அணைத்திருக்கும் மரணம்-

**ayyasamy ram** · **ayyasamy ram** Wed Feb 25, 2015 11:55 am

-

தோள்மீது கை போட்டபடி
நிழற் படத்திலிருக்கும் நண்பன்
இறந்து போனதாய்
செய்தி வந்திருக்கிறது
–
நெருக்கமாய்
நின்றிருப்பவனின் கை
என் முதுகில் படர்ந்து
தோள்பட்டையில் பிரியமாய்
விரல் பதிந்திருக்கிறது
–
சற்றே பலமாய் அவன்
அணைத்த நொடிப்பொழுதில்
படம் எடுக்கப்பட்டிருக்க வேண்டும்
அக்கணத்தில் நானும் அவனும்
ஓருயிராய் மாறிவிட வேண்டிய
பிரியமும் இருந்திருக்கலாம்
–
அணைப்பின் அழுத்தத்தில்
மூச்சு முட்டிய கணமும்
நெருக்கத்தின் பிரியமும்
என் விழிகளில் தேங்கியிருந்தது
இப்பொழுதும் தெரிகிறது.
–
என்னைவிட உயரமும் பருமனுமான
அவனது ஆகிருதி அணைப்பில்
ஒடுங்கி நிற்கிறேன்
படத்தை மீண்டும் பார்க்கிறேன்

மரணத்தைப் போர்த்திக்கொண்ட
அவன் பிடிக்குள்
ஒரு பறவையாய் நான்
யாருடைய கண்ணீரிலோ
சிறகுகள் நனைந்திருக்கின்றன
–
—————————
-ஈரோடு கதிர்
நன்றி- குங்குமம்

**M.Saranya** · **M.Saranya** Wed Feb 25, 2015 12:31 pm

அணைத்திருக்கும் மரணம்-

அணைத்திருக்கும் மரணம்-

Re: அணைத்திருக்கும் மரணம்-

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக