மோடி டீ விற்றதற்கு ஆதாரம் ஏதும் இல்லை!

First topic message reminder :



புது டெல்லி - மோடி டீ விற்றதற்கு எந்த ஆதாரமும் இல்லை என்று தகவல் அறியும் சட்டத்தில் தெரிவிக்கப்பட்டுள்ளது.

பிரதமர் நரேந்திர மோடி பாராளுமன்ற தேர்தல் பிரச்சாரத்தின் போது தான் சாதாரண குடும்பத்தில் பிறந்தவன் என்றும், இளம் வயதில் ரெயில் மற்றும் ரயில் நிலையங்களில் டீ விற்று உழைத்தவன் என்றும் கூறினார்.

இதையடுத்து பா.ஜனதாவினர் டீக்கடை பிரச்சாரத்தை பெரிதுபடுத்தி பேசினார்கள். டீக்கடைகளில் மோடியின் உரை அவ்வப்போது ஒளிபரப்பு செய்தனர். மோடி டீ விற்றவர் என்ற தகவல் பா.ஜனதாவுக்கு தேர்தலில் கைகொடுத்தது.

மோடி டீ வி்ற்றவர் என்ற பா.ஜனதாவின் பிரச்சாரத்தை காங்கிரஸ் கட்சியை சேர்ந்த மணிசங்கர் அய்யர் கிண்டல் செய்ததால் பொது இடங்களில் டீ விற்கும் போராட்டத்தில் பா.ஜனதாவினர் ஈடுபட்டனர்.

இது பாராளுமன்ற தேர்தலில் பெரும் பரபரப்பை ஏற்படுத்தியது. சமீபத்தில் டெல்லியில் சுற்றுப்பயணம் செய்த அமெரிக்க அதிபர் ஒபாமா, மோடி டீ விற்றது பற்றி கூறும் போது இது இந்தியாவில் தான் சாத்தியம் என்று புகழ்ந்தார். இந்த நிலையில் காங்கிரஸ் கட்சியை சேர்ந்த தேக்சீன் பூனாவாலா என்பவர் தகவல் அறியும் உரிமை சட்டத்தின் கீழ் மோடி டீ விற்றதற்கான ஆதாரம் வழங்குமாறு ரயில்வே துறைக்கு மனு செய்து இருந்தார்.

அதற்கு ரயில்வே துறை சார்பில் பதில் அனுப்பப்பட்டு உள்ளது. அதில் மோடி இளம் வயதில் ரயிலிலோ, ரயில் நிலையங்களிலோ டீ விற்றதற்கான எந்த ஆதாரமும் இல்லை என்று தெரிவித்துள்ளது. கடந்த ஆண்டு ஆகஸ்ட் மாதம் 20ம் தேதியே அவர் தகவல் அறியும் உரிமை சட்டத்தின் கீழ் மனு செய்தார். ஆனால் தாமதமாக தான் அவருக்கு பதில் அளிக்கப்பட்டுள்ளது.

இது பற்றி பூனவாலா கூறுகையில், ரயிலிலோ, ரயில் நிலையங்களிலோ டீ விற்க வேண்டுமானால் ரயில்வே துறை பாஸ் வழங்கி இருக்கும். பாஸ் இருந்தால்தான் டீ விற்க முடியும். தற்போது ரயில்வே துறையிடம் இது போன்று பாஸ் வழங்கியதற்கான ஆதாரம் எதுவும் இல்லை. ரயில்வேயும், ரயில்வே போர்டும் பிரதமர் மோடி கட்சியின் கீழ்தான் இயங்குகிறது. அவர்களே மோடி டீ விற்றதற்கு ஆதாரம் இல்லை என்று தெரிவித்துள்ளனர். ஆனால் மோடி டீ விற்றவர் என்று கூறி தேர்தல் பிரச்சாரத்தில் ஈடுபட்டார். இவ்வாறு அவர் தெரிவித்துள்ளார்.

வாங்குற தங்கத்துக்குக்கே சேதாரம் என்ன கணக்குன்னு கேட்டா ஆதாரம் தரதில்ல இதுல அம்பது வருஷத்துக்கு முன்னாடி போட்ட டீக்கு ஆதாரம் வேணுமாமே - போங்க பாஸ் போங்க புள்ள குட்டிகள படிக்க வெக்கிற வழிய பாருங்க

அன்பரே என்னங்க இப்போ இதெல்லாம்...............