பