Latest topics

அரசு மருத்துவமனையில் டாக்டர் இல்லை: பைக் விபத்தில் காயமடைந்த எஸ்ஐ பரிதாப சாவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அரசு மருத்துவமனையில் டாக்டர் இல்லை: பைக் விபத்தில் காயமடைந்த எஸ்ஐ பரிதாப சாவு

Post by சிவா Tue Mar 03, 2015 1:46 am

மணமேல்குடி: புதுக்கோட்டை மாவட்டம் மணமேல்குடி அடுத்த திருவாப்பாவடி அத்தாணி கிராமத்தைச் சேர்ந்தவர் பழனி(46). புதுக்கோட்டையில் கியூ பிரிவு சிறப்பு எஸ்ஐயாக இருந்தார். இவரும், அவருடன் வேலை பார்த்து வரும் போலீஸ்காரரான பிள்ளைவயல் கிராமத்தை சேர்ந்த ஆறுமுகம்(38), இவர்களது நண்பரான அத்தாணியைச் சேர்ந்த வடிவேலன் ஆகிய 3 பேரும் நேற்றுமாலை மணமேல்குடியிலிருந்து கிழக்குக் கடற்கரைச் சாலை வழியாக ஊருக்கு சென்று கொண்டிருந்தனர். பைக்கை பழனி ஓட்டி வந்தார். கொள்ளுத்திடல் பகுதியில் சென்ற போது குறுக்கே வந்த மற்றொரு பைக் மீது மோதாமல் இருப்பதற்காக பழனி பிரேக் போட்டார். இதனால் அவரது கட்டுப்பாட்டை இழந்த பைக் நிலை தடுமாறியதில் 3 பேரும் சாலையில் விழுந்து படுகாயமடைந்தனர்.

அருகில் இருந்தவர்கள் அவர்களை மீட்டு மணமேல்குடி அரசு மருத்துவமனைக்கு கொண்டு சென்றனர். அப்போது அங்கு டாக்டர்கள் இல்லாததால், நர்சுகள் முதலுதவி சிகிச்சை அளித்ததாக கூறப்படுகிறது. பின்னர் பழனியை மட்டும் மேல் சிகிச்சைக்காக தஞ்சையில் உள்ள அரசு மருத்துவ கல்லூரி மருத்துவமனைக்கு ஆம்புலன்ஸ் மூலம் கொண்டு சென்றனர். ஆனால், வழியிலேயே அவர் இறந்தார். இதையடுத்து, அவரது உடல் மணமேல்குடி அரசு மருத்துவமனைக்கு கொண்டு வரப்பட்டது. மணமேல்குடி போலீசார் வழக்குப் பதிந்து விசாரணை நடத்தி வருகின்றனர். மணமேல்குடி மருத்துவமனையில் டாக்டர் இல்லாததால் பழனி இறக்க நேர்ந்ததாக அவரது உறவினர்கள் புகார் தெரிவித்தனர்.

அரசு மருத்துவமனையில் டாக்டர் இல்லை: பைக் விபத்தில் காயமடைந்த எஸ்ஐ பரிதாப சாவு Q9CBqnj

அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:

https://picsart.com/u/sivastar
https://picsart.com/u/sivastar/stickers

ஈகரை டெலிகிராம் ஆப்பில் இணைய: https://t.me/eegarai

சிவா: நிறுவனர்; பதிவுகள் : 91538
இணைந்தது : 19/09/2008