ஒரு கிளிக்கில் வீட்டுக்கே வரும் சேவு ,சென்னப்பட்டனா மர பொம்மைகள், பத்தமடை பாய்....

சென்னை: எந்த ஊரில் எது சிறப்பு அதில் யார் கை தேர்ந்தவர்கள் என்பதை ஊர் சுற்றி ஆராய்ந்து, ஒரு சிறு வட்டத்தினுள் சிக்கி இருந்த நம்ம ஊர் பாரம்பரிய தின்பண்டங்களையும், பொருட்களையும் வெகு ஜன சந்தைக்கு சீரும் சிறப்புமாக கொண்டு வந்து சேர்த்திருக்கிறது நேட்டிவ்ஸ்பெஷல்.காம். தாய்லாந்து, மெக்சிகோ, இத்தாலி போன்ற நாடுகளின் பண்டங்களுக்கு எந்த வகையிலும் குறையாத, அதைவிட சிறந்த பண்டங்கள் நம்மிடையே ஏராளம் இருந்த போதும் அவற்றை சந்தை படுத்த தவறியதால் இன்று அவர்களின் பண்டங்கள் உலக பிரசித்தி பெற்றுள்ளது.

அதே போன்று பத்தமடை பாய் போன்ற நாம் மெச்சும் பொருட்கள் இன்று கடைசி காற்றை சுவாசித்துக் கொண்டிருக்கின்றன. நிறைந்த தரமும், காலத்திற்கேற்ப தன்னை புதுமைப்படுத்திக் கொள்ளும் ஆற்றலும் இருந்த போதும் இவற்றை சரியான முறையில் மக்களிடம் கொண்டு சேர்க்காததால் இன்னும் இப்பொருட்கள் தங்கள் வட்டத்தினுள்ளேயே உள்ளன. எனவே இவற்றை மக்கள் முன் கொண்டு வந்து சேர்க்கும் பணியை நேட்டிவ்ஸ்பெஷல்.காம் மூலம் துவங்கி இருப்பது மகிழ்ச்சியே.



ஒரே ஒரு க்ளிக் நீங்கள் ருசித்த, ருசித்திராத அறுசுவை தூண்டும் தரமான நம்ம ஊர் பண்டங்கள் உங்கள் வீட்டு வாசலில். கடலை மிட்டாய், அருகம்புல் இட்லி போடி போன்ற குழந்தைகளுக்கான சத்தான பொருட்கள், திருநெல்வேலி அல்வா, சாத்தூர் சேவு, பள்ளபட்டி பூந்தி, தூத்துக்குடி மக்ரூன், மணப்பாறை முறுக்கு போன்ற நா சிலிர்க்கும் சுவையான பண்டங்கள், சென்னப்பட்டனா மர பொம்மைகள், பத்தமடை பாய், தஞ்சாவூர் ஓவியங்கள் என நம் கலைஞர்களின் திறம் சொல்லும் கலைப் பொருட்கள் என அனைத்தும் கிடைக்கும். தகவல் தொழில்நுட்ப உலகின் தலைப் பிள்ளைகளாகிய நமக்கும் தேன் மிட்டாய் நினைத்தால் நா ஊரத்தான் செய்கிறது.

எனவே என்றும் இளமையான நம் பண்டங்களையும், என்றென்றும் புதுமையான நம் ஊர் கைவினைப் பொருட்களையும் நம் சட்டைப் பைக்கு கொண்டு வந்து சேர்த்திருக்கும் நேட்டிவ்ஸ்பெஷல்.காம் இன் முயற்சி கட்டாயம் பாராட்டுக்கும், ஆதரவுக்கும் உரியது. எனவே நம்ம ஊர் பண்டம் சிறக்க, நா இனிக்க வாங்கி ருசிப்போம்.

ஒன் இந்தியா

ருசியான தகவலுக்கு நன்றி அம்மா...

ம்ம்ம்ம்....... பகிர்வுக்கு நன்றி கிருஷ்ணாம்மா.

நன்றி விமந்தனி, நன்றி சரண்யா