அரசியலில் குதித்தார் பவர்ஸ்டார் சீனிவாசன்

சென்னை: தமிழ் மாநில கட்சியில் இணைந்து நடிகர் பவர்ஸ்டார் அரசியலில் குதித்துள்ளார்.

சென்னை உயர் நீதிமன்ற வழக்கறிஞர்கள் சங்க தலைவர் பால்கனகராஜ் தொடங்கிய, தமிழ் மாநில கட்சியின் 2 ஆம் ஆண்டு தொடக்க விழா பொதுக்கூட்டம் தண்டையார்பேட்டையில் நேற்றிரவு நடைபெற்றது. இதில் சிறப்பு அழைப்பாளராக தமிழக காங்கிரஸ் கட்சித் தலைவர் ஈ.வி.கே.எஸ்.இளங்கோவன் கலந்து கொண்டார்.

இந்த கூட்டத்தில் திடீரென மேடை ஏறிய நடிகர் பவர் ஸ்டார் சீனிவாசன், தான் தமிழ் மாநில கட்சியில் இணைவதாக அறிவித்தார். உடனே அவருக்கு கட்சி நிறுவனர் பால்கனகராஜ் சால்வை அணிவித்து வாழ்த்து தெரிவித்தார்.

தமிழ் மாநில கட்சியின் தேர்தல் சின்னமாக ‘சங்கு’ சின்னத்தை தேர்ந்தெடுத்துள்ளதாக அறிவித்து பால்கனகராஜ் பேசும்போது, ''2 ஆம் ஆண்டில் அடியெடுத்து வைக்கும் தமிழ் மாநில கட்சி எழுச்சியுடன் வீறுநடை போடுகிறது. ஏராளமான இளைஞர்கள், படித்தவர்கள் தமிழ் மாநில கட்சியில் சேர்ந்த வண்ணம் உள்ளனர்.

தமிழ்நாட்டில் ஜாதி மத பேதமின்றி அனைத்து மக்களும் முன்னேற வேண்டும். மக்களுக்கு அரசு இலவசங்களை தருவதை நிறுத்தி விட்டு கல்வியை இலவசமாக வழங்க முன்வர வேண்டும். ஊழலை ஒழிக்க கொண்டுவரப்பட்ட லோக்பால், லோக் ஆயுக்தா சட்டங்களை தமிழ்நாட்டில் அமல்படுத்த வேண்டும்.

67 ஆம் ஆண்டு முதல் திராவிட கட்சிகள் தான் மாறி மாறி ஆட்சிக்கு வருகிறது. இந்த நிலை மாற வேண்டும். ஊழலை ஒழிக்க மிகப்பெரிய விழிப்புணர்வு மக்கள் மத்தியில் உருவாக வேண்டும். இதற்கு தமிழ் மாநில கட்சி பாடுபடும்" என்றார்.

கூட்டத்தில் இளங்கோவன் பேசும்போது, ''பால்கனகராஜ் ஆரம்பித்த தமிழ் மாநில கட்சியில் சட்டத்துறையை சார்ந்தவர்கள் மட்டுமின்றி ஏராளமான இளைஞர்களும் சேர்ந்திருப்பதை இங்கு காண முடிகிறது. ஊழலை ஒழிக்க முன்னெடுத்து நடத்தும் இவர்களது போராட்டத்துக்கு காங்கிரசின் ஆதரவு நிச்சயம் உண்டு" என்றார்.

இவர்தான் தமிழகத்து கேஜரிவால் - 2016 ல் ஆட்சி பவர் கையில் தான்

யினியவன் wrote:இவர்தான் தமிழகத்து கேஜரிவால் - 2016 ல் ஆட்சி பவர் கையில் தான்

மேற்கோள் செய்த பதிவு: 1121240

தலை எழுத்து................சும்மா கூட இப்படி சொல்லாதிங்கோ இனியவன்..................எங்காவது பலித்து விடப்போகிறது.............கருமம் .................

அவர் பவரை பார்த்து இப்பவே பயந்துட்டீங்கலேம்மா

யினியவன் wrote:அவர் பவரை பார்த்து இப்பவே பயந்துட்டீங்கலேம்மா

மேற்கோள் செய்த பதிவு: 1121255

பவரை பார்த்து இல்ல...............அந்த ஆளை பார்த்து த்தான் :............(...............சரியான லூஸ்

யினியவன் wrote:அவர் பவரை பார்த்து இப்பவே பயந்துட்டீங்கலேம்மா

மேற்கோள் செய்த பதிவு: 1121255

பவர் மேல மோசடி கேஸ் இருந்ததே !
வெளி வந்து விட்டாரா ?
ரமணியன்

அரசியலில் எதுவேண்டுமானாலும் நடக்கலாம்.

ஆனாலும் இனியவன் நண்பருக்கு ரொம்ப தான் ....

கேஜ்ரிவால் அவரோடு பவரை ஒப்பிடுவது மிகவும் மோசம்......

M.Saranya wrote:ஆனாலும் இனியவன் நண்பருக்கு ரொம்ப தான் ....

கேஜ்ரிவால் அவரோடு பவரை ஒப்பிடுவது மிகவும் மோசம்......

அய்யய்யோ நானும் பவரை கிண்டல் பண்ணித்தான் போட்டேங்க