புகை பிடிப்பதை நிறுத்த பல வழிகள்

by **சிவா** Wed Feb 25, 2015 3:56 pm

என் நண்பர்கள் பலர் தாங்கள் புகை பிடிப்பதனை நிறுத்த இருப்பதாகக் கூறி, அதற்கான நாளையும் அறிவிப்பார்கள். புத்தாண்டு தொடக்கத்தில் இத்தகைய சபதங்களை எடுப்பவர்களே அதிகம். இதில் என்ன வேடிக்கை எனில், இவர்களில் பலர் அடுத்த ஆண்டும் இதே அறிவிப்பை வெளியிடுவார்கள். அண்மைக் காலமாக, சிலர், உண்மையிலேயே புகை பிடிப்பதை நிறுத்த முயற்சிப்பதாகவும், அதற்கான இணைய தளம் எதுவும் உள்ளதா எனக் கேட்டார்கள். அனைவரும் இணையம் பயன்படுத்துவோர் என்பதால், அவர்களுக்கு இணையம் நல்ல கட்டுப்பாடு அதிகாரியாகச் செயல்படும் என எண்ணி, அப்படிப்பட்ட ஒன்றை இணையத்தில் தேடினேன். அப்போதுதான்என் கண்ணில் பட்டது http://smokefree.gov/. இந்த தளம் இது போல விருப்பம் உள்ளவர்களைத் திசை மாறாமல் கொண்டு செல்கிறது. அதற்குப் பல வழிகளைக் கையாள்கிறது.

இந்த இணைய தளம் சென்றவுடன், முதலில் புகை பிடிப்பதிலிருந்து வெளியேற உங்களைத் தயார் செய்து கொள்கிறீர்களா? என்ற வினாவுடன் ஒரு பிரிவினைப் பார்க்கலாம். ஏனென்றால், வெகு காலம் புகை பிடிக்கும் ஒருவர், நிச்சயமாய் நிறுத்துவதற்கான முடிவினை எடுக்க வேண்டும். அதில் உறுதியாய் இருக்க வேண்டும். பின்னர், அடுத்து தரப்படும் பிரிவில், எந்த எந்த வழிகளில் புகை பிடிப்பதனை நிறுத்தலாம் என்று பல வழிகள் எடுத்துரைக்கப்படுகின்றன. மேலும், இந்தப் பழக்கத்தினால் ஏற்படும் மன அழுத்தம், சத்தான உணவினை எடுத்துக் கொள்வது, உடற்பயிற்சிகளால் நல்ல செயல்பாட்டுடன் இருப்பது எனப் பல பிரிவுகளில் அறிவுரைகள் வழங்கப்படுகின்றன. புகைப்பவர்கள் எல்லாரும் ஒரு முறை இந்த தளம் சென்று பார்த்தால், நமக்காக இத்தனை முயற்சிகள் எடுத்து தகவல்களைத் தந்திருக்கிறார்களே என்று ஆச்சரியப்பட்டு, புகைப்பதனை நிறுத்த முயற்சிப்பீர்கள். இந்த இணைய தளத்தின்
முகவரி http://smokefree.gov/

கம்ப்யூட்டர் மலர்

by **ayyasamy ram** Wed Feb 25, 2015 5:13 pm

by **ராஜா** Wed Feb 25, 2015 5:24 pm

எனக்கு தெரிந்து ஒருவர் புகைபழக்கத்தை நிறுத்திவிட்டார் புன்னகை

இப்ப சில வருடங்கள் ஆகிறது.

by யினியவன் Wed Feb 25, 2015 5:28 pm

இந்தப் பக்கம் போறத நிறுத்திடுவேன் புன்னகை

by **T.N.Balasubramanian** Wed Feb 25, 2015 5:58 pm

நல்லத் தகவல் .
குடிப்பவர் பக்கத்தில் , குடிக்காதவர் இருந்தால் , அதிகம் உடல் நலம் கெடுதல் , குடிக்காதவர்களுக்கே , ஏற்படுவதாக தகவல்கள் கூறுகின்றன
எப்போதும் முதல் சிகரட் , தன கைக் காசு , செலவழிக்காத ஒன்று எனக் கேள்விப் பட்டுள்ளேன் .
உண்மையா ?
ரமணியன்

by **ராஜா** Wed Feb 25, 2015 6:20 pm

யினியவன் wrote:இந்தப் பக்கம் போறத நிறுத்திடுவேன்

அதானே பார்த்தேன் ... உணர்ச்சிவசப்பட்டு ஏதும் சொல்லுவீங்களோன்னு நினைத்தேன்

by **T.N.Balasubramanian** Wed Feb 25, 2015 6:59 pm

யினியவன் wrote:இந்தப் பக்கம் போறத நிறுத்திடுவேன்

மேற்கோள் செய்த பதிவு: 1122668

என்ன சிகரெட் குடிக்கிற கெடுதல் பற்றி உங்க உறவுகாரங்க, நண்பர்கள் பக்கம் பக்கமாக ,லெட்டெர், SMS .மெயில் எல்லாம் அனுப்பினாங்களே, என்னாச்சு ?

"இந்தப் பக்கம் போறத நிறுத்திடுவேன்"

அப்பிடினா இனிமே குடிக்கமாட்டாயா ?

பக்கம்ன , அந்த பக்கங்களை எல்லாம் படிக்க மாட்டேன் , படிப்பதையே நிறுத்திவிடுவேன் .

அப்பிடியா ?

ரமணியன்