சாரதா நிதி நிறுவன ஊழல் வழக்கில் ரூ.500 கோடி சொத்துகள் பறிமுதல்

by **ayyasamy ram** Wed Feb 25, 2015 7:47 am

கோல்கட்டா:
-
சாரதா நிதி நிறுவன ஊழல் வழக்கில் ரூ.500 கோடி சொத்துகள் பறிமுதல் ZWM56mnZT8qNNmGxZC4W+Tamil_News_large_119218820150225004958

-
சாரதா நிதி நிறுவன மோசடி வழக்கில்,
மேலும், 500 கோடி ரூபாய் மதிப்பிலான சொத்துகளை,
அமலாக்கத் துறை அதிகாரிகள், நேற்று பறிமுதல்
செய்தனர்.

மேற்குவங்கத்தில் செயல்பட்டு வந்த, சாரதா நிதி நிறுவனம்,
பொது மக்களிடம் பணம் வசூலித்து, அவர்களை
ஏமாற்றியதாக புகார் எழுந்தது. இதையடுத்து, சி.பி.ஐ.,
நடத்திய விசாரணையில், கோடிக்கணக்கான ரூபாய் பணம்
மோசடி செய்யப்பட்டது தெரிய வந்தது.

இந்த வழக்கு தொடர்பாக, சாரதா நிறுவன பங்குதாரர்கள்,
நிறுவனர்கள் உள்ளிட்டோர் கைது செய்யப்பட்டனர்.
மேற்குவங்க முதல்வரும், திரிணமுல் காங்., தலைவருமான
மம்தாவுக்கும், இந்த வழக்கில் தொடர்பு இருப்பதாக குற்றம்
சாட்டப்பட்டது.

முன்னாள் மத்திய அமைச்சர் மதங் சிங், சி.பி.ஐ.,
அதிகாரிகளால் கைது செய்யப்பட்டார். அமலாக்கத் துறையினர்
அவரின் சொத்துகளை பறிமுதல் செய்தனர்.
முக்கிய அரசியல் தலைவர்களும், இந்த வழக்கில் கைது
செய்யப்பட்டனர். இந்நிலையில், சாரதா நிதி நிறுவன ஊழலில்,
2,500 கோடி ரூபாய் பணம் மோசடி செய்யப்பட்டுள்ளதாக,
அமலாக்கத் துறையினர் தெரிவித்து உள்ளனர்.

இதில் ஏற்கனவே, 1,050 கோடி ரூபாய் மதிப்பிலான சொத்துகள்
பறிமுதல் செய்யப்பட்டன. மக்களிடம் வசூலிக்கப்பட்ட, 500 கோடி
ரூபாய் பணம் திரும்பத் தரப்பட்டது.

இதற்கிடையே, பல இடங்களில் அதிரடி சோதனை நடத்திய
அமலாக்கத் துறை அதிகாரிகள், நேற்று, 500 கோடி ரூபாய்
மதிப்பிலான சொத்துகளை பறிமுதல் செய்தனர்.

இந்த வழக்கில், மேலும் பலர் கைதாகலாம் என எதிர்பார்க்கப்படுகிறது.
-
----------------------------------------------------------

by **M.Saranya** Wed Feb 25, 2015 11:43 am

விவரங்களுக்கு நன்றி...........

சாரதா நிதி நிறுவன ஊழல் வழக்கில் ரூ.500 கோடி சொத்துகள் பறிமுதல்

சாரதா நிதி நிறுவன ஊழல் வழக்கில் ரூ.500 கோடி சொத்துகள் பறிமுதல்

Re: சாரதா நிதி நிறுவன ஊழல் வழக்கில் ரூ.500 கோடி சொத்துகள் பறிமுதல்