வசூல் ராஜா MBBS !!!

by **சாமி** Tue Feb 24, 2015 4:30 pm

நல்லா சொன்னாங்க நம்ம பெரியவங்க.

நோயற்ற வாழ்வே குறைவற்ற செல்வம் என்று.. ஒவ்வொரு வீட்டிலும் பிரேம் போட்டு மாட்டவேண்டிய வாசகம் இது. இந்த வாழ்வு வாழ்வதற்கு நம்ம தாத்தாக்கள் ... திருவள்ளுவர், திருமூலர் போன்றவர்கள் பல சொல்லியிருந்தாலும் நம்ம விதி... இந்த அல்லோலகலப்பட வைக்கும் அலோபதியிடம்தானே மாட்டிக்கொள்ளும்படி நேரிடுகிறது.

அலோபதி டாக்டர்களிடம் போய் மாட்டிக்கொள்ளாத "புண்ணியவான்களே" நமது ஊரில் இருக்க முடியாது. "ரமணா" படம் எல்லாம் சும்மாதான். அந்தப்படம் கோலிக்குண்டு அளவுதான்; நிசம் இமயமலையைவிட பெரிசு.

என் அனுபவத்தில் இப்படி நான் மாட்டிக்கொண்ட நிஜக்கதைகள் ஏராளம். அதைப்பற்றி சொல்லத்தான் இந்தத்திரி. உறவுகள் நீங்களும் நிச்சயமாக மாட்டியிருப்பீர்கள். அதையும் இந்தத் திரியில் வெளியிடுங்கள். மேலே சொன்ன புண்ணியவான்களை உருவாக்க முடியுமா என்று பார்ப்போம்.

முதல் கதை:- "ஸ்டெதஸ்கோப்பை" வைத்து இதயத்தில் ஓட்டையைக் கண்டுபிடித்த அறிவாளி டாக்டர்!

(தொடரும்)

by **சாமி** Tue Feb 24, 2015 4:54 pm

வசூல் ராஜா MBBS !!! Vls0SyQbRXKKB0YYmGTk+bad-doctor-photo-2

"ஸ்டெதஸ்கோப்பை" வைத்து இதயத்தில் ஓட்டையைக் கண்டுபிடித்த அறிவாளி டாக்டர்!

சென்னையில் உள்ள மிகப்பெரிய நிறுவனத்தில் என் தந்தை வேலை செய்து கொண்டிருந்தார். அவர் படிக்காதவர். மகன்களை எல்லாம் படிக்க வைத்தார். ரிடையர்மெண்ட் வருவதற்கு இன்னும் ஒரு வருடம்தான் பாக்கி. அதற்குள் அந்தக்கம்பெனியில் என்னைச் சேர்த்துவிடத் துடித்தார். வாரிசுகளுக்கு வேலை (வேண்டப்பட்டவர்களுக்கு மட்டும்) என்பது எழுதப்படாத ஒரு விதியாக இருந்து வந்தது அந்த நிறுவனத்தில். இதற்கு முன்னரே எனது 2 அண்ணன்களையும் சேர்த்துவிட முயற்சி செய்தார் எனது தந்தை. அது முடியாமல் போனது. பல காரணங்களைச் சொல்லி அதை தடுத்துவிட்டனர் அங்கிருந்த 'நல்லவர்கள்'.

அது ஒரு ஆட்டோமொபைல் உதிரிபாகங்கள் தயாரிக்கும் நிறுவனம். 5000 தொழிலாளர்களுக்கும் மேல் வேலை பார்த்தனர். எனது அண்ணன்களை 'ரிஜக்ட்' செய்த விதமே தனி.

முதல் அண்ணன் பியுசி படிக்கும்போதே எனது தந்தையார் அவர்களிடம் என் அண்ணனுக்கு வேலை கேட்டார். அதற்கு அவர்கள் பையன நல்லா படிக்க வைப்பா அப்புறம் வேலைக்குச் சேர்த்துக்கலாம்; வேலை எங்க போயிடப்போகுது என்றனர். அதை நம்பி அவரை பிஎஸ்ஸி (கெமிஸ்ட்ரி) படிக்க வைத்தார். படிப்பு முடிந்து வேலை கேட்டப்போது "ஏன்ப்பா இவ்ளோ பெரிய படிப்புக்கெல்லாம் நம்ம கம்பெனியில எங்க வேலை இருக்குப்பா நம்ம கம்பெனியிலே" என்று மறுத்துவிட்டனர்.

மனம் தளராத எனது அப்பா என்னுடைய 2ஆவது அண்ணன் டி.எம்.இ (எலெக்ட்ரிகல்) படித்து முடித்ததும் அவருக்கு வேலை கேட்டார். டிப்ளமோ படிப்புக்கெல்லாம் அதுவும் எலெக்ட்ரிகல் படிப்பு, எங்க இங்க வேலை இருக்கு என்று மறுத்துவிட்டார்கள். இதில் என்ன கொடுமை என்றால் அந்த நிறுவனத்திற்கும் எலெக்ட்ரிகலுக்கும் முக்கியத்தொடர்பு உள்ளது.

வீட்டில் கடைசிப்பையன் நான்தான். அவருக்கு ரிடையர்மென்ட் வயதும் வந்துவிட்டது. அப்போது பிஎஸ்ஸி (கெமிஸ்ட்ரி) படித்துக் கொண்டிருந்த என்னை டிஸ்கண்டினியூ செய்யவைத்து வேலைக்குச் சேர்த்துவிட முனைந்தார் என் அப்பா!

பல பகீரதபிரயத்தனம் செய்து 'இண்டர்வியு' வரை என்னை வர வைத்துவிட்டார் என் அப்பா. நானும் சென்றேன். பல போட்டியாளர்களில் நான் முதன்மையானவனாக தேறினேன்.

அப்புறம் என்ன? வேலைக்கு சேர்ந்தாச்சு என்று நிம்மதி பெருமூச்சுவிட்டு உட்கார்ந்தபோது...

(தொடரும்)

by **சாமி** Tue Feb 24, 2015 9:40 pm

"ஸ்டெதஸ்கோப்பை" வைத்து இதயத்தில் ஓட்டையைக் கண்டுபிடித்த அறிவாளி டாக்டர்! - தொடர்ச்சி

இண்டர்வியூவில்தான் பாஸ் பண்ணியாச்சே என்று நான் இருந்தபோது ' மெடிக்கல் செக்கப்'பிற்கு கூப்பிட்டார்கள். போனேன். தலை முதல் கால் வரை 'இன்ச் பை இன்ச்' ஆக எல்லாத்தையும் செக் செய்தார்கள்.

சரி சொல்லி அனுப்புகிறேன் என்று அனுப்பி விட்டார் கம்பெனி டாக்டர்.

சில நாட்கள் கழித்து அப்பா சோகமாக வந்தார் வீட்டிற்கு. எப்படி சொல்வது என்பது எனத் தயக்கம்! "சின்னவனுக்கு இதயத்துல ஓட்டையாம். அதனால வேலை கொடுக்க முடியாது" என்று சொல்லி விட்டார்கள் என சொன்னார்.

வேலை கிடைக்கவில்லை என்பது ஒரு பெரிய விசயம் அல்ல. இதயத்தில் ஓட்டை என்றால் என்ன செய்வது. வீடே சோகத்தில் ஆழ்ந்தது. அன்று சென்னையிலேயே இதய ஸ்பெசலிஸ்ட் டாக்டர்"சங்கரன்" என்பவரிடம் போய், அப்பாயின்மென்ட் வாங்கி ஒரு வாரம் இதே வேலை. எல்லா டெஸ்டுகளும் எடுத்த டாக்டர் இதயத்திலே சின்ன பிரச்சினைகூட கிடையாது. "யு ஆர் ஆல்ரைட்" என்று சொல்லி ஒரு நீண்ட கடிதமே கொடுத்தார்.

எங்களுக்கு ஒரு சந்தேகம்! அந்த டாக்டர் ஏன் அப்படிச் சொன்னார் என்று. இதை இந்த ஸ்பெசலிஸ்ட் கிட்டேயே கேட்டோம். அதற்கு அவர் சொன்னார், "சளி பிடித்திருந்தால் கூட 'மர்மரிங்' சத்தம் வரும். இதை வச்சு ஹார்ட் ஓட்டைன்னு முட்டாள்தனமா அந்த டாக்டர் சொல்லியிருக்கான்னு சொன்னார்.

அடுத்த கதை: "ஒரு நாள் நோயாளி"யை "வாழ்நாள் நோயாளி"யாக்கி வருமானம் பார்க்கும் கில்லாடி டாக்டர்

(தொடரும்)

by **ayyasamy ram** Wed Feb 25, 2015 7:45 am

-
தொடருங்கள்......

by **ராஜா** Wed Feb 25, 2015 11:08 am

அருமையாக இருக்கிறது சாமி ஐயா , தொடருங்கள்

அது ஒரு ஆட்டோமொபைல் உதிரிபாகங்கள் தயாரிக்கும் நிறுவனம். 5000 தொழிலாளர்களுக்கும் மேல் வேலை பார்த்தனர். எனது அண்ணன்களை 'ரிஜக்ட்' செய்த விதமே தனி.

எந்த நிறுவனமாக இருக்கலாம் என்று ஓரளவுக்கு ஊகித்துள்ளேன் புன்னகை

.

இவர்கள் reject செய்வதற்கும் எந்த வித காரணமும் கேட்க முடியாது , அதேபோல
சிலரை வேலைக்கு எடுத்ததற்கும் காரணம் கேட்க முடியாது. புன்னகை

by பாலாஜி Wed Feb 25, 2015 4:02 pm

ராஜா wrote: அருமையாக இருக்கிறது சாமி ஐயா , தொடருங்கள்

அது ஒரு ஆட்டோமொபைல் உதிரிபாகங்கள் தயாரிக்கும் நிறுவனம். 5000 தொழிலாளர்களுக்கும் மேல் வேலை பார்த்தனர். எனது அண்ணன்களை 'ரிஜக்ட்' செய்த விதமே தனி.
எந்த நிறுவனமாக இருக்கலாம் என்று ஓரளவுக்கு ஊகித்துள்ளேன் .

இவர்கள் reject செய்வதற்கும் எந்த வித காரணமும் கேட்க முடியாது , அதேபோல
சிலரை வேலைக்கு எடுத்ததற்கும் காரணம் கேட்க முடியாது.

மேற்கோள் செய்த பதிவு: 1122575

எந்த நிறுவனமா இருக்கும் ஒன்னும் புரியல

by பாலாஜி Wed Feb 25, 2015 4:03 pm

அருமையான தொடர் .....தொடருங்கள்

by **சிவா** Wed Feb 25, 2015 11:08 pm

பயனுள்ள தொடர்....!

by **மாணிக்கம் நடேசன்** Thu Feb 26, 2015 9:13 am

"ஸ்டெதஸ்கோப்பை" வைத்து இதயத்தில் ஓட்டையைக் கண்டுபிடித்த அறிவாளி டாக்டர்!

ஒரு வேளை அதிலேயே எஸ்ரே கருவி பொருத்தப்படிருக்குமோ? அத வச்சித்தான் டாக்டர் ஈசியா ஓட்டைய கண்டுபிடிச்சிட்டாரு.