ஆப்கானிஸ்தான் பனி சரிவுகளால் பலி எண்ணிக்கை 200ஐ தாண்டியது!

ஆப்கானிஸ்தானில் ஏற்பட்ட தொடர் பனி சரிவுகளில் சிக்கி பலியானவர்களின் எண்ணிக்கை 200ஐ தாண்டியுள்ளது.



ஆப்கானிஸ்தானின் காபூல் நகரில் பஞ்ச்ஷீர் மாகாணத்தில் பெரும்பாலானோர் பலியாகியுள்ளனர் என மாகாண ஆளுநர் பொறுப்பு வகிக்கும் அப்துல் ரஹ்மான் கபிரி இன்று கூறியுள்ளார். கடுமையான பனி பொழிவால் பாதிக்கப்பட்ட சில நாட்களில் ஏற்பட்ட பனி சரிவுகளால் மாகாணத்தில் இருந்த 100க்கும் அதிகமான வீடுகள் அழிந்து விட்டன.

எண்ணிக்கை அதிகரிக்கும்

முக்கிய சாலைகள் முடங்கின. இதன் காரணமாக பாதிக்கப்பட்ட கிராமங்களுக்கு மீட்பு பணியாளர்கள் செல்வதற்கும் சிரமம் ஏற்பட்டுள்ளது. கபிரி கூறும்போது, பஞ்ச்ஷீர் மாகாணத்தில் பனி சரிவுகளில் சிக்கி பலியானவர்கள் எண்ணிக்கை 168 ஆக உயர்ந்துள்ளது. இன்னும் சில மணிநேரங்களில் இந்த எண்ணிக்கை அதிகரிக்க கூடும் என எச்சரித்துள்ளார்.

கடந்த பத்தாண்டுகளில் பஞ்ச்ஷீரில் இது போன்ற அதிகளவிலான பனியை நாங்கள் பார்த்ததில்லை. இது போன்ற அதிக பனி சரிவுகளையும் பார்த்ததில்லை என அவர் கூறியுள்ளார். நூரிஸ்தான் மற்றும் படாக்ஷான் மாகாணங்களின் வடமேற்கு பகுதிகளிலும் பலியாகியுள்ளனர். நங்கர்ஹார் மற்றும் லாக்மான் மாகாணங்களின் கிழக்கு மற்றும் பமியான் மாகாணத்தின் மத்திய பகுதியிலும் பலியாகியுள்ளனர். பனிக்கு அடியில் சிக்கி பலியான மற்றும் உயிருடன் இருப்பவர்களை மீட்கும் பணியில் மீட்பு குழுவினர் தொடர்ந்து ஈடுபட்டு வருகின்றனர்.

நிவாரண உதவி பொருட்கள்

காபூலில் இருந்து பஞ்ச்ஷீருக்கு இரு ஹெலிகாப்டர்க்ள் நிவாரண உதவி பொருட்களை கொண்டு வந்து அவற்றை பாதிக்கப்பட்ட குடும்பங்களுக்கு குறிப்பிட்ட அளவில் விநியோகம் செய்து வருகின்றன. ஆப்கன் ரெட் கிரெசன்ட் கழகத்தின் தலைமை பேரிடர் பொறுப்பாளர் அப்துல் ரஹ்மான் கலந்தரி, பஞ்ச்ஷீர் பலி எண்ணிக்கையை உறுதி செய்துள்ளதுடன் அது அதிகரிக்க கூடும் என்றும் கூறியுள்ளார்.

தினத்தந்தி

அடாடா........ ரொம்ப பாவம்