இஸ்லாமியர்கள் சிறப்பு சலுகைகள் வேண்டும் என்றால் பாகிஸ்தானுக்கு செல்லுங்கள் - சிவசேனா

இந்தியாவில் இஸ்லாமியர்களுக்கு சிறப்பு சலுகைகள் எதுவும் வேண்டும் என்று இஸ்லாமிய சமூதாயம் வேண்டினால், அவர்கள் பாகிஸ்தானுக்கு செல்ல வேண்டும் என்று சிவசேனா தெரிவித்துள்ளது.

இந்தியாவில் இருந்து அவர்களுக்கு (இஸ்லாமியர்கள்) எதுவும் வேண்டும் என்றால், அவர்கள் முதலில் இந்தியா அவர்களுடைய தாய் நாடு என்பதை ஏற்றுக்கொள்ள வேண்டும், வந்தே மாதரம் சொல்ல வேண்டும். அவர்களால் சுதந்திரம் கேட்க முடியாது, இன்னும் அவர்கள் தங்களது மதத்தை தொடர்ந்து ஒட்டிக் கொண்டிருக்கின்றனர். என்று சிவசேனா கட்சியின் பத்திரிக்கையான சம்னாவில் தெரிவிக்கப்பட்டுள்ளது. மராட்டியத்தில் இஸ்லாமியர்களுக்கு இடஒதுக்கீடு செய்ய வேண்டும் என்று ஏ.ஐ.எம்.ஐ.எம். கட்சியின் தலைவர் அசாதுதீன் ஒவைசியின் கோரிக்கையை தாக்கும் விதமாக சிவசேனா இந்த பதிலை வெளியிட்டுள்ளது.

ஒவைசியின் பேச்சு மிகவும் வெறுக்கத்தக்கது என்று கூறியுள்ள சிவசேனா, மராட்டிய மாநில பாரதீய ஜனதா அரசு அவருக்கு எதிராக வழக்கு பதிவு செய்து சட்டப்பூர்வமான நடவடிக்கையை எடுக்க வேண்டும். என்று வலியுறுத்தியுள்ளது. சமூதாயத்தில் பின் தங்கிய இஸ்லாமியர்களுக்கு இடஒதுக்கீடு செய்யப்படும், ஆனால் இஸ்லாமியர் என்ற பெயரில் இல்லை, அவர் இந்திய குடிமகன் என்ற பெயரிலேயே என்று சிவசேனா காட்டமாக பதில் அளித்துள்ளது.

நாக்பூரில் கடந்த சனிக்கிழமையன்று கூட்டத்தில் பேசிய ஐதராபாத் எம்.பி. ஒவைசி, மராட்டியத்தில் பிற்படுத்தப்பட்ட இஸ்லாமியர்களுக்கு வேலைவாய்ப்பு மற்றும் கல்வி பயில்வதில் இடஒதுக்கீடு அளிக்கப்பட வேண்டும் என்று வலியுறுத்தினார். மராட்டியத்தில் இஸ்லாமியர்களுக்கு அநீதி இழைக்கப்படுகிறது என்றும் அவர் கூறினார். இவ்விவகாரத்தில் ஒவைசி, மத்தியில் 50 ஆண்டுகளுக்கு மேலாக ஆட்சி செய்த காங்கிரஸ் அரசு மற்றும் மாநிலத்தில் காங்கிரஸ் - தேசியவாத காங்கிரஸ், பாரதீய ஜனதா - சிவசேனா அரசுகளை கடுமையாக தாக்கி பேசினார்.

[note]மலேசியாவில் மட்டமான மலாய் அரசியவாதிகள் அடிக்கடி பயன்படுத்தும் வார்த்தை இது - இந்தியர்களும், சீனர்களும் சிறப்பு அந்தஸ்து வேண்டுமென்றால் இந்தியாவிற்கும், சீனாவிற்கும் செல்லுங்கள் என்று கூறுவார்கள்! சிவசேனாவும் இந்த மட்டகரமான அரசியலில் இணைந்துவிட்டது![/note]

மாநிலத்தை ஆண்ட கட்சி இப்ப அங்கே மாண்ட ஆட்சி
அதான் உசிர் இன்னும் இருப்பதாக காட்டிக் கொள்கிறது

இந்தியர்கள் அனைவரும் சமம் என கருதிடல் வேண்டும். மதம், ஜாதி, இனம் மற்றும் மொழி இவற்றின் மூலம் பாகுபாடு காட்டப்படாமல் அனைவருக்கும் சமவாய்ப்பு கொடுக்கப்பட வேண்டும். அது ஒன்றே இது போன்ற சச்சரவுகள் நிகழாமல் தடுக்கும்.

“அனைவருக்கும் சமவாய்ப்பு கொடுக்கப்பட வேண்டும்” - இங்கேதானே சிக்கல்!
எப்படி?
உரமான கால்கள் உடையோனையும் இருகால்களும் ஊனமானவனையும் நிற்கவைத்து ஓட்டப்பந்தயம் விடுவது சமவாய்ப்பா?