பெண் குழந்தைகளின் முன்னேற்றத்திற்கான செல்வமகள் சேமிப்புத் திட்டம்...!

சுகன்ய சம்ரிதி திட்டம் (Sukanya Samriddhi Accounts) (செல்வமகள் சேமிப்புத் திட்டம்) என்பது இந்தியப் பிரதமர் நரேந்திர மோடியால் கடந்த ஜனவரி 22 தேதி துவங்கப்பட்டது. இது பெண் குழந்தைகள் மேம்பாட்டுக்கான ஒரு சேமிப்பு திட்டமாக உருவாக்கப்பட்டது. இந்த திட்டத்தின்படி, 10 வயதுக்குட்பட்ட பெண்குழந்தைகள் பெயரில் அவர்களது பெற்றோரோ அல்லது பாதுகாப்பாளரோ குறைந்தபட்சமான தொகையாக ரூபாய் 1000 செலுத்தி அஞ்சலகங்களில் அல்லது வங்கிகளில் கணக்கைத் தொடங்கலாம். ஒவ்வொரு நிதியாண்டிலும் குறைந்தபட்சமாக ரூபாய் 1000 இக்கணக்கில் செலுத்தப்படவேண்டும். ஒரு நிதியாண்டில் குறைந்தபட்சம் 1000 ரூபாயிலிருந்து அதிகபட்சமாக 150000 ரூபாய் வரை வைப்புத்தொகையாகச் செலுத்தலாம். ஆண்டுக்கு 9.1 சதவிகிதம் வட்டி வழங்கப்படுகிறது. இக்கணக்கில் ஒரு நிதியாண்டில் செலுத்தப்படும் தொகைக்கு வருமானவரிவிலக்கு அளிக்கப்படுகிறது.

ஒரு நிதியாண்டில் குறைந்த பட்சம் 1000 ரூபாயும் அதிகபட்சமாக 1.5 லட்ச ரூபாயும் முதலீடு செய்யலாம்.

குழந்தையின் பெற்றோர் அல்லது சட்டபூர்வமான பாதுகாப்பாளர் இக்கனகினை தொடங்கலாம் .
குழந்தைக்கு 10 வயது வரை இந்த கணக்கினை தொடங்கலாம்.

ஒரு பெண் குழந்தையின் பெயரில் ஒரு கணக்கு மட்டுமே தொடங்க முடியும்.

2 பெண் குழந்தைகள் இருந்தால், பெற்றோர் அல்லது காப்பாளர் ஒரு குழந்தைக்கு ஒரு கணக்கு வீதம் 2 கணக்குகளை தொடங்கலாம்.

ஒரு வயது குழந்தைக்கு கணக்கு தொடங்கினால் 10 வயது ஆகும் போது கணக்கு முடிவடையும்.

கணக்கு தொடங்கும் தேதியிலிருந்து குழந்தைக்கு 14 வயது முடிவடையும் வரை கணக்கில் பணம் செலுத்தலாம்.

அந்தக் குழந்தைக்கு திருமணமாகும் வரை கணக்கை நீட்டித்து கொள்ளும் வசதி உண்டு.