அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து

by **ayyasamy ram** Fri Feb 13, 2015 11:47 am

-

சென்னை-பொள்ளாச்சி பழனி எக்ஸ்பிரஸில் வியாழக்கிழமை இரவு பயணிகளிடையே ஏற்பட்ட தகராறினை தொடர்ந்து அரக்கோணம் ரயில்நிலையத்தில் ரயில் நின்றபோது அதை விசாரிக்க சென்ற பயணச்சீட்டு பரிசோதகர் கத்தியால் குத்தப்பட்டார்.படுகாயமடைந்த பரிசோதகர் அரக்கோணம் ரயில்நிலையத்தில் அனுமதிக்கப்ப்டடார். சம்பவம் குறித்து அரக்கோணம் ரயில்வே போலீஸார் விசாரணை நடத்தி வருகின்றனர்.

சென்னையில் இருந்து பழனி\பொள்ளாச்சி செல்லும் பழனி எக்ஸ்பிரஸில் வியாழக்கிழமை இரவு சாதாரண பெட்டியில் இருந்த பயணிகளிடையே ரயில் ஓடும்போது இருக்கை தொடர்பாக தகராறு ஏற்பட்டுள்ளது. அப்போது அரக்கோணம் ரயில்நிலையத்தில் வந்து நின்றபோது அப்பெட்டியில் இருந்த பெண் பயணிகள் அலறும் சப்தம் கேட்கவே நிலைய பயணச்சீட்டு பரிசோதிக்கும் பணியில் இருந்த பரிசோதகர் நிவேத்(25) சென்று என்ன ஏது என விசாரித்துள்ளார். அப்போது பயணிகளிடையே இருந்த சிலர் திடீரென நிவேத்தை கத்தியால் குத்திவிட்டு அரக்கோணம் ரயில்நிலையத்தில் இறங்கி ஓடிவிட்டனராம். இச்சம்பவத்தை அடுத்து ரயில் புறப்பட்டு சென்று விட்டது.

இச்சம்பவத்தில் படுகாயமடைந்த பரிசோதகர் நிவேத் அரக்கோணம் அரசினர் மருத்துவமனையில் அனுமதிக்கப்பட்டார். எதற்காக இச்சம்பவம் நடந்தது. பயணச்சீட்டு பரிசோதகரை கத்தியால் குத்தியது யார் என அரக்கோணம் ரயில்வே போலீஸார் விசாரணை செய்து வருகின்றனர்.
-
dinamani

by **M.Saranya** Fri Feb 13, 2015 1:36 pm

பாவம் அவர்.....காவல் துறை அவர்களை கண்டுபிடித்து தக்க தண்டனை வழங்க வேண்டும்....

நிவேத் அவர்கள் விரைவில் குணமடைய கடவுளை வேண்டுகிறேன்....

by சிவனாசான் Sun Feb 15, 2015 6:23 am

இதற்கெல்லாம் காரணம். கடுமையான தண்டனை இல்லை..குற்றம் செய்துதப்பிக்க பல வழி இருப்பதால் தான். பழிக்கு பழி என்று சட்டம் செயல்படனும்....பணநாயக நாட்டில் இதெல்லாம் தடக்குமா ...............??????????

by Sponsored content

அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து

அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து

Re: அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து

Re: அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து

Re: அரக்கோணத்தில் பணியிலிருந்த பயணச்சீட்டு பரிசோதகருக்கு கத்திகுத்து