தியாகராஜ பாகவதர் பிறந்த தினம்: மார்ச் 1- 1910

**சிவா** · **சிவா** Sun Mar 01, 2015 12:56 am

எம். கே. தியாகராஜ பாகவதர் - மாயவரம் கிருஷ்ணமூர்த்தி தியாகராஜ பாகவதர் சுருக்கமாக எம். கே. டி என அழைக்கப்படும் இவர் தமிழ்த் திரைப்படத்துறையின் முதல் நட்சத்திர அந்தஸ்து பெற்ற உயர் நட்சத்திர கதாநாயகன் மற்றும் மிகச் சிறந்த கர்நாடக சங்கீத தமிழ் பாடகரும் ஆவார்.

1934-ம் ஆண்டு பவளக்கொடி என்கிற திரைப்படத்தில் கதாநாயகனாக அறிமுகமான இவர் சுமார் 15 தமிழ்த் திரைப்படங்களில் நடித்துள்ளார். அதில் 6 படங்கள் மிகப்பெரிய வெற்றிப்படங்களாகும். 1944-ல் வெளியிடப்பட்ட இவரின் சாதனைப் படமான ஹரிதாஸ் 3 ஆண்டுகள் ஒரே திரையரங்கில் (சென்னை பிராட்வே திரையரங்கு) ஒடி 3 தீபாவளிகளைக் கண்ட ஒரே இந்தியத் திரைப்படம் என்ற சாதனையை அன்றையக் காலகட்டத்தில் பெற்றது.

சென்னையில் (அன்றைய மதராஸ்) மிகப் பரபரப்பாகப் பேசப்பட்ட லட்சுமிகாந்தன் கொலை வழக்கில் பாகவதர் மற்றும் அவரின் திரையுலக உற்றத் தோழரான என். எஸ். கிருஷ்ணன் உடன் கைது செய்யப்பட்டு 4 ஆண்டுகள் சிறைத் தண்டனைப் பெற்றார். தண்டனைக் காலத்திலேயே இவரின் வழக்கு மறுவிசாரணைக்கு எடுத்துக்கொள்ளப்பட்டு 1948-ல் இருவரும் குற்றமற்றவர்கள் என இரண்டு ஆண்டு சிறைக்குப்பின் விடுவிக்கப்பட்டனர்.

இருப்பினும் சிறை விடுதலைக்குப்பின் அவர் நடித்த திரைப்படங்கள் எதிர்பார்த்த வெற்றியை பெறவில்லை. அதில் நொடிந்துபோன பாகவதர் அதன்பின் திரைப்படங்களில் நடிக்க மனமில்லாமல் இருந்துவந்தார். நவம்பர் 1, 1959-ல் ஈரல் நோயினால் பாதிக்கப்பட்டு இளவயதிலேயே மரணமடைந்தார்.

தமிழ்த் திரையிலகில் அவரைப்போல வாழ்ந்தவருமில்லை, அவரைப் போல வீழ்ந்தவருமில்லை என்ற கருத்து அவருடைய ஆத்ம ரசிகர்களிடையேயும், திரையுலகிலும் நிலவுவது உண்டு.

**krishnaamma** · **krishnaamma** Sun Mar 01, 2015 1:29 am

அவரின் அருமையான ஒரு பாடல் புன்னகை

**ayyasamy ram** · **ayyasamy ram** Sun Mar 01, 2015 8:19 am

இது ஓகே வா ராம் அண்ணா ? புன்னகை

**krishnaamma** · **krishnaamma** Sun Mar 01, 2015 9:48 am

இதைத்தானே ராம் அண்ணா நானும் மேலே போட்டிருக்கேன்... அநியாயம்

இதை எடுத்துவிடவா?...இல்லை வேறு போடறீங்களா? புன்னகை

**ayyasamy ram** · **ayyasamy ram** Sun Mar 01, 2015 9:57 am

அன்புத் தங்கையே..
-
நான் பதிந்த காணொளியை அகற்றி விடலாம்..
-
பாகவதர் குறித்த மேலதிக தகவல்
-
பாபநாசம் சிவன் இயற்றியப் பல பாடல்கள்
எம்.கே.டி யின் புகழை உயர்த்தின,
மக்களிடையை பெரும்புகழையும் பெற்றன.
அவற்றில் சில,
-
· உன்னை அல்லால்,
· நீலகண்டா,
· அம்பா(ள்) மனம் கனிந்துருகியுனது கடைக் கண் பா(ர்),
· சொப்பன வாழ்வில் மகிழ்ந்தே(ன்) சுவாமி சுப்ரமணிய(ன்)உனை மறந்தேன்,
· ஞானக்கண் இருந்திடும் போதினிலே,
· பூமியில் மானிட ஜென்மம் அடைந்துமோர் புண்ணியமின்றி விலங்குகள் போல்,
· மன்மத லீலையை வென்றார் உண்டோ,

