அடேங்கப்பா... ரூ.4.31 கோடிக்கு மோடி சூட் ஏலம் !

அடேங்கப்பா... ரூ.4.31 கோடிக்கு ஏலம் ; மோடி சூட்டை வைர வியாபாரி வாங்கினார்.

சூரத்: அமெரிக்க அதிபர் ஒபாமாவை சந்தித்தபோது, பிரதமர் நரேந்திர மோடி அணிந்திருந்த சூட், ஏலம் தற்போது ரூ. 4 கோடியே 31 லட்சத்திற்கு ஏலம் போயுள்ளது. இந்த சூட்டை குஜராத்தை சேர்ந்த வைர வியாபாரி லால்ஜி பாய் பட்டேல் என்பவர் வாங்கியுள்ளார்.
அமெரிக்க அதிபர் ஒபாமா, சமீபத்தில் இந்தியா வந்திருந்தார். டில்லியில் உள்ள ஐதராபாத் இல்லத்தில் ஒபாமாவும், பிரதமர் நரேந்திர மோடியும் சந்தித்து பேசினர். அப்போது, பிரதமர் நரேந்திர மோடி அணிந்திருந்த நீல நிற சூட்டில், சிறிய எழுத்துகளில், அவரின் பெயர் பொறிக்கப்பட்டிருந்தது. இந்த சூட், 10 லட்சம் ரூபாய் மதிப்புள்ளது என்றும், வெளிநாட்டில் தயாரானது என்றும் கூறப்பட்டது. இதை, காங்., கட்சியினர் கடுமையாக விமர்சித்தனர். இந்நிலையில், அந்த சர்ச்சைக்குரிய சூட்டை பிரதமர் மோடி ஏலம் விட முடிவு செய்தார். குஜராத் மாநிலம் சூரத்தில் ஏலத்துக்கு வந்துள்ளது.


வைர வியாபாரிகள் போட்டி ; 3 நாள் நடக்கும் இந்த ஏலத்தில் முதல் நாளில் குஜராத்தை சேர்ந்த ராஜேஸ் ஜு..ேனஜா என்ற தொழில் அதிபர் 1.21 கோடி ரூபாய்க்கும், வெளிநாடு வாழ் இந்திய தொழில் அதிபர் விரால் கவுசிக், 1.13 கோடி ரூபாய்க்கும், சுரேஷ் அகர்வால் என்ற தொழில் அதிபர ஒரு கோடி ரூபாய்க்கும் ஏலம் கேட்டு உள்ளனர். மேலும் இந்த சூட்டை பெறுவதில் பலரும் ஆர்வம் காட்டி வருகின்றனர்.

கங்கை நதியை தூய்மைப்படுத்த ; இன்று 3வது நாளில் காலை முதல் ஏலத்தொகை, 1.40 கோடி, 1.50 கோடி, 1.89 கோடி, தற்போது சூரத்தை சேர்ந்த முகேஷ் பட்டேல் என்பவர் ரூ. 2 கோடியே 92 ஆயிரத்திற்கு ஏலம் கேட்டுள்ளார். தற்போது 2.85 கோடி, 3. 50, 3.90, தொடர்ந்து ரூ. 4 கோடியே 31 லட்த்திற்கு விற்றது. குஜராத்தை சேர்ந்த வைர வியாபாரி லால்ஜி பாய் பட்டேல் என்பவர் வாங்கியுள்ளார்.

ஏலம் மூலம் கிடைக்கும் தொகை முழுவதும், கங்கை நதியை தூய்மைப்படுத்தும் திட்டத்துக்கு செலவிடப்படும் என சூரத் மாநகராட்சி அதிகாரி கூறியுள்ளார்.

-
A visitor looks at the monogrammed suit of PM Modi, which has gone up for auction. Photograph: PTI போட்டோ
-


மோடி கிப்டாக பெற்ற 456
பொருட்கள் ஏலம் விடப்படுகின்றன
-
============

-
நன்றி--ரீடிப்.காம்

பயனுள்ள திட்டத்திற்கு இந்நிதியைப் பயன்படுத்துவதில் மகிழ்ச்சி