நாடு முழுவதும் நாளை போலியோ சொட்டு மருந்து முகாம்

சென்னை - தீவிர போலியோ சொட்டு மருந்து முகாம் நாளை நாடு முழுவதும் நடைபெறுகிறது. தமிழ்நாட்டில் ரயில் நிலையங்கள் பேருந்து நிலையங்கள் மற்றும் சினிமா தியேட்டர்கள் உள்ளிட்ட 43 ஆயிரம் மையங்களில் போலியோ சொட்டு மருந்து முகாம் நடத்தப்படும் என்று தமிழக அரசு அறிவித்துள்ளது.

இது குறித்து தமிழக அரசு வெளியிட்ட செய்திக்குறிப்பு வருமாறு:

தீவிர போலியோ சொட்டு மருந்து முகாம் 22-2-2015 அன்று நாடு முழுவதும் நடைபெற உள்ளது. தமிழ் நாட்டில் 43,051 சொட்டு மருந்து மையங்கள் ஆரம்ப சுகாதார நிலையங்கள்/அரசு மருத்துவமனைகள்/அங்கன்வாடி மையங்கள்/சத்துணவு மையங்கள்/பள்ளிகள் மற்றும் முக்கியமான இடங்களில் பிரத்தியேகமாக நிறுவப்பட்டு சொட்டு மருந்து வழங்க அனைத்து ஏற்பாடுகளும் செய்யப்பட்டுள்ளன. முக்கிய அம்சங்கள் முக்கிய அம்சங்கள் சொட்டு மருந்து வழங்கும் மையம் காலை 7 மணி முதல் மாலை 5 மணி வரை செயல்படும்.

அனைத்து 5 வயதிற்குட்பட்ட குழந்தைகளுக்கும் இரண்டாவது தவணை, 22 ந்தேதி சொட்டு மருந்து கொடுக்கப்பட வேண்டும். தேசிய தடுப்பூசி அட்டவணைப்படி ஓரிரு நாட்களுக்கு முன் சொட்டு மருந்து வழங்கப்பட்டிருந்தாலும் முகாம் நாட்களில் மீண்டும் சொட்டு மருந்து கொடுக்க வேண்டும்.

புதிதாக பிறந்த குழந்தைகளுக்கும் முகாம் நாட்களில் சொட்டு மருந்து கொடுப்பது அவசியமாகும். சொட்டு மருந்து வழங்கப்படும் குழந்தைகளுக்கு விரலில் மை வைக்கப்படுகிறது. இது விடுபடும் குழந்தைகளைக் கண்டறிய உதவுகிறது. முகாம் நாளன்று போலியோ சொட்டு மருந்து வழங்க தனியார் மருத்துவர்களும் கேட்டுக் கொள்ளப்பட்டுள்ளார்கள். இடம் பெயர்ந்து வாழும் தொழிலாளர்களின் குழந்தைகளுக்கும் முகாம் நாளன்று போலியோ சொட்டு மருந்து வழங்கப்படும்.

பயணம் மேற்கொள்ளும் மற்றும் தொலைதூர பகுதி வாழ் குழந்தைகளுக்கு சிறப்பு ஏற்பாடு:

தீவிர போலியோ சொட்டு மருந்து முகாம் நாளில் பயணிக்கும் குழந்தைகளின் வசதிக்காக முக்கிய பேருந்து நிலையங்கள், ரயில் நிலையங்கள், விமான நிலையங்களில் 1652 நகரும் மையங்கள் நிறுவப்பட்டு சொட்டு மருந்து வழங்க ஏற்பாடுகள் செய்யப்பட்டுள்ளன. 1000 நடமாடும் குழுக்கள் மூலமாக தொலை தூரம் மற்றும் எளிதில் செல்ல முடியாத பகுதிகளில் வசிக்கும் குழந்தைகளுக்கு சொட்டு மருந்து வழங்கப்பட உள்ளது.

சொட்டு மருந்து முகாமில் ஈடுபடும் பணியாளர்கள் சொட்டு மருந்து முகாமில் ஈடுபடும் பணியாளர்கள் 22 ந்தேதி போலியோ சொட்டு மருந்து முகாமில் சுமார் 2 இலட்சத்திற்கும் மேற்பட்ட சுகாதாரப் பணியாளர்கள், அங்கன்வாடிப் பணியாளர்கள். ஆசிரியர்கள் மற்றும் தன்னார்வலர்கள் ஈடுபடுகிறார்கள். தமிழ் நாடு போலியோ இல்லாத 11-வது ஆண்டில் அடியெடுத்து வைக்கிறது.

முதலமைச்சரின் சீரிய முயற்சியின் விளைவாக, போலியோ சொட்டு மருந்து முகாம் சிறப்பாக நடைபெற்றதால், தமிழ் நாடு பல ஆண்டுகளாக போலியோ இல்லாத நிலையை அடைந்துள்ளது. முதலமைச்சர் அறிவுறுத்தலின்படி, இந்த நிலையை தக்க வைத்துக் கொள்ளவும், குழந்தைகளை போலியோ வைரஸ் பாதிப்பிலிருந்து பாதுகாப்பதும் மிகவும் இன்றியமையாததாகும்.

இத்தருணத்தில் போலியோ சொட்டு மருந்து கொடுப்பதன் முக்கியத்துவத்தை அனைத்து பத்திரிக்கைகள் மற்றும் ஊடகங்கள் விளம்பரம் செய்ய வேண்டும். அனைத்து தாய்மார்களும் இந்த அரிய சந்தர்ப்பத்தை பயன்படுத்தி தங்கள் குழந்தைகளுக்கு போலியோ சொட்டு மருந்து கொடுக்கும்படி கேட்டுக் கொள்ளப்படுகிறார்கள். ""இந்த பூமியிலிருந்து போலியோ நோயை முற்றிலும் ஒழிக்க அனைவரும் கைகோர்த்து செயல்படுவோம்""இவ்வாறு அந்த செய்திக்குறிப்பில் குறிப்பிடப்பட்டுள்ளது.

நல்ல விழிப்புணர்வு தரும் பகிர்வு.....

70 லட்சம் குழந்தைகளுக்கு போலீயோ சொட்டு மருந்து

சென்னை - தமிழ்நாட்டில் இரண்டாம் கட்டமாக தீவிர போலியோ சொட்டு மருந்து முகாம் நேற்று நடத்தப்பட்டது. இதில் 70 லட்சம் குழந்தைகளுக்கு போலியோ சொட்டு மருந்து போடப்பட்டதாக தமிழக அரசு தெரிவித்தது.

தமிழ்நாட்டில் ரயில் நிலையங்கள் பேருந்து நிலையங்கள் மற்றும் சினிமா தியேட்டர்கள் உள்ளிட்ட 43 ஆயிரம் மையங்களில் இரண்டாம் கட்ட போலியோ சொட்டு மருந்து முகாம் நடத்தப்படும் என்று தமிழக அரசு அறிவித்தது. இதைத்தொடர்ந்து நேற்று நடைபெற்ற போலியோ சொட்டு மருந்து முகாம்களில் 2 லட்சம் பேர் ஈடுபடுத்தப்பட்டனர்.

முதற்கட்ட தீவிர போலியோ சொட்டு மருந்து முகாம் ஏற்கனவே கடந்த மாதம் நடைபெற்று முடிந்தது 43,051 சொட்டு மருந்து மையங்கள் ஆரம்ப சுகாதார நிலையங்கள்/அரசு மருத்துவமனைகள்/அங்கன்வாடி மையங்கள்/சத்துணவு மையங்கள்/பள்ளிகள் மற்றும் முக்கியமான இடங்களில் பிரத்தியேகமாக நிறுவப்பட்டு சொட்டு மருந்துகள் குழந்தைகளுக்கு வழங்கப்பட்டன. நேற்று காலை முதல் மாலை 5 மணி வரை இந்த முகாம் நடைபெற்றது.

2 லட்சம் அரசு மற்றும் தனியார்த்துறையை சேர்ந்த ஊழியர்கள் ஈடுபடுத்தப்பட்டனர். மலைப்பகுதிகள் உள்ளிட்ட பல்வேறு பகுதிகளில் 1000 வாகனங்களில் நடமாடும் சொட்டு மருந்து முகாம்களும் அமைக்கப்பட்டன. இரண்டு முகாம்களுக்கு ரூ 9.8 கோடி நிதி ஒதுக்கீடு செய்யப்பட்டது. சென்னையில் நடைபெற்ற 6 லட்சத்து 63ஆயிரத்து 976 குழந்தைகளுக்கு போலியோ சொட்டு மருந்து போடப்பட்டது. ஆயிரத்து 327 மையங்களில் நடைபெற்ற இந்த முகாம்களில் 7 ஆயிரம் ஊழியர்கள் ஈடுபடுத்தப்பட்டனர்.

இடம் பெயர்ந்து வாழும் தொழிலாளர்களின் குழந்தைகளுக்கும் இந்த முகாமில் போலியோ சொட்டு மருந்துகள் வழங்கப்பட்டதாக சென்னை மாநகராட்சி அறிவித்துள்ளது.