இந்தியாவின் வெற்றி தொடருமா: வெஸ்ட் இண்டீசுடன் இன்று மோதல்

பெர்த்: உலக கோப்பை தொடரில் இன்று நடக்கும் லீக் போட்டியில், இந்தியா, வெஸ்ட் இண்டீஸ் அணிகள் மோதுகின்றன. இதில் இந்திய அணியின் வெற்றி தொடரும் பட்சத்தில் காலிறுதிக்கு முன்னேறி அசத்தலாம்.

ஆஸ்திரேலியா, நியூசிலாந்து மண்ணில், 11வது ஐ.சி.சி., உலக கோப்பை தொடர் நடக்கிறது. ஆஸ்திரேலியாவின் பெர்த் நகரில் இன்று நடக்கும் ‘பி’ பிரிவு லீக் போட்டியில், ‘நடப்பு சாம்பியன்’ இந்திய அணி, வெஸ்ட் இண்டீசை எதிர்கொள்கிறது.

ரோகித் எழுச்சி:

முதல் மூன்று லீக் போட்டியில், பாகிஸ்தான், தென் ஆப்ரிக்கா, ஐக்கிய அரபு எமிரேட்ஸ் (யு.ஏ.இ.,) அணிகளை வீழ்த்திய இந்திய அணி (6 புள்ளி), ‘ஹாட்ரிக்’ வெற்றி கண்ட உற்சாகத்தில் உள்ளது. முதலிரண்டு போட்டியில் ஏமாற்றிய ரோகித் சர்மா, யு.ஏ.இ., அணிக்கு எதிராக அரைசதம் (57) கடந்து எழுச்சி கண்டது வரவேற்கத்தக்கது. தலா ஒரு சதம் அடித்த கோஹ்லி, ஷிகர் தவான் மீண்டும் சாதிக்கலாம். பத்திரிகையாளர் பிரச்னையில் சிக்கிய கோஹ்லி, இன்று போட்டியில் எப்படி கவனம் செலுத்த போகிறார் என பெரிதும் எதிர்பார்க்கப்படுகிறது.இதேபோல, ரகானே, ரெய்னாவும் நம்பிக்கை தருகின்றனர். கேப்டன் தோனி, ரவிந்திர ஜடேஜா கடைசியில் ரன் குவிப்பை வெளிப்படுத்த வேண்டிய கட்டாயத்தில் உள்ளனர்.

அஷ்வின் நம்பிக்கை:

சுழற்பந்துவீச்சில் அஷ்வின் (8 விக்.,) அசத்தல் தொடரும் என, நம்புவோம். இவருக்கு ரவிந்திர ஜடேஜா (4 விக்.,) ஒத்துழைப்பு தர வேண்டும். வேகப்பந்துவீச்சிற்கு சாதகமான ஆடுகளம் என்பதால், காயத்தில் இருந்து மீண்ட முகமது ஷமியுடன் (6 விக்.,), மோகித் சர்மா (5), உமேஷ் யாதவுடன் (4), புவனேஷ்வர் குமாருக்கும் வாய்ப்பு கிடைக்கலாம்.

கெய்ல் எப்படி:

வெஸ்ட் இண்டீஸ் அணி, 4 போட்டியில் தலா 2 வெற்றி, தோல்வியுடன் உள்ளது. துவக்கத்தில் டுவைன் ஸ்மித் (18, 23, 0, 31 ரன்) தொடர்ந்து ஏமாற்றுகிறார். ஜிம்பாப்வேக்கு எதிராக இரட்டை சதம் (215) அடித்தாலும், மற்ற போட்டிகளில் 36, 4, 3 என, கெய்ல் சொதப்புகிறார். இதனால், அடுத்து வரும் சாமுவேல்ஸ், ராம்தின், சிம்மன்ஸ், கார்டர், டேரன் சமி, ரசல் உள்ளிட்டோர் அதிரடியாக ரன் குவிக்க காத்திருக்கின்றனர்.

பவுலிங் மிரட்டல்:

வெஸ்ட் இண்டீஸ் அணிக்கு வேகப்பந்து வீச்சு பலமாக இருந்தாலும், ஜெரோம் டெய்லர் (9 விக்.,) தவிர, ஹோல்டர், ரசல் என, மற்றவர்கள் ரன்களை வாரி வழங்குகின்றனர். ‘சுழலில்’ சுலைமன் பென், நிகிதா மில்லர் என, இருவரில் ஒருவர் இடம் பெறலாம்.

115

சர்வதேச ஒருநாள் போட்டி அரங்கில், இந்தியா, வெஸ்ட் இண்டீஸ் அணிகள் 115 முறை மோதின. இதில் இந்தியா 52, வெஸ்ட் இண்டீஸ் 60 போட்டிகளில் வென்றன. ஒரு போட்டி ‘டை’ ஆனது. இரண்டு போட்டிகளுக்கு முடிவு இல்லை.

கைகொடுக்குமா பெர்த்

பெர்த் மைதானத்தில் இந்திய அணி பங்கேற்ற 12 ஒருநாள் போட்டிகளில் 5ல் வெற்றி, 6ல் தோல்வியடைந்தது.

* கடந்த 1991ல் இங்கு இந்திய அணி வெஸ்ட் இண்டீசிற்கு எதிராக 47.4 ஓவரில் 126 ரன்னுக்கு சுருண்டது. கடைசியில் வெஸ்ட் இண்டீஸ் அணியும் 126 ரன்களுக்கு (41 ஓவர்) சுருண்டதால் போட்டி ‘டை’ ஆனது.

