ஸ்டாப் - ஒரு பக்க கதை

**ayyasamy ram** · **ayyasamy ram** Fri Mar 06, 2015 7:56 pm

அந்த நகரப் பேருந்து நிறுத்தங்களில்கூட சரிவர
நிறுத்தப்படாமலேயே சென்று கொண்டிருந்தது.
பயணிகள், நிறுத்து நிறுத்து என்று கூவியும்,
முதல்லயே சொல்லணும்... அடுத்த ஸ்டாப்பிங்ல
இறங்குங்க என்றார் நடத்துனர்.

கூட்டமும் அதிகமிருந்தது. ஓட்டுனரும் விரைவாக
ஓட்டிக் கொண்டிருந்தார்.

இப்படிச் சென்று கொண்டிருந்த பேருந்து, ஓரிடத்தில்
ஒரு பிச்சைக்கார கிழவி கை காட்டவும், நடத்தினர்
ஸ்டாப் என்று விசில் கொடுத்தார்.

வண்டி சடன்பிரேக் போடப்பட்டு பயணிகள் முன்பின்
சரிய நிறுத்தப்பட்டது.

நடத்துனர், "வாம்மா... வாம்மா... பார்த்து ஏறு...
நகருங்கய்யா.. அவங்க ஏற வழிவிடுங்க... யாருய்யா
கண்டக்டர் சீட்ல உட்கார்ந்திருப்பது. எந்திரியா வாங்கம்மா...
இப்படி உட்காருங்க' - என்று அந்தக் கிழவியை உட்கார
வைத்து பின்னர் ரைட் என்று விசில் அடித்தார்.
வண்டி நகர ஆரம்பித்தது.

அனைவரும் ஒன்றும் விளங்காது விழிக்கவே,
ஒரு சிலர், "ஏன்யா... ஸ்டாப்பிங்குலே கூட நிறுத்தாத
நீ இப்படிச் செய்யறே?' வினவினார்.

நடத்துனர், "யோவ்... வாயை மூடுங்கய்யா... எல்லாரும்
சில்லறையா தர்றீங்க... ரூவா நோட்டா இல்ல நீட்டறீங்க.
சில்லறைக்கு எங்க போவேன்?

இந்த அம்மாதான் பிச்சையெடுத்த காசை சேத்துவச்சு
தினமும் ஐநூறு ரூபாய்க்கு ஒரு ரூவா... ரெண்டு ரூவா
நாணயமா சில்லறை தருது...

புரியுதா? யார் யார் சில்லறை பாக்கி.. கேட்டு வாங்கிக்குங்க...'
என்று கூவினார்.

அனைவரும் ஆச்சரியமாக அந்தப் பிச்சைக்காரக் கிழவியைப்
பார்க்க, அவர் சில்லறைகளை நடத்துனர் பையில் கொட்டி
ரூபாய் நோட்டு வாங்கிக் கொண்டு "வீடு வந்துடுச்சு
நிறுத்து' - எனவும் வண்டி நிறுத்தப்பட்டது.
-
----------------------------------------------

- புதுவை சந்திரஹரி
நன்றி: குமுதம்

**ஜாஹீதாபானு** · **ஜாஹீதாபானு** Sat Mar 07, 2015 3:25 pm

அது சரி நோட்டுக்கு இல்லாத மதிப்பு சில்லறைக்கு இருக்கு

நவீன் · நவீன் Mon Mar 09, 2015 10:11 am

ஒரு சில இடத்தில் மட்டும் சில்லறைக்கு மதிப்பு
மற்ற எல்லா இடத்திலும் நோட்டுக்கு தான் மதிப்பு

ஸ்டாப் - ஒரு பக்க கதை 3838410834

சிவனாசான் · சிவனாசான் Mon Mar 09, 2015 3:37 pm

நல்ல கதை.............நன்று.......

**M.Saranya** · **M.Saranya** Tue Mar 10, 2015 5:02 pm

அபிரூபன் · அபிரூபன் Tue Mar 10, 2015 6:43 pm

நல்ல கதை சிறப்பான பதிவு

**krishnaamma** · **krishnaamma** Sun Mar 29, 2015 12:10 am

ஹா...ஹா..ஹா..... புன்னகை

................சூப்பர் !

இந்த பதிவைத் துவங்கியவர் நன்றி கூறியுள்ளார் krishnaamma

yogi infant · yogi infant Sat Feb 13, 2016 12:20 pm

சூப்பர்

Sponsored content · Sponsored content

ஸ்டாப் - ஒரு பக்க கதை

ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

Re: ஸ்டாப் - ஒரு பக்க கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக