தெரசா சேவையின் முக்கிய நோக்கமே மதமாற்றம்

by **சிவா** Tue Feb 24, 2015 12:08 pm

First topic message reminder :

பரத்பூர்: அன்னை தெரசா சேவையின் முக்கிய நோக்கமே மத மாற்றம்தான் என்று ஆர்.எஸ்.எஸ். தலைவர் மோகன் பகவத் பேசியது சர்ச்சையை ஏற்படுத்தி உள்ளது.

ராஜஸ்தான் மாநிலம், பஜீரா கிராமத்தில் உள்ள ஆதரவற்ற பெண்கள், குழந்தைகளுக்கான தன்னார்வ அமைப்பின் நிகழ்ச்சியில் ஆர்.எஸ்.எஸ். தலைவர் மோகன் பகவத் கலந்து கொண்டு பேசினார்.

அப்போது, ''அன்னை தெரசா ஆற்றிய சேவைகள், நல்லவையாக இருந்திருக்கலாம். ஆனால், அது ஓர் நோக்கத்துக்காக பயன்படுத்தப்பட்டது. அவர் செய்த சேவையின் முக்கிய நோக்கமே மதமாற்றம்தான். மதமாற்றத்திற்காக மட்டுமே அவர் சேவையில் ஈடுபட்டார். மதமாற்றம் குறித்து நான் தற்போது கேள்வி எழுப்பவில்லை.

ஆனால், சேவை என்ற பெயரில் அது நடந்திருந்தால், அந்த சேவை மீதான மதிப்பு குறைகிறது. ஆனால் இங்கு, ஏழைகளுக்கும், ஆதரவற்றோருக்கும் சேவை செய்ய வேண்டும் என்பது தான் ஒரே நோக்கமாக உள்ளது" என்றார்.

மோகன் பகவத்தின் இந்த பேச்சுக்கு, பல்வேறு கிறித்துவ அமைப்புகள் கடும் கண்டனம் தெரிவித்துள்ளன.

by **T.N.Balasubramanian** Wed Feb 25, 2015 2:17 pm

தொண்டு என ஆரம்பித்து , சிறு சிறு உதவிகள் பல செய்து ,
பல பெரு உதவிகள் செய்யமுடியும் , மதமாற்றத்திற்கு உட்பட்டால் ,
எனக்கூறினதால், மதம் மாறியவர்கள் பலர் ,கிராமங்களே உண்டு .
இதை யாரும் மறுக்க முடியாது .
அன்னை தெரசா அவர்களே , கூறியபடி ,இயேசு புகழ் பாடி , கிறிஸ்துவ மதத்தில் சேர்ப்பதே எந்தன் குறிக்கோள் என்பதால் சர்ச்சையே வேண்டாம் .
தொழு நோயாளிகளுக்கு அவர் செய்த சேவையை யாரும் குறைவாக மதிப்பிட முடியாது . அதற்காகத்தானே நோபல் பரிசு அங்கீகாரமே !
இந்திய சரித்திரம் படித்தாலே , மதமாற்றங்கள் எந்த எந்த காலகட்டத்தில் , எந்தெந்த மதத்தினாரால் ,
எந்தெந்த முறையில் நடைமுறை படுத்தப்பட்டது என்பதை அறிவோம் .முனைவர் பட்டம் பலர் வாங்கி உள்ளனர் . இன்னும் முனைவர் பட்டம் பெற , வேண்டிய அளவு , சங்கதிகள் உண்டு .

ரமணியன்