பாடலுக்கு தெளிவான விளக்கம் தாருங்கள்

தேசிய கீதம் பாடலுக்கு தெளிவான விளக்கம் தாருங்கள்

ஜன கன மன அதிநாயக ஜய ஹே -
மக்கள் பெருங்கூட்டத்தின் மனத்தில் ஆட்சி
செய்பவள் நீ தான். வெற்றி உனக்கே !
-
பாரத பாக்ய விதாதா –
இந்தியத் திருநாட்டுக்கு பெருமையும், மங்கலமும்,
செல்வங்களும் அருளுபவள் நீயே.
-
பஞ்சாப சிந்து குஜராத் மராத்தா
திராவிட உத்கல பங்கா -
பஞ்சாப் மாகாணம், சிந்து நதிப்பிரதேசம்,
குஜராத் மாநிலம், மராட்டிய மாநிலம்,
திராவிட பூடபூமி அனைத்தும் உன்னுடையவை
-
விந்தியா ஹிமாச்சல யமுனா கங்கா-
-
வடநாட்டிற்கும் தென்னாட்டிற்கும் நடுவே அமைந்த
இயற்கை எல்லை, மிகப் பெரியது என்றும் கடக்க
முடியாதது என்றும் ஒரு காலத்தில் எண்ணப்பட்ட மலை,
பல புராணக் கதைகளின் இருப்பிடம் – விந்திய மலை உன்னுடையது.
-
உச்சல ஜலதி தரங்கா –
மூன்று திசைகளிலும் உன்னைச் சூழ்ந்திருக்கும்
மாக்கடல்கள் உன் புகழை தங்கள் அலைக் கரங்களால்
எப்போதும் பாடிக் கொண்டிருக்கின்றன.
-
தவ சுப நாமே ஜாகே –
உனது மங்கலகரமான திருநாமத்தை எப்போதும் நாங்கள்
பாடிப் போற்றிக் கொண்டிருக்கிறோம்.
-
தவ சுப ஆஷிஸ மாகே –
உனது மங்கலகரமான ஆசிகளை வேண்டி நிற்கின்றோம்.
-
காஹே தவ ஜய காதா –
உன்னுடைய மாபெரும் வெற்றியை வேண்டியே நாங்கள்
பாடிக்கொண்டிருக்கிறோம்.
-
ஜன கன மங்கல தாயக ஜய ஹே –
இந்திய மக்களின் மங்கலங்களை அள்ளித் தருபவள் நீ.
வெற்றி உனக்கே!
-
பாரத பாக்ய விதாதா –
இந்தியத் திருநாட்டின் பாக்கியங்களைத் தருபவள் நீ.
-
ஜய ஹே! ஜய ஹே! ஜய ஹே! ஜய ஜய ஜய ஜய ஹே! –
வெற்றி உனக்கே! வெற்றி உனது நல்வழி செல்லும் மக்களுக்கே!
வெற்றி உன் மங்கலகரமான கொள்கைகளுக்கே!
வெற்றி உன் ஈடு இணையற்ற தத்துவச் செல்வங்களுக்கே!
வெற்றி உன் பன்மைத் தன்மைக்கே!
-
------------------------------------------------
வெற்றி உன் அமைதியை விரும்பும் குணத்திற்கே! வெற்றி! வெற்றி!! வெற்றி!!!

நன்றி ayyasami ram அவர்களே !

ரமேஷ் அவர்களே ,தங்கள் வரவு / இணைதலுக்கு வாழ்த்துக்கள் .
அறிமுக பகுதிக்கு சென்று தங்களை அறிமுகப்படுத்திக் கொள்ளவும் .
தங்களை பற்றிய விவரங்கள் , வயது , உத்தியோகம் , இருப்பிடம் முதலியனவற்றை
குறிப்பிடுங்கள் .
ரமணியன்