எங்களை யாரும் கூப்பிடல… கூப்பிடல!!’

‘எங்களை யாரும் கூப்பிடல… கூப்பிடல!!’
அரசியல் பற்றி வாயைத் திறந்ததிலிருந்து விஜய்க்கு தொடர்ந்து பல சிக்கல்கள். குறிப்பாக அவரது அஸ்திவாரமான சினிமாவோ ஆடிப்போகும் நிலைக்கு வந்துவிட்டதால் இப்போதைக்கு அரசில் பற்றிப் பேசுவதில்லை என முடிவுக்கு வந்துள்ளாராம்.
இந்த தகவலை அவரது தந்தை எஸ்ஏ சந்திரசேகரனே தெரிவித்துள்ளார்.
ராகுல் காந்தியைச் ‘சந்தித்து’விட்டு வந்த பிறகு விஜய்யின் ‘காங்கிரஸ் அரசியல்’ பற்றிய செய்திகள்தான் மீடியாவை ஆக்கிரமித்திருந்தன.
ஆனால் புலம்பெயர் தமிழர் மத்தியில் எழுந்த அசாதாரண எதிர்ப்பு,
காங்கிரஸை நோக்கிய விஜய்யின் நகர்வுக்கு முட்டுக்கட்டையாக அமைந்துவிட்டது.
இன்னொரு பக்கம், சினிமாவிலும் அவருக்கு சாதகமான நிலை இல்லை. எனவே ‘எனக்கு
அரசியல் ஆசை இருக்கு. இப்போதைக்கு சினிமாதான் முக்கியம்…’ என்று பிரஸ்
மீட் வைத்து சொன்னார்.
ஆனாலும் மேடைகளில் தனது அரசியல் ஆசை பற்றி இப்போதும் பேசி வருகிறார்
விஜய். அடுத்த ரசிகர் மன்ற உதவி விழாவுக்கும் ஏற்பாடுகள் நடக்கின்றன.
எங்களை யாரும் கூப்பிடல… கூப்பிடல!
இந்த நிலையில் இயக்குநரும் விஜய்யின் தந்தையுமான எஸ் ஏ சந்திரசேகரனிடம்
விஜய்யின் அரசியல் பிரவேசம், அவர் சேரப்போகும் கட்சி குறித்து நிருபர்கள்
மீண்டும் கேள்வி எழுப்பினர்.
அதற்கு அவர் இப்படிக் கூறினார்:
“விஜய்யை அந்த கட்சி அழைக்கிறது… இந்த கட்சி கூப்பிடுகிறது
என்பதெல்லாம் சும்மா. அவரை இதுவரை எந்த கட்சியும் எங்களை கூப்பிடவில்லை…
நாங்களும் யாரையும் அணுகவில்லை. இதுதான் நிஜம். போதுமா… இத்தோட இந்த
மாதிரி கேள்விகளுக்கு முற்றுப்புள்ளி வைய்ங்க”, என்றார்.
ஊரில் ஒரு வழக்குச் சொல் உண்டு: சாப்பிட ஒண்ணுமில்ல… இன்னிக்கு நாங்க விரதம்!

கட்சி ஆரம்பிக்கிறதுக்குலாம் ஒரு திறமை வேணும்ப்பா சின்னப்பையன் லாம் ஆரம்பிச்சுர முடியாது