கச்சத்தீவு விழாவுக்கு 3,900 பக்தர்கள் பயணம் !

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

கச்சத்தீவு விழாவுக்கு 3,900 பக்தர்கள் பயணம் !

#1123534

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Sun Mar 01, 2015 4:53 pm

கச்சத்தீவு விழாவுக்கு 3,900 பக்தர்கள் பயணம் ! 0i0IORCLToC1DeVKDnHd+Tamil_News_large_119525220150301011430

ராமேஸ்வரம்: கச்சத்தீவு விழாவில் பங்கேற்க, ராமேஸ்வரத்தில் இருந்து 3,900பக்தர்கள் படகுகளில் புறப்பட்டு சென்றனர். அவர்களுடன், பீடி பண்டல்களை கடத்த முயன்ற இருவரை 'கியூ' பிரிவு போலீசார் கைது செய்தனர்.

ராமேஸ்வரத்தில் இருந்து 12 கடல் மைல் தொலைவில் கச்சத்தீவு உள்ளது. அங்குள்ள அந்தோணியார் சர்ச் விழாவில் பங்கேற்க, நேற்று ராமேஸ்வரத்தில் இருந்து 110 படகுகளில், 3,900 பக்தர்கள் புறப்பட்டு சென்றனர். எஸ்.பி., மயில்வாகனன், ஏ.டி.எஸ்.பி., வெள்ளத்துரை தலைமையில் போலீசார், தாசில்தார் ஜீவரேகா தலைமையில் வருவாய்த்துறை, சுங்கத்துறையினரின் சோதனைக்கு பிறகு, பக்தர்கள் அனுமதிக்கப்பட்டனர். கடலில், இந்திய கடற்படை, கடலோர காவல் படை வீரர்கள், மாநில மரைன் போலீசார் பக்தர்களின் பாதுகாப்புக்கு சென்றனர்.

தமிழகம், கர்நாடகா, கேரளாவில் இருந்து வந்திருந்த பக்தர்களில் குற்றவழக்குகள் நிலுவையில் உள்ள 50 க்கும் மேற்பட்டோரை போலீசார் திருப்பி அனுப்பினர். போலீசாரின் எச்சரிக்கையை மீறி, ராமேஸ்வரத்தை சேர்ந்த வாசுகி,44, என்பவர் 20 ஆயிரம் மதிப்புள்ள பீடி பண்டல்கள், புகையிலை பாக்கெட்கள், 10 நைட்டிகளை படகில் பதுக்கி இருந்ததை 'க்யூ' பிரிவு போலீசார் கண்டுபிடித்தனர். அவற்றை பறிமுதல் செய்த போலீசார் வாசுகி, படகு டிரைவர் ஜான்,35, ஆகியோர் கைது செய்தனர்.

தினமலர்