நாளை மகா சிவராத்திரி: குமரி மாவட்டத்தில் சிவாலய ஓட்டம் இன்று தொடக்கம்

**சிவா** · **சிவா** Mon Feb 16, 2015 4:12 pm

கன்னியாகுமரி மாவட்டத்தில் சைவ, வைணவ ஒற்றுமையை பறைசாற்றும் வரலாற்றுச் சிறப்புமிக்க சிவாலய ஓட்டம் திங்கள்கிழமை (பிப்.16) தொடங்குகிறது.

கன்னியாகுமரி மாவட்டத்தில் சிவராத்திரி நாளில் பக்தர்கள் சிவபெருமானின் அருள் வேண்டி இங்குள்ள 12 சிவாலயங்களில் ஓட்டமாகச் சென்று வழிபடுவதே சிவாலய ஓட்டம். இதற்காக பக்தர்கள் சிவாலய ஓட்ட சிறப்புத் திருத்தலங்களான முன்சிறை அருகேயுள்ள திருமலை மகாதேவர் கோயிலில் தொடங்கி, திக்குறிச்சி மகாதேவர் கோயில், திற்பரப்பு வீரபத்திரர் கோயில், திருநந்திக்கரை நந்தீஸ்வரர் கோயில், பொன்மனை தீம்பிலான்குடி மகாதேவர் கோயில், திருப்பன்னிப்பாகம் சிவன் கோயில், கல்குளம் நீலகண்டசுவாமி கோயில், மேலாங்கோடு சிவன் கோயில், திருவிடைக்கோடு மகாதேவர் கோயில், திருவிதாங்கோடு மகாதேவர் கோயில், திருப்பன்றிகோடு மகாதேவர் கோயில், திருநட்டாலம் சங்கரநாராயணர் கோயில் ஆகிய 12 சிவாலயங்களில் ஓட்டமாகச் செல்கின்றனர்.

ஓட்டம் நிறைவடையும் திருநட்டாலம் சங்கநாராயணர் கோயிலில் பிரசாதமாக விபூதி வழங்கப்படுகிறது. திருநட்டாலம் கோயிலில் சுவாமி சிவன்- விஷ்ணு என சங்கரநாராயணர் வடிவத்தில் எழுந்தருளியுள்ள நிலை சைவ, வைணவ ஒற்றுமையை பறைசாற்றுவதாக உள்ளது.

இன்று பிற்பகலில் தொடங்குகிறது: சிவராத்திரி தினம் செவ்வாய்கிழமையாக (பிப். 17) இருப்பதால் மாவட்டத்தில் சிவாலயங்களுக்கு நடந்தும் ஓட்டமாகவும் செல்லும் பக்தர்கள், திங்கள்கிழமை பிற்பகலில் தொடங்கி புதன்கிழமை (பிப்.18) அதிகாலையில் நிறைவு செய்கின்றனர்.

தினமணி

நாளை மகா சிவராத்திரி: குமரி மாவட்டத்தில் சிவாலய ஓட்டம் இன்று தொடக்கம்

நாளை மகா சிவராத்திரி: குமரி மாவட்டத்தில் சிவாலய ஓட்டம் இன்று தொடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக