முதல் முறையாக இரட்டை வேடத்தில் நீது சந்திரா!

by **ayyasamy ram** Fri Feb 13, 2015 12:35 pm

-
மாதவன் நடித்த யாவரும் நலம் படம் மூலம் தமிழ் திரையுலகிற்கு அறிமுகமானவர் நீது சந்திரா.

தொடர்ந்து விஷாலின் தீராத விளையாட்டுப் பிள்ளை, ஜெயம் ரவியின் ஆதிபகவன் ஆகிய படங்களில் நடித்திருக்கிறார். இவைதவிர, யுத்தம் செய், சேட்டை போன்ற படங்களில் தலா ஒரு பாடலுக்கு குத்தாட்டமும் போட்டிருக்கிறார். அதன் பிறகு அவருக்கு தமிழில் சொல்லிக் கொள்ளும் படி வாய்ப்பு எதுவும் அமையவில்லை.

திலகர் என்ற படம் மட்டுமே கையில் உள்ளது. இந்நிலையில் நீது சந்திரா ‘வைகை எக்ஸ்பிரஸ்’ என்கிற புதிய படம் ஒன்றில் நடிக்க ஒப்பந்தமாகியுள்ளார். இதில் நாயகனாக ஆர்கே நடிக்கிறார். படத்தை இயக்குபவர் ஷாஜி கைலாஸ். இவர் ஏற்கெனவே இதே ஆர்கேவை வைத்து ‘எல்லாம் அவன் செயல்’, ‘என் வழி தனி வழி’ ஆகிய படங்களில் இயக்கியிருக்கிறார். இதன் மூலம் இருவரும் மூன்றாவது முறையாக கைகோர்க்க உள்ளனர்.

இப்படத்தின் பூஜை வருகிற 16-ஆம் தேதி ஏ.வி.எம்.ஸ்டுடியோவில் நடைபெறவிருக்கிறது. ஆர்கேயுடன் இனியா, சுஜா வாருண்ணி, கோமல் சர்மா ஆகியோரும் நடிக்கிறார்கள். இது மியூசிக்கல் திரில்லர் படமாக உருவாகவிருக்கிறது. இந்தப் படத்தில் நீது சந்திரா முதல் முறையாக இரட்டை வேடத்தில் நடிக்கிறார் என்பது குறிப்பிடத்தக்கது.

=

dinamani

by **M.Saranya** Fri Feb 13, 2015 2:35 pm

தகவலுக்கு நன்றி....

முதல் முறையாக இரட்டை வேடத்தில் நீது சந்திரா!

முதல் முறையாக இரட்டை வேடத்தில் நீது சந்திரா!

Re: முதல் முறையாக இரட்டை வேடத்தில் நீது சந்திரா!