**krishnaamma** · **krishnaamma** Sun Mar 01, 2015 10:01 am

சரி ராம் அண்ணா, வேறு பாடல் போட்டுவிடுகிறேன் புன்னகை

...நன்றி !

**T.N.Balasubramanian** · **T.N.Balasubramanian** Sun Mar 01, 2015 9:42 pm

பிராட்வேயில் (உள்ள) / இருந்த பிரபாத் டாகீசில் 3 வருடம் ஓடியதாக எந்தன் உறவு முறை அண்ணன் கூறக் கேட்டுள்ளேன் .
வேறு யாருக்காவது தெரிந்தால் சொல்லலாம் . (டாக்கீஸ் முக்கியமல்ல . ஹரிதாஸ் படம் 3 வருடம் ஓடியது அந்தக் காலத்தில் என்பதே சிறப்பு.)

நல்லத் தகவல்

ரமணியன்

**krishnaamma** · **krishnaamma** Sun Mar 01, 2015 10:25 pm

T.N.Balasubramanian wrote:பிராட்வேயில் (உள்ள) / இருந்த பிரபாத் டாகீசில் 3 வருடம் ஓடியதாக எந்தன் உறவு முறை அண்ணன் கூறக் கேட்டுள்ளேன் .
வேறு யாருக்காவது தெரிந்தால் சொல்லலாம் . (டாக்கீஸ் முக்கியமல்ல . ஹரிதாஸ் படம் 3 வருடம் ஓடியது அந்தக் காலத்தில் என்பதே சிறப்பு.)

நல்லத் தகவல்

ரமணியன்

மேற்கோள் செய்த பதிவு: 1123633

எங்க தாத்தாவின் அக்கா ஆத்துக்கு அவர் அதுதான் MKT வருவாராம், out house இல் இருக்கும் இவாளுக்கு அந்த பன்னீர் புகை இல்லை வாசனை வருமாம்.................ஹரி தாசில் MKT வரும்போது ஒரு flyng kiss தருவாராம்....பூரா தியேட்டரும் கத்துமாம்........அதற்காகவே மறுபடி பார்க்க வருவாளாம் புன்னகை

கதை கதையாய் தாத்தா சொல்வார் புன்னகை

**T.N.Balasubramanian** · **T.N.Balasubramanian** Mon Mar 02, 2015 7:27 am

ஜியார்ஜ் டவுன்
வால்டாக்ஸ் ரோடும் சைனா பஜார் என்கிற NSC போஸ் ரோடும் சந்திக்கும் இடத்தில்
ரெண்டாவது வீட்டில் , பெரிய திண்ணை /கம்பிப் போட்ட வீட்டில் திரு MKT வாழ்ந்தாராம் .
மாலை நேர வாகிங்கில் அந்த வீடை பார்த்த அனுபவம் உண்டு .
அதற்கு பக்கத்து 4/5 தெரு தள்ளி நாங்கள் குடி இருந்தோம் .1954இல்

ரமணியன்

**ayyasamy ram** · **ayyasamy ram** Mon Mar 02, 2015 8:21 am

ஏரிக்கரையின் மேலே போறவளே பெண் மயிலே....
என்று -
பாகவதர் மாதிரி எட்டுக்கட்டை சுருதியில் ஒரு திரைப்பட
பாடலை பாடி விட்டு பாராட்டை எதிர்பார்ப்பான் ஒரு
கதாநாயகன்...
-
அது எந்த படம்..?

Sponsored content · Sponsored content

தியாகராஜ பாகவதர் பிறந்த தினம்: மார்ச் 1- 1910

தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

Re: தியாகராஜ பாகவதர் பிறந்த தினம்: மார்ச் 1- 1910

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக