மோடி டீ விற்றதற்கு ஆதாரம் ஏதும் இல்லை!

by **சிவா** Mon Feb 23, 2015 2:40 am

புது டெல்லி - மோடி டீ விற்றதற்கு எந்த ஆதாரமும் இல்லை என்று தகவல் அறியும் சட்டத்தில் தெரிவிக்கப்பட்டுள்ளது.

பிரதமர் நரேந்திர மோடி பாராளுமன்ற தேர்தல் பிரச்சாரத்தின் போது தான் சாதாரண குடும்பத்தில் பிறந்தவன் என்றும், இளம் வயதில் ரெயில் மற்றும் ரயில் நிலையங்களில் டீ விற்று உழைத்தவன் என்றும் கூறினார்.

இதையடுத்து பா.ஜனதாவினர் டீக்கடை பிரச்சாரத்தை பெரிதுபடுத்தி பேசினார்கள். டீக்கடைகளில் மோடியின் உரை அவ்வப்போது ஒளிபரப்பு செய்தனர். மோடி டீ விற்றவர் என்ற தகவல் பா.ஜனதாவுக்கு தேர்தலில் கைகொடுத்தது.

மோடி டீ வி்ற்றவர் என்ற பா.ஜனதாவின் பிரச்சாரத்தை காங்கிரஸ் கட்சியை சேர்ந்த மணிசங்கர் அய்யர் கிண்டல் செய்ததால் பொது இடங்களில் டீ விற்கும் போராட்டத்தில் பா.ஜனதாவினர் ஈடுபட்டனர்.

இது பாராளுமன்ற தேர்தலில் பெரும் பரபரப்பை ஏற்படுத்தியது. சமீபத்தில் டெல்லியில் சுற்றுப்பயணம் செய்த அமெரிக்க அதிபர் ஒபாமா, மோடி டீ விற்றது பற்றி கூறும் போது இது இந்தியாவில் தான் சாத்தியம் என்று புகழ்ந்தார். இந்த நிலையில் காங்கிரஸ் கட்சியை சேர்ந்த தேக்சீன் பூனாவாலா என்பவர் தகவல் அறியும் உரிமை சட்டத்தின் கீழ் மோடி டீ விற்றதற்கான ஆதாரம் வழங்குமாறு ரயில்வே துறைக்கு மனு செய்து இருந்தார்.

அதற்கு ரயில்வே துறை சார்பில் பதில் அனுப்பப்பட்டு உள்ளது. அதில் மோடி இளம் வயதில் ரயிலிலோ, ரயில் நிலையங்களிலோ டீ விற்றதற்கான எந்த ஆதாரமும் இல்லை என்று தெரிவித்துள்ளது. கடந்த ஆண்டு ஆகஸ்ட் மாதம் 20ம் தேதியே அவர் தகவல் அறியும் உரிமை சட்டத்தின் கீழ் மனு செய்தார். ஆனால் தாமதமாக தான் அவருக்கு பதில் அளிக்கப்பட்டுள்ளது.

இது பற்றி பூனவாலா கூறுகையில், ரயிலிலோ, ரயில் நிலையங்களிலோ டீ விற்க வேண்டுமானால் ரயில்வே துறை பாஸ் வழங்கி இருக்கும். பாஸ் இருந்தால்தான் டீ விற்க முடியும். தற்போது ரயில்வே துறையிடம் இது போன்று பாஸ் வழங்கியதற்கான ஆதாரம் எதுவும் இல்லை. ரயில்வேயும், ரயில்வே போர்டும் பிரதமர் மோடி கட்சியின் கீழ்தான் இயங்குகிறது. அவர்களே மோடி டீ விற்றதற்கு ஆதாரம் இல்லை என்று தெரிவித்துள்ளனர். ஆனால் மோடி டீ விற்றவர் என்று கூறி தேர்தல் பிரச்சாரத்தில் ஈடுபட்டார். இவ்வாறு அவர் தெரிவித்துள்ளார்.

by **M.M.SENTHIL** Mon Feb 23, 2015 4:42 am

இது என்ன இப்போ புது பூதம்

by **T.N.Balasubramanian** Mon Feb 23, 2015 10:37 am

ரயிலிலோ, ரயில் நிலையங்களிலோ விற்றதாக அவர் கூறவில்லையே !

நான் அறிந்த வரையில் , அகமதாபாத் பெரிய பஸ் நிலையம் , "கீதா மந்திர் "என்று பெயர் ,
அங்கே இருக்கும் டி ஸ்டாலில் / பஸ்ஸில் செல்லும் பயணிகளுக்கு ,டி சப்பளை பண்ணினதாக
கேள்வி .
இது அவர் முதல்வராக , குஜராத்தில் , பல ஆண்டுகளுக்கு முன் பதவி ஏற்ற போது , வந்த செய்திகள் .
ரமணியன்

by **M.Saranya** Mon Feb 23, 2015 11:17 am

டீ விற்று பிழைத்தவன் என்று பொய் கூற அவருக்கு அவசியமில்லையே...
புன்னகை

by **krishnaamma** Mon Feb 23, 2015 11:35 am

M.Saranya wrote:டீ விற்று பிழைத்தவன் என்று பொய் கூற அவருக்கு அவசியமில்லையே...

மேற்கோள் செய்த பதிவு: 1122144

எஸ்....train இல் விற்காமல் இருந்திருக்கலாம்............அதற்காக டீ விற்கலை என்று சொல்ல முடியுமா?......மேலும் நாட்டில் எவ்வளவோ பிரச்சனைகள் இருக்க...இப்போ இது ரொம்ப முக்கியம் அவங்களுக்கு ......... சோகம்

.அவர் எவ்வளவு கீழ் தட்டிலிருந்து மேலே வந்திருக்கிறார் என்பது தான் முக்கியமே தவிர......இதெல்லம்................

இவங்களுக்கு எல்லாம் எதை எடுக்கணும் எதை விடணும் என்று தெரியாது...............எதையாவது பிடித்துக்கொண்டு பிரச்சனை பண்ணி பேபரின் முதல் பக்கத்தில் வரணும் அவ்வளவுதான். புன்னகை

by **T.N.Balasubramanian** Mon Feb 23, 2015 11:45 am

""டி " விற்றாரா என்பது ஒரு பக்கம் இருக்க ,
பெண்டாட்"டி" விட்டார் என்பதுதான் இப்போதைய நிதரிசனம் .

ரமணியன்

by mmani15646 Mon Feb 23, 2015 12:02 pm

by **ராஜா** Mon Feb 23, 2015 12:14 pm

நாட்டுக்கு ரொம்ப முக்கியம் , அவரை ஒழுங்கா வேலையை செய்ய விடுங்கப்பா.

by **M.Saranya** Mon Feb 23, 2015 12:16 pm

ராஜா wrote:நாட்டுக்கு ரொம்ப முக்கியம் , அவரை ஒழுங்கா வேலையை செய்ய விடுங்கப்பா.

மேற்கோள் செய்த பதிவு: 1122188

இதுதான் சரி நண்பரே .... நன்றி

by **ராஜா** Mon Feb 23, 2015 12:46 pm

M.Saranya wrote:
ராஜா wrote:நாட்டுக்கு ரொம்ப முக்கியம் , அவரை ஒழுங்கா வேலையை செய்ய விடுங்கப்பா.
மேற்கோள் செய்த பதிவு: 1122188

இதுதான் சரி நண்பரே ....

நன்றி ஐயா