தாயும் தந்தையுமான கைலாசநாதர்!

**சாமி** · **சாமி** Sat Feb 21, 2015 8:52 am

விழுப்புரம் மாவட்டம் தொரவி கிராமத்தில் அமைந்துள்ள அருள்மிகு பெரிய நாயகி உடனாய கைலாசநாதர் திருக்கோயில், 1300 ஆண்டுகள் பழமையானது. முற்காலச் சோழர் காலத்தில் கட்டப்பட்ட இந்தச் சிவாலயம் தற்போது சீர்குலைந்த நிலையில் உள்ளது.

எளிய பலிபீடம் முன்பாக நந்திதேவர் மேற்குமுகமாய் இறைவனை நோக்க அமைந்துள்ளார். மகான்கள், துறவிகள் தொடங்கி எளிய மக்களுக்கும் அருள் வழங்கிய கைலாசநாதர் கிழக்கு முகமாய் காட்சி தருகிறார்.

ஆலயம் சிதிலமடைந்திருந்தாலும் கைலாசநாதரின் அருளுக்குக் குறைவில்லை. ஆலயத்தின் பின்னால் வலதுபுறம், விநாயகர், முருகன், நாகர் சிலைகள் வானமே கூரையாய் அருள் தருகின்றன. அத்துடன் வள்ளி தெய்வானை சமேத முருகப்பெருமான் சன்னதி, பெரியநாயகி அம்மன் சன்னதி அமைந்துள்ளது.

மருத்துவர் கைவிட்டவரையும் காப்பவர்

தொரவி கைலாசநாதர் எளிமையாய் சிதிலமடைந்த கருவறைக்குள் அமர்ந்து அருள்பாலிக்கிறார். மருத்துவரும் கைவிட்ட நோயாளிகளையும் காத்தருளியுள்ளார் இத்தலத்து இறைவன் என்கிறார்கள் பக்தர்கள்.

பெருமைகள் மிக்க இந்த ஆலயம் தினப்படி பூசை இல்லாமல் திருவிளக்கு ஏற்றாமல் பாழடைந்திருந்தது. இதை பார்த்த புதுச்சேரியைச் சேர்ந்த சிவநெறித் தொண்டர்கள் மாதம்தோறும் பெருங்குற்ற கழுவாய் (பிரதோஷ) வழிபாடு மற்றும் சிவனிரவில் சோற்றால் திருமஞ்சனம் செய்து வருகின்றனர்.

தாயும், தந்தையுமாய் நமக்கு அருள்பாலிக்கும் தொரவி கைலாசநாதருக்கு புதிய ஆலயத்தைக் கட்டுவதற்கான நடவடிக்கைகளை புதுச்சேரி வாழ் சிவனடியார்கள் ஏனாதிநாத நாயனார் அறக்கட்டளை மூலமாய் பணிகளைத் தொடங்கியுள்ளனர். அதற்கான இளங்கோயில் பூசையும் நடத்தியுள்ளனர்.

விழுப்புரம்-திருக்கனூர்-வழுதாவூர் வழித்தடத்தில் விழுப்புரத்தில் இருந்து 12 கிமீ தொலைவிலும், புதுச்சேரியில் இருந்து 30 கி.மீ. தொலைவில் தொரவி திருத்தலம் உள்ளது.

**ராஜா** · **ராஜா** Sat Feb 21, 2015 1:08 pm

நல்ல தகவல் சாமி ஐயா புன்னகை

, பகிர்வுக்கு நன்றி

பெருங்குற்ற கழுவாய் வழிபாடு , சிவனிரவு

**M.Saranya** · **M.Saranya** Sat Feb 21, 2015 1:21 pm

தகவலுக்கு நன்றி.....

**krishnaamma** · **krishnaamma** Sat Feb 21, 2015 1:35 pm

பகிர்வுக்கு நன்றி சாமி.......நன்றி ! அன்பு மலர்

.
.
இவ்வளவு அருமையான கோவில்.....பார்த்துக்க ஆள் இல்லை பாருங்கோ சோகம்

**krishnaamma** · **krishnaamma** Sat Feb 21, 2015 1:37 pm

ராஜா wrote:நல்ல தகவல் அய்யாசாமி ஐயா , பகிர்வுக்கு நன்றி

பெருங்குற்ற கழுவாய் வழிபாடு , சிவனிரவு

மேற்கோள் செய்த பதிவு: 1121834

மன்னிக்கணும் ராஜா ........பகிர்வு 'சாமி'........ராம் அண்ணா இல்லை புன்னகை

**ராஜா** · **ராஜா** Sat Feb 21, 2015 2:29 pm

krishnaamma wrote:
ராஜா wrote:நல்ல தகவல் அய்யாசாமி ஐயா , பகிர்வுக்கு நன்றி

பெருங்குற்ற கழுவாய் வழிபாடு , சிவனிரவு
மேற்கோள் செய்த பதிவு: 1121834

மன்னிக்கணும் ராஜா ........பகிர்வு 'சாமி'........ராம் அண்ணா இல்லை

நன்றி

Sponsored content · Sponsored content

தாயும் தந்தையுமான கைலாசநாதர்!

தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

Re: தாயும் தந்தையுமான கைலாசநாதர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக