அனேகன் - விமர்சனம்

**சிவா** · **சிவா** Sat Feb 21, 2015 11:49 pm

கதையின் கரு: ஜென்ம ஜென்மமாக வரும் காதல் பந்தம்.

ரொம்ப நாளைக்கு அப்புறம், தமிழ் சினிமாவில் ஒரு மறு ஜென்ம கதை. பர்மாவின் தலைநகரான ரங்கூனில் கதை ஆரம்பிக்கிறது. அங்குள்ள ஒரு பொருட்காட்சியின் ராட்டினம் அறுந்து விழ-அதில் அமர்ந்திருந்த அமைராவின் உயிரை காப்பாற்றுகிறார், தனுஷ். இரண்டு பேருக்கும் காதல் வருகிறது.

தனுஷ், கூலி தொழிலாளி. அமைரா, போலீஸ் அதிகாரி முகேஷ் திவாரியின் மகள். இவர்கள் காதலுக்கு முகேஷ் திவாரி எதிர்ப்பு தெரிவிக்கிறார். காதலர்கள் பர்மாவை விட்டு இந்தியாவுக்கு கப்பலில் தப்பியோட முயற்சிக்கிறார்கள். அவர்களை சுட்டுக் கொல்கிறார், முகேஷ் திவாரி.

கொல்லப்பட்ட தனுசும், அமைராவும் சென்னையில் மறுஜென்மம் எடுத்து, ஒரு சாப்ட்வேர் நிறுவனத்தில் பணிபுரிகிறார்கள். அமைராவுக்கு பூர்வ ஜென்ம நினைவுகள் திரும்புகின்றன. அதில், நான்கு ஜென்மங்களாக அவரும், தனுசும் காதலர்களாக இருப்பதும், ஒரு ஜென்மத்தில் இவர்களுக்கு வில்லனாக இருந்தவரே அடுத்த ஜென்மத்திலும் வில்லனாக உருவாகியிருப்பதும் தெரியவருகிறது.

அந்த வில்லனிடம் இருந்து தனுசும், அமைராவும் தப்பினார்களா, இல்லையா? என்பது படத்தின் உச்சக்கட்ட காட்சி.

மூணா ரூணா-சமுத்ரா, காளி-கல்யாணி, இளமாறன்-செண்பகவல்லி, அஸ்வின்-மது என நான்கு தலைமுறை காதலர்களாக வருகிறார்கள் தனுசும், அமைராவும். படத்தின் நீளம் கருதி இளமாறன்-செண்பகவல்லி ஜோடியின் கதை நீக்கப்பட்டு, ஒரு பாடல் காட்சியில் மட்டும் இடம் பெறுகிறார்கள்.

பர்மா தமிழர் மூணா-ரூணாவாக மீசையில்லாத தனுஷ், தோற்றத்தில் மட்டுமல்ல, நடிப்பிலும் வித்தியாசம் காட்டியிருக்கிறார். ராட்சத ராட்டினம் அறுந்து விழும் காட்சியில், அவர் உயிர் பணயம் வைத்து ஒரிஜினலாக நடித்திருப்பது, சிலிர்க்க வைக்கிறது.

சாப்ட்வேர் என்ஜினீயர் அஸ்வின் கதாபாத்திரத்தில் மென்மை காட்டும் அவர், காளி வேடத்தில் அமர்க்களப்படுத்துகிறார். அந்த குத்தாட்டத்திலும் சரி, மார்க்கெட் சண்டையிலும் சரி, கண்ணுக்குள் நிற்கிறார். கார்த்திக் முன்பே அவரைப்போல் பேசி நடித்துக் காட்டும் இடத்தில், தனுசைப் பார்த்து கார்த்திக்கே மிரள்கிறார்.

அமைரா வட இந்திய முகம் என்பதால், பர்மா சமுத்ரா பாத்திரத்துக்கு பாந்தமாக இருக்கிறார். பிராமணப்பெண் கல்யாணி வேடத்துக்கு அவர் பொருந்தவில்லை. தலையில் பொருத்தப்பட்ட 'விக்,' காட்டிக் கொடுக்கிறது.

படத்தில், கதாநாயகன் தனுசுடன் போட்டி போட்டு இருக்கிறார், கார்த்திக். லிப்ட் அறுந்தததால் கூடி நிற்பவர்களைப் பார்த்து, ''ஏன் கால்கள் இல்லையா, நடந்து போக?'' என்று ஸ்டைலாக கூறும்போதும், ''என் வாழ்க்கையில் எத்தனையோ பெண்கள் கடந்து போயிருக்கிறார்கள்...மேகம் மாதிரி'' என்று சொல்லும்போதும், கார்த்திக் கார்த்திக்தான் என்று கைதட்டுகிறார்கள்.

