அதிரடிக்கு தயாராகும் 'சார்லிஸ் ஏஞ்சல்ஸ்' : ரோமியோக்களுக்கு இனி உதை நிச்சயம்

புதுடில்லி:
-

-
தலைநகர் டில்லியில், பெண்களிடம்வாலாட்டும்
ரோமியோக்களுக்கு, இனி சிக்கல் தான். பெண்
போலீசார் அடங்கிய படை, கடினமான கராத்தே
பயிற்சியை முடித்து, களத்தில் இறங்க தயாராக
உள்ளது.

டில்லியில் சமீப காலமாக பெண்களுக்கு எதிரான
குற்றங்கள் அதிகரித்துள்ளன. 2013 டிசம்பரில்
இளம்பெண் ஒருவர், ஓடும் பஸ்சில், ஒரு கும்பலால்
கொடூரமாக பாலியல் பலாத்காரம் செய்யப்பட்டார்.
பின், அவர் இறந்தார். இதற்கு எதிர்ப்பு தெரிவித்து,
ஒட்டு மொத்த டில்லி மக்களும் போராட்டத்தில்
இறங்கினர்.

கடந்தாண்டும், கால் டாக்சியில் ஒரு பெண் பாலியல்
பலாத்காரம் செய்யப்பட்டார்.

இதையடுத்து, டில்லியில் பெண்களின் பாதுகாப்பை
உறுதி செய்வதற்கு, மாநகர போலீஸ் கமிஷனர்பஸ்ஸி
அதிரடியான நடவடிக்கைகளை மேற்கொண்டார்.

டில்லி போலீசில் பணியாற்றும் சில பெண்களை தேர்வு
செய்து, அவர்களுக்கு கராத்தே பயிற்சி கொடுக்கும்
நடவடிக்கையை துவக்கினார். கராத்தேயில்
' பிளாக் பெல்ட்' பெற்ற விஷால் ஜெய்ஸ்வால் என்பவர்
கடந்த சில மாதங்களாக இந்த பெண் போலீசாருக்கு
கடுமையான பயிற்சி அளித்தார்.

பயிற்சி பெற்ற அனைத்து பெண் போலீசாரும் இதில்
தேர்ச்சி அடைந்துள்ளனர். இதையடுத்து, விரைவில்
அவர்கள் களத்தில் இறங்கவுள்ளனர். போலீஸ் சீருடை
இன்றி, சாதாரண உடைகளில் பெண்கள் அதிகம் கூடும்
இடங்களில் இவர்கள் கண்காணிப்பு பணியில் ஈடுபடுவர்.

பெண்களுக்கு தொல்லை தரும் நபர்களை கண்டறிந்து,
நடுரோட்டிலேயே அவர்களை செமத்தியாக கவனித்து,
போலீஸ் ஸ்டேசன்களுக்கு இழுத்துச்செல்வது தான்
இவர்களின் பணி.

இது குறித்து விஷால் ஜெய்ஸ்வால் கூறியதாவது:
எதிர்பார்த்ததுக்கு மேலாகவே, விரைவாகவும்,சிறப்பாகவும்
பெண் போலீசார் பயிற்சியை முடித்து விட்டனர். இந்த
அதிரடிப்படைக்கு "சார்லிஸ் ஏஞ்சல்ஸ்" என பெயர்
வைத்துள்ளோம்.

2000ல் இதே பெயரில் ஹாலிவுட்டில் ஒரு அதிரடி படம்
வெளியானது. அதில், தனியார் துப்பறியும் நிறுவனத்தில்
பணியாற்றும் மூன்று பெண்களின் அதிரடியான சாகசம்
இடம்பெற்றிருக்கும்.
-
-----------------------------------------------------
--தினமலர்