டில்லியை மிஞ்சிய நாமக்கல் கொடூரம்

நாமக்கல்: நாமக்கல் பெண் பலாத்கார சம்பவத்தில், ஐந்து பேர் மட்டும் கைதாகி உள்ள நிலையில், எத்தனை பேர், அந்த பெண்ணை சீரழித்தனர் என, கணக்கிட முடியாத அளவிற்கு, பல பேர் பலாத்காரம் செய்ததாக, வாக்குமூலம் அளித்து உள்ளனர்.

நாமக்கல் மாவட்டம், நாமகிரிப்பேட்டையைச் சேர்ந்த அந்த பெண்ணை, பலர், பலமுறை பலாத்காரம் செய்திருந்தாலும், ஐந்து பேர் மட்டுமே கைது செய்யப்பட்டனர். சம்பவ நாளன்று, கைதான ஐந்து பேரும், போலீசாரிடம் கொடுத்த வாக்குமூலம், அனைவரையும் துடிதுடிக்கச் செய்துள்ளது.

அந்த வாக்குமூலத்தில், வாலிபர்கள் கொடுத்த விவரம்:நாங்கள் மது போதையில் மாலை நேரத்தில், அந்த சுடுகாடு பகுதியில் அமர்ந்திருப்போம். அன்றைய தினம், சைக்கிளில் வந்த தம்பதியரை வழிமறித்து, தகராறு செய்தோம். பின், பாலகுமாரனை தாக்கிவிட்டு, அந்த பெண்ணை சுடுகாடு பகுதிக்கு தூக்கிச்சென்று, இருவர் பலாத்காரம் செய்தோம். அங்கிருந்தால், பலருக்கு தெரிந்துவிடும் என, அதேபகுதியில் உள்ள நண்பரின் வீட்டுக்கு, அந்த பெண்ணை அழைத்துச் சென்றோம்.

'கணக்கே' இல்லை:

பின், மேலும் சில நண்பர்களையும் அழைத்து, ஒவ்வொருவராக பலாத்காரம் செய்தோம். ஒரு சிலர், மீண்டும் மீண்டும், அந்த பெண்ணை பலாத்காரம் செய்தனர். பிரச்னை வெளியே தெரியக்கூடாது என, அந்த பெண்ணுக்கு கொலை மிரட்டல் விடுத்தோம். ஆனால், சில மணி நேரத்தில், போலீசாரிடம் சிக்கிக் கொண்டோம். இவ்வாறு, அவர்கள் வாக்குமூலத்தில் தெரிவித்து உள்ளனர்.

அச்சில் ஏற்ற முடியாத அளவிற்கு, கொடூரமான முறையில் பலாத்காரம் செய்துள்ளனர். பெண்ணை சீரழித்தது, பல பேர் கொண்ட கும்பல் என, கைதானவர்களின் வாக்குமூலத்தில் இருந்து தெரிய வருகிறது. ஆனால், ஐந்து பேர் மட்டுமே கைதாகி உள்ளனர். எனவே, பெண்ணை சீரழித்தவர்களில், ஒருவரைக் கூட விடாமல், அனைவரையும் கைது செய்ய வேண்டும் என, சமூக ஆர்வலர்கள் எதிர்பார்க்கின்றனர். சம்பந்தப்பட்ட போலீஸ் விசாரணை அதிகாரி, உரிய ஆதாரங்கள், வாக்குமூலங்களுடன், அறிவியல் பூர்வமாக, குற்றத்தை நிரூபித்தால் தான், காமக் கொடூரர்களுக்கு தண்டனை கிடைக்கும்.

பரிதாபம் 
பெண் என்று பிறந்துவிட்டால் ,
என்னென்ன கொடுமைகள் இவ்வுலகில்.

பெற்றெடுத்தவள் ஒரு பெண் என்பதையோ ,
கூடப் பிறந்த சகோதரிகளுக்கு   ,இதுமாதிரி வன்முறை ஏற்பட்டால்
உந்தன் மனம் என்ன பாடுபடும் என சிறிது யோசனை செய்தால் ,
இம்மாதிரி கீழ்த்தரமான செய்கைகளில் ஈடுபடுவாயா ஈனனே ?

ரமணியன்

தண்டனை கடுமையாக ஆக்கபடாத வரைக்கும் இது போல சம்பவங்களை கட்டுபடுத்தவே முடியாது.

ராஜா wrote:தண்டனை கடுமையாக ஆக்கபடாத வரைக்கும் இது போல சம்பவங்களை கட்டுபடுத்தவே முடியாது.

மேற்கோள் செய்த பதிவு: 1126598

முற்றிலும் உண்மை 

விமந்தனி wrote:

மேற்கோள் செய்த பதிவு: 1126736
செய்தால் நலம்தான் 

ரமணியன்

இவர்களுக்கு மாலினி 22 பாளையம்கோட்டை பட க்ளைமாக்ஸ் ல் வரும் தண்டனையை தரவேண்டும்.

ஆண் என்ற அடையாளத்தையே முற்றிலுமாக அழித்து விட வேண்டும். தப்பு செய்தவனுக்கு கொடுக்கப்படும் தண்டனை, தப்பு செய்ய இருப்பவனையும் பயம் கொள்ள செய்ய வேண்டும். அது தான் சரியான தண்டனையாக இருக்கமுடியும்.