குஷ்பு ருத்ராட்ச மாலை அணிந்தது வரவேற்கதக்கது: மதுரை ஆதீனம்

-

முஸ்லிம் மதத்தை சேர்ந்த குஷ்பு ருத்ராட்சம் அணிந்தது
வரவேற்கதக்கது என்று மதுரை ஆதினம் அருணகிரிநாதர்
கூறியுள்ளார்.

இதுகுறித்து ஈரோட்டில் செய்தியாளர்களிடம் அவர் கூறியதாவது:

நடிகை குஷ்பு தாலியில் ருத்ராட்சம் அணிந்தது தவறில்லை.
அவர் மதம் மாறிவிட்டாரா? என்பது குறித்து எதுவும்
தெரியாது. இருப்பினும் முஸ்லிம் மதத்தை சேர்ந்த குஷ்பு
ருத்ராட்சம் அணிந்தது வரவேற்கதக்கது.

பொது சிவில் சட்டம், கட்டாய மதமாற்ற தடைசட்டம்
ஆகியவற்றை நன்கு பரிசீலித்து அமல்படுத்த வேண்டும்.
யாரையும் கட்டாய படுத்தி மதமாற்றம் செய்ய கூடாது.

தில்லியில் கேஜ்ரிவால் பெற்ற வெற்றி பிற கட்சிகளை
விழிப்படைய செய்துள்ளது. ஸ்ரீரங்கம் இடைத்தேர்தல்
முடிவு மக்கள் ஜெயலலிதா பக்கம்தான் என்பதை
தெளிவாக்கும்.

தமிழகத்தில் உள்ள இலங்கை அகதிகளை அவர்கள்
விரும்பும் வரை திருப்பி அனுப்பக் கூடாது.
13-வது அரசில் திருத்த சட்டத்தை அமல்படுத்திவிட்டு,
தமிழர் பாதுகாப்புக்கு உத்தரவாதம் கிடைத்த பின்னரே
அனுப்ப வேண்டும்.

எல்லாம் வல்ல இறைவனின் அருளால் அதிமுக பொதுச்
செயலாளர் ஜெயலலிதா வழக்குகளில் இருந்து விடுதலை
ஆவார்.
2016 ஆம் ஆண்டு மீண்டும் ஜெயலலிதா முதல்வர் ஆவார்
என்று தெரிவித்தார்.

பேட்டியின்போது ஆதீன மேலாளர் நாகலிங்கம்,
பேராசிரியர் கோபால், தினேஷ் ஆகியோர் உடனிருந்தனர்.
-
---------------------------------------------