பொது அறிவு தகவல்

**ayyasamy ram** · **ayyasamy ram** Mon Mar 02, 2015 4:02 pm

ஆன்லைன் வர்த்தகம் !
-
-

-
ஆன்லைன் என்றால் "லைன்' னில் இருந்து கொண்டு
வியாபாரம் செய்வது என்று அர்த்தம்.

எந்த லைனில் என்று கேட்கலாம். இண்டர்நெட் லைனில்
இருந்துதான்.

ஒரு கம்ப்யூட்டர் அதில் இணையதள (இண்டர்நெட்)
இணைப்பு. இதுதான் ஆன்லைன். அதன் மூலம் செய்யப்
படும் வியாபாரம், அதுதான் ஆன்லைன் வர்த்தகம்.

புத்தகங்கள் வாங்க வேண்டும் என்றால், நேராக ஒரு
கடைக்கு போய் வாங்கலாம். அல்லது பதிப்பகத்தாருக்கு
தெரிவித்து நாம் தபாலில் பெறலாம். அல்லது மேலே
பார்த்த ஆன்லைன் வழியாகவும் வாங்கலாம்.

என்ன என்ன இருக்கிறது என்பதை கம்ப்யூட்டரில்
இணையம் வழியாக பார்க்கலாம். அலமாரி அலமாரியாக
பார்ப்பதைவிட இதில் தேடுவது சுலபம்; நேரமும் மிச்சம்.
அதோடு மிக முக்கியமாய் அலைச்சலும் மிச்சம்.

தேவையானதை எலியை (மவுஸை) சொடக்கி சுட்டி
காட்டலாம். பின் கிரெடிட் கார்டு மூலம் பணமும் அப்போதே
செலுத்தலாம். புத்தகம் தபாலில் வீடு தேடி வரும்.
இதை போல எவ்வளவோ பொருட்களை (தேவைகளை)
இணையம் மூலம் பெற முடியும்.

எல்லாம் சேர்ந்தது ஆன்லைன் வர்த்தகம்.
இதற்கு எதிர்மறை ஆப்லைன் வர்த்தகம். இப்படிப்பட்ட
வியாபாரம் செழித்து வளர்ந்து ஓங்கி நிற்கிறது.

உலகிலேயே மிக பெரிய ஆன்லைன் வர்த்தகத்தினை
ஈபே என்கிற நிறுவனம் செய்கிறது. இந்த ஈபே ஒரு கடைக்காரர்
அல்ல. லட்சக்கணக்கான வாங்குவோர், விற்போர் ஒருவருடன்
ஒருவர் இணையம் வழியாகவே தொடர்பு கொள்ளலாம்.
வர்த்தகம் முடித்து கொள்ளலாம். அதற்கு ஈபேவிற்கு கட்டணம்
கிடைக்கும்.

கட்டடம் இல்லாத உலகின் மிகப்பெரிய சந்தையை உருவாக்கி
விட்டனர் இந்த இணையம் வழியாக. இப்படி ஆயிரக்கணக்கான
ஆன்லைன் சந்தைகள் உள்ளன. எந்த ஒரு வியாபாரியும்,
கடைக்காரரும் தங்கள் பொருட்களை ஆன்லைனில் விற்கலாம்.
தேவைப்படுபவற்றை எவரும் ஆன்லைனில் வாங்கலாம்.

விஞ்ஞானம் தந்திருக்கும் மிகப்பெரிய வாய்ப்பு இது.
-
---------------------------------------------

**ayyasamy ram** · **ayyasamy ram** Mon Mar 02, 2015 4:03 pm

இளநீர் ! - இயற்கை தரும் அமுத பானம்
-
-

-
தென்னை மரத்தை மனிதனுக்கு இயற்கை
அளித்த வரப்பிரசாதம் என்றுதான் சொல்ல
வேண்டும்.

அதன் ஒவ்வொரு பகுதியும் மனிதனுக்கு
பயன்படுகிறது. தேங்காயோ உணவாக
மட்டுமல்ல, அழகு படுத்தி கொள்வதிலும்
பெரும் பங்கு வகிக்கிறது.

இளநீரை பொறுத்தவரை அது நமக்கு கிடைத்த
அமுதபானம் ஆகும். இது உடல் உஷ்ணத்தை
தணித்து குளிர்ச்சி தருவதுடன், புத்துணர்ச்சியும்
அளிக்கிறது.

உடல் மற்றும் வியாதிகள் காரணமாக மருந்து,
மாத்திரைகளை சாப்பிடுவோருக்கும் இது
பேருதவி புரிகிறது.

ஏனென்றால், மருந்துகளால் ஏற்படும் பக்க
விளைவுகளை எல்லாம் தடுக்கும் சக்தி இளநீருக்கு
உண்டு. ரத்த ஓட்டம் சீராக இருக்க நாம் உண்ணும்
உணவில் உள்ள சத்துக்கள் உதவி புரிகின்றன.
அதை போலவே இளநீரும் செயல்படுகிறது. எனவே,
இளநீரை மனித வாழ்வின் உயிரோட்ட நீர் என்றும்
சொல்லலாம்.

தினமும் இளநீர் குடித்தால் உடலுக்கு சக்தி கிடைக்கும்
என்பதுடன் புத்துணர்வோடும் இருக்க முடியும்.
-
---------------------------------------

**ayyasamy ram** · **ayyasamy ram** Mon Mar 02, 2015 4:05 pm

கச்சா ஆயில் என்றால் என்ன..?
-
கச்சா எண்ணெய் என்று கேள்விப்பட்டு இருப்பீர்கள்.
அதென்ன கச்சா எண்ணெய்? கச்சா எண்ணெயினை
பீப்பாய் அளவுகளில்தான் குறிப்பிடுகின்றனர்.

ஒரு பீப்பாய் என்பது கிட்டத்தட்ட 159 லிட்டர்.
அதிலிருந்து பெட்ரோல், டீசல் மற்றும் மண்ணென்ணெய்
போன்ற எரிபொருட்களை சுத்திகரித்து பிரித்தெடுக்கின்றனர்.

கிடைக்கிற இதுபோன்ற எரிபொருட்களின் மொத்த அளவு,
பீப்பாய் ஒன்றுக்கு சுமார் 20 லிட்டர்தான்.
அதாவது எட்டில் ஒரு பங்குதான். மீதமெல்லாம் "கச்சா'.

கச்சா என்றால் மொத்தமும் வீண் என்பதல்ல.
பிளாஸ்டிக்குகள் தயாரிக்கப் பயன்படுத்தப்படும் மூலப்
பொருட்கள், சாலைகள் போடப் பயன்படுத்தப்படும்.
(அண்ணீடச்டூt) சல்பியூரிக் அமிலம், லூபிரிகண்ட் பாராபின்,
தார் போன்ற பலவும் கச்சா எண்ணெயில் இருந்துதான்
கிடைக்கின்றன.

நமது ரிலையன்ஸ் போன்ற நிறுவனங்கள் ஒரு மி.லிட்டரை
கூட விடுவதில்லை. 159 லிட்டரையும் பொருட்களாக்கி
விடுகின்றனர். எல்லாமே காசுதான்.
-
----------------------------------------

Sponsored content · Sponsored content

பொது அறிவு தகவல்

பொது அறிவு தகவல்

Re: பொது அறிவு தகவல்

Re: பொது அறிவு தகவல்

Re: பொது அறிவு தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக