2ஜி: மத்திய அமலாக்கத் துறை வழக்கு: விசாரணை மார்ச் 16-க்கு ஒத்திவைப்பு

2ஜி அலைக்கற்றை ஒதுக்கீட்டில் முறைகேடு நடந்ததாக
மத்திய அமலாக்கத் துறை தொடர்ந்த வழக்கில் அரசுத்
தரப்பு சாட்சிகளிடம் சாட்சியம் பதிவு செய்யும் நடை
முறை வியாழக்கிழமை முடிவடைந்தது.

இதையடுத்து, இந்த வழக்கின் அடுத்த விசாரணையை
வரும் மார்ச் 16-ஆம் தேதிக்கு தில்லி சிபிஐ நீதிமன்றம்
ஒத்திவைத்து உத்தரவிட்டது.

இந்த வழக்கு சிபிஐ நீதிமன்ற சிறப்பு நீதிபதி ஓ.பி.சைனி
முன்னிலையில் வியாழக்கிழமை விசாரணைக்கு வந்தது.
அப்போது, அரசுத் தரப்பு சாட்சியாக ஆஜரான மத்திய
அமலாக்கத் துறை துணை இயக்குநர் டாக்டர்
ராஜேஷ்வர் சிங்கிடம், குற்றம்சாட்டப்பட்டோர் தரப்பில்
குறுக்கு விசாரணை நடத்தப்பட்டது.

கனிமொழி சார்பில் அவரது வழக்குரைஞர் சண்முகசுந்தரம்
குறுக்கு விசாரணை நடத்தினார். அப்போது, "கனிமொழியை
இந்த வழக்கில் சிக்க வைக்க உள்நோக்கத்துடன் செயல்
பட்டீர்களா?' என்று சண்முகசுந்தரம் கேள்வி எழுப்பினார்.
இதற்கு, பதிலளித்த ராஜேஷ்வர் சிங், "விசாரணை
நடவடிக்கையில் அனைத்து விதிகளையும் பின்பற்றி பார
பட்சமின்றி செயல்பட்டேன்' என்றார்.

அவரது சாட்சியம் பதிவு செய்யப்பட்ட பிறகு "இந்த வழக்கில்
அரசுத் தரப்பு சாட்சியங்கள் முடிடைந்து விட்டன' என்று
மத்திய அமலாக்கத் துறை வழக்குரைஞர் என்.கே.மட்டா
தெரிவித்தார்.

இதையடுத்து, "இவ்வழக்கில் குற்றம்சாட்டப்பட்டுள்ள
10 பேரிடமும், 9 நிறுவனங்களிடமம் விசாரணை நடத்த ஏதுவாக
அடுத்த விசாரணையை மார்ச் 16-ஆம் தேதிக்கு ஒத்திவைக்கிறேன்'
என்று நீதிபதி ஓ.பி.சைனி உத்தரவிட்டார்.

இந்த வழக்கில் அரசுத் தரப்பு சாட்சியாக திமுக தலைவர்
கருணாநிதியின் மகள் செல்வி, மத்திய தொலைத் தொடர்புத்
துறை முன்னாள் அமைச்சர் ஆ.ராசாவின் தனிச் செயலராக
இருந்த ஆசீர்வாதம் ஆச்சாரி உள்பட 30 பேர் கொண்ட பட்டியலை
சிபிஐ நீதிமன்றத்தில் மத்திய அமலாக்கத் துறை தாக்கல்
செய்திருந்தது.

ஆனால், அரசுத் தரப்பு சாட்சிகளிடம் விசாரணை நடைபெற்ற
வேளையில், செல்வி, டி. சிவசுப்பிரமணியம் உள்பட ஆறு பேரின்
பெயரை பட்டியலில் நீக்கிக் கொள்ள அமலாக்கத் துறைக்கு
சிபிஐ நீதிமன்றம் அனுமதி அளித்திருந்தது குறிப்பிடத்தக்கது.
-
-------------------------------------------
--தினமணி