எதுவுமே தெரியாது

இந்திய வீரர் அஷ்வின் கூறியது: ஆஸ்திரேலியாவுக்கு வந்துள்ள இந்திய ‘மீடியாக்கள்’ எங்களுக்கு ஆதரவு தருகின்றன. போட்டிகள் பற்றி தகவல்களை, தாயகத்திற்கு அளிக்கின்றன. ஆனால், ஒரு சில நேரங்களில், ‘மீடியாவின்’ செயல்பாடு மகிழ்ச்சி தரவில்லை. இது எனது தனிப்பட்ட கருத்துதான். கோஹ்லி விஷயத்தில் என்ன நடந்தது என்றே தெரியாது. தவிர, இது பற்றி என்னால் கருத்தும் கூற முடியாது. இவ்வாறு அஷ்வின் கூறினார்.

-

பெர்த்:
வெஸ்ட் இண்டீஸ் அணிக்கு எதிரான உலக கோப்பை லீக்
போட்டியில் இந்திய அணி 4 விக்கெட் வித்தியாசத்தில்
வெற்றி பெற்றது.

ஆஸ்திரேலியாவின் பெர்த் நகரில், இன்று நடந்த உலக
கோப்பைக்கான 'பி' பிரிவு லீக் போட்டியில், 'நடப்பு சாம்பியன்'
இந்தியா, வெஸ்ட் இண்டீஸ் அணிகள் மோதின.

இண்டீஸ் அணியில் சுலைமன் பென் நீக்கப்பட்டு கீமர் ரோச்
இடம் பிடித்தார். இந்திய அணியில் காயத்தில் இருந்து மீண்ட
முகமது ஷமி வாய்ப்பு பெற்றார்.

புவனேஷ்வர் குமாருக்கு இடம் கிடைக்கவில்லை. 'டாஸ்'
வென்ற வெஸ்ட் இண்டீஸ் கேப்டன் ஜாசன் ஹோல்டர்,
'பேட்டிங்' தேர்வு செய்தார்.


ஷமி மிரட்டல்:

வெஸ்ட் இண்டீஸ் அணிக்கு டுவைன் ஸ்மித் (6),
சாமுவேல்ஸ் (2) ஏமாற்றினர். மிகவும் எதிர்பார்க்கப்பட்ட
கிறிஸ் கெய்ல் (21), முகமது ஷமியிடம் சரணடைந்தார்.
உமேஷ் யாதவ் பந்தில் ராம்தின் (0) போல்டானார்.
மோகித் சர்மா பந்தில் சிம்மன்ஸ் (9) அவுட்டானார்.
அஷ்வின் 'சுழலில்' கார்டர் (21) சிக்கினார். டேரன் சமி (26)
ஆறுதல் தந்தார். பொறுப்பாக ஆடிய ஹோல்டர் அரைசதம் (57)
அடித்தார்.

பின் வந்தவர்கள் விரைவில் வெளியேற, வெஸ்ட் இண்டீஸ்
அணி 44.2 ஓவரில், 182 ரன்களுக்கு 'ஆல்-அவுட்' ஆனது.
இந்தியா சார்பில் அதிகபட்சமாக முகமது ஷமி 3 விக்கெட்
கைப்பற்றினார்.

சுலப இலக்கை விரட்டிய இந்திய அணிக்கு ஷிகர் தவான் (9),
ரோகித் சர்மா (7) ஏமாற்றினர். கோஹ்லி 33 ரன்கள் எடுத்தார்.
ரகானே (14), ரெய்னா (22), ஜடேஜா (13) ஏமாற்றினர். இருப்பினும்,
கேப்டன் தோனி, அஷ்வின் ஜோடி இணைந்து வெற்றிக்கு
உதவியது.

இந்திய அணி 39.1 ஓவரில், 6 விக்கெட்டுக்கு 185 ரன்கள்
எடுத்து வெற்றி பெற்றது.

தோனி (45), அஷ்வின் (16) அவுட்டாகாமல் இருந்தனர். இந்த
வெற்றி மூலம், 'பி' பிரிவில் முதல் அணியாக இந்தியா
காலிறுதிக்கு தகுதி பெற்றது.
=

அருமையான ஆட்டம் , இரு அணியின் பந்துவீச்சாளர்களும் அருமையாக பந்து வீசினார்கள். கடைசியில் தோனியின் பொறுப்பான captain knock இந்தியாவிற்கு மேலும் ஒரு வெற்றியுடன் கால் இறுதிக்கு தகுதியும் பெற்றது


ஒருவேளை We Wont give it Back என்று கோஷம் உண்மையாகிவிடும் போல

அந்த மூன்று ஆட்டங்கள் தான் இனி நமக்கு

குவாட்டரை அடித்து ஹாபை முழுங்கி
ஒரு புல்லை தாங்கி தடுமாறாமல்
வெற்றி பெற வாழ்த்துகள்

இரண்டு அணியும் பந்துவீச்சும் மிக அருமை .....இரண்டு அணி தலைவர்களும் மிக பொறுப்பாக விளையாடினர் ...

T.N.Balasubramanian wrote:
இதுமாதிரி , தடுமாறாமல் வாழ்த்துவது 
உங்களுக்கு தண்ணி பட்ட பாடு .
ரமணியன்

தண்ணி இல்லா காட்டில்
தனி ஆவர்த்தனம் வாசிக்கும்
தன்னந் தனி காட்டு ராஜா அதானைய்யா அப்படி