காமெடியை தனுஷ், கார்த்திக் இருவரும் பங்கு போட்டுக் கொள்வதால், ஜெகனுக்கு அதிக வேலை இல்லை.வசன வரிகளுக்கு தியேட்டரில், அமோக வரவேற்பு. ''உன் அளவு அவளுக்கு எப்படி தெரிந்தது?'' என்று அம்மா கேட்க- ''அதான் என்னை அவள் தினமும் பார்க்கிறாளே...'' என்று தனுஷ் சொல்லும் இடம், ஒரு உதாரணம்.

பர்மா சம்பந்தப்பட்ட காட்சிகளில் ஒளிப்பதிவாளர் ஓம்பிரகாசின் உழைப்பு தெரிகிறது. பாடல்களிலும், பின்னணி இசையிலும் கூடுதல் கவனம் செலுத்தியிருக்கிறார், ஹாரிஸ் ஜெயராஜ். ''ரோஜா கடலே,'' ''ஆத்தாடி,'' ''தொடுவனம்'' ஆகிய பாடல்களில், கவிஞர் வைரமுத்துவின் வார்த்தை ஜாலங்கள், வசீகரிக்கின்றன.

அடுத்தடுத்த ஜென்மங்களின் கதை என்பதால் சில குழப்பங்களும், தேக்கமும் ஏற்படுவதை தவிர்க்க முடியவில்லை. புதைக்கப்பட்ட உடல்கள் எலும்புக்கூடாகியுள்ள நிலையில், கைவிரல் மட்டும் எப்படி 'பளிச்' மோதிரத்துடன் தப்பியது? அந்த மோதிர விரலை போலீஸ் அதிகாரி ஆசிஷ் வித்யார்த்தி மறைத்து வைக்க வேண்டிய அவசியம் என்ன? போன்ற கேள்விகளுக்கு படத்தில், விடை இல்லை.

எதிர்பாராத ஆரம்பமும், அபூர்வமாக சொல்லப்பட்ட மறுஜென்ம திரைக்கதையும், தனுஷ்-கார்த்திக் இருவரின் நடிப்பும் படத்துக்கு ஜீவனாக அமைந்திருக்கின்றன. அநேக காட்சிகளில், டைரக்டர் கே.வி.ஆனந்தின் முத்திரைகள்.

தினதந்தி

**சிவா** · **சிவா** Sat Feb 21, 2015 11:51 pm

**krishnaamma** · **krishnaamma** Sun Feb 22, 2015 12:12 am

அருமையான படம் சிவா புன்னகை

.......சூப்பர் ஆக இருக்கு !

**ராஜா** · **ராஜா** Sun Feb 22, 2015 11:09 am

நன்றி தல ... waiting for HD print புன்னகை

**M.M.SENTHIL** · **M.M.SENTHIL** Mon Feb 23, 2015 3:29 am

நன்றி

அப்படியே டவுன் லோடு லிங்க், கிடைத்தால் மகிழ்ச்சி

**krishnaamma** · **krishnaamma** Mon Feb 23, 2015 9:50 am

M.M.SENTHIL wrote:நன்றி

அப்படியே டவுன் லோடு லிங்க், கிடைத்தால் மகிழ்ச்சி

மேற்கோள் செய்த பதிவு: 1122119

சுமாராய் பார்த்தால் போதும் என்றால் tamilgun போங்கள் ........நல்ல தரமானது வேண்டும் என்றால் காத்திருங்கள் புன்னகை

**M.Saranya** · **M.Saranya** Mon Feb 23, 2015 9:56 am

நானும் படத்தை பார்க்கணும் அம்மா ......

**krishnaamma** · **krishnaamma** Mon Feb 23, 2015 10:07 am

M.Saranya wrote:நானும் படத்தை பார்க்கணும் அம்மா ......

மேற்கோள் செய்த பதிவு: 1122151

இதோ லிங்க் சரண்யா புன்னகை

http://tamilgun.com/video/anegan-hq/

மேலே உள்ளதில் 'oops ' என்று போட்டிருப்பார்கள்...நம்ப வேண்டாம்...இன்னும் கொஞ்சம் கிழேவந்தால் இருக்கும் புன்னகை

..enjoy ! ..முதலில் இதை பாருங்கள் பிறகு பிடித்திருந்தால் காத்திருந்து மறுபாதி HD quality இல் பாருங்கள் புன்னகை

**விமந்தனி** · **விமந்தனி** Mon Feb 23, 2015 10:21 am

நானும் பார்கிறேன். பட் in HD qly

**முனைவர் ம.ரமேஷ்** · 21/08/2011

படம் பாக்க எங்க நேரம்... இப்படி விமர்சனம் படிச்சிக்கிட்டாதான் உண்டு...

Sponsored content · Sponsored content

அனேகன் - விமர்சனம்

அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

Re: அனேகன் - விமர்சனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக