உடல் எடை குறைய" வழிகள்..

தாமு · தாமு Tue Nov 10, 2009 5:54 am

உடல் எடை கூடியவர்களிடம் எந்த கடை அரிசி சாப்பிடுகிறாய் என கிண்டலாக கேட்பதும், 'கொஞ்சமாத்தான் சாப்பிடறேன் ஆனாலும் வெயிட் போடுது" என அங்கலாய்ப்பவர்களையும் அன்றாட வாழ்வில் காணலாம்.

குறைவாக சாப்பிட்டாலும் அதிகமாக சாப்பிட்டாலும் உடம்பு உட்கிரகிக்கும் தன்மையைப் பொறுத்தே உடல் எடை அமைகிறது. இத்தன்மை நம் உடல்களிலுள்ள நாளமில்லாச் சுரப்பிகளான பிட்யூட்டரி, தைராய்டு, அட்ரினல் மற்றும் கணையம் போன்றவற்றிலிருந்து சுரக்கும் ஹார்மோன்களால்தான் கட்டுப்படுத்தப்படுகிறது. ஹார்மோன் சரிவிகிதம் இல்லாமல் சுரந்தால் உடல் பருமானகவோ, இளைக்கவோ செய்யும். பெண்களில் நடுத்தர வயதினருக்கு திருமணமாகி குழந்தை பிறந்தபிறகு ஏற்படும் தைராய்டு பிரச்சினை காரணமாகவோ, உடற்பயிற்சியின்மை, அதிகமான ஓய்வு, தீனி வகைகள் போன்றவையாலோ உடல் எடைக் கூடிவிடுகிறது. ஆண்களுக்கு அதிகமாக சாப்பிடுவதாலும், மது அருந்துவதாலும், மனதில் மகிழ்ச்சி அதிகரித்தால் கூட எடை கூட வாய்ப்புள்ளது. முதுமையில் சில நோய்களின் தன்மையால் எடை கூடும். தகுந்த உடற்பயிற்சியின்மையால் ஊளைச்சதை போட்டு நோய்கள் ஏற்படும் வாய்ப்பினை அதிகரித்துவிடும்.

உடல் எடை அதிகரிப்பினால் இதயநோய், இரத்தக்கொதிப்பு, நீரழிவு நோய் போன்ற பல அபாயகரமான நோய்கள் வர வாய்ப்புள்ளது.

இதனை சரி செய்ய சில ஆலோசனைகள் இதோ:

1. சரிவிகித உணவு

2. வயதிற்கு ஏற்ற உடற்பயிற்சி (நடைபயிற்சி, ஓடுதல், நீச்சல், சைக்கிள் ஓட்டுதல்)

3. சரியான நேரத்திற்கு உணவு உட்கொள்ளுதல்

4. தேவையற்ற உணவு வகைகளை தவிர்த்தல் (எண்ணெய் பதார்த்தங்கள், இறைச்சி வகைகள்)

5. பச்சை காய்கறிகளை அதிக அளவில் உண்ணுதல்

6. குறைவான இரவு உணவு

7. பசியெடுக்கும் வேளையில் தீனி வகைகளை தவிர்த்து தண்ணீர் அல்லது பழச்சாறுகளை அருந்துதல்

8. மாவுச்சத்துள்ள உணவினை தேவையான அளவு மட்டும் எடுத்தல் (பட்டினி கிடத்தல் கூடாது) இவ்வாறான ஆலோசனைகளை பின்பற்றுவதோடு யோகப்பயிற்சியும் செய்து வர நல்ல முன்னேற்றத்தை நீங்கள் காணமுடியும்.

நன்றி -- Abi Roshan

உடல் எடை குறைய" வழிகள்..

உடல் எடை குறைய" வழிகள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக