறகை முதல் தடவை விரிப்பதற்குச்
சில மணிநேரங்கள் எடுத்துக்கொள்ளும். உடலுக்குள் ரத்தம்
பாய்வதற்கும், இறக்கை உலர்வதற்கும்தான் அந்த அவகாசம்.

* வண்ணத்துப் பூச்சிக்கு நான்கு இறக்கைகள் உள்ளன.

* பொதுவாக வண்ணத்துப் பூச்சிகளின் இறகுகள் வெளிர்
நிறத்தில் இருக்கும். குட்டிக் குட்டி வடிவமைப்புகளில் வண்ணம்
மாறுபடும்.

* மலரிலிருந்து தேனை எடுத்துத்தான் பெரும்பாலான
வண்ணத்துப் பூச்சிகள் உண்கின்றன.

* வண்ணத்துப் பூச்சி தன் கால்களால் ருசியை உணர்கிறது.

* உலகில் இதுவரை 15 ஆயிரம் முதல் 20 ஆயிரம் வகை
வண்ணத்துப் பூச்சிகள் இருப்பதாக விஞ்ஞானிகள்
குறிப்பிடுகின்றனர்.

* ‘மொனார்க்’ எனப்படும் வண்ணத்துப் பூச்சி இனங்கள்,
நீண்ட தூரம் பறந்து இடம் பெயரக்கூடியவை. 4,000 கிலோமீட்டர்
வரைகூடச் செல்லும்.

* இடம்பெயர்ந்த வண்ணத்துப் பூச்சிகள் முட்டையிட்டுக் குட்டி
வண்ணத்துப் பூச்சிகள் வெளியே வரும்போது, தங்கள் பெற்றோர்
பயணத்தைத் தொடங்கிய இடத்திற்கு வரும் ஆற்றல் பெற்றவை.
-
------------------------------------------------

வண்ணத்துப் பூச்சி: நீண்ட தூரப் பயணம்!