டில்லி முதல்வராக அரவிந்த் கெஜ்ரிவால் இன்று பொறுப்பேற்கிறார்:

**ayyasamy ram** · **ayyasamy ram** Sat 14 Feb 2015 - 6:39

-
அரவிந்த் கெஜ்ரிவால்
-
கடந்த ஆண்டு, பிப்ரவரி 14ல் பதவியை ராஜினாமா
செய்த அவர், அடுத்த ஓராண்டில், பிப்ரவரி 14 காதலர்
தினமான இன்று, மீண்டும் டில்லியின் முதல்வராக
பொறுப்பேற்க உள்ளார்.

டில்லி சட்டசபை இது வரை கண்டிராத வகையில்,
மொத்தமுள்ள, 70 இடங்களில், 67 இடங்களில் வெற்றி
பெற்று, காங்கிரஸ், பா.ஜ., கட்சிகளை மண்ணை கவ்வ
வைத்த கெஜ்ரிவால்,
ன்று, டில்லியின் எட்டாவது முதல்வராக பொறுப்பேற்க
உள்ளார்.

அவருடன் கடந்த மூன்றாண்டுகளாக நிழல் போல
தொடர்ந்து வரும், மூத்த தலைவர் மணிஷ் சிசோடியா,
துணை முதல்வராக பொறுப்பேற்க உள்ளார்.

இவர்களுடன், மேலும், ஐந்து, எம்.எல்.ஏ.,க்கள் அமைச்சர்களாக
பொறுப்பேற்க உள்ளனர்.டில்லி ராம்லீலா மைதானத்தில்,
பொதுமக்கள் முன்னிலையில் நடைபெறும் இந்த நிகழ்ச்சியில்,
முதல்வர் மற்றும் புதிய அமைச்சர்களுக்கு, லெப்டினன்ட்
கவர்னர் நஜிப் ஜங், பதவிப் பிரமாணம் செய்து வைக்கிறார்.
-
-------------------------------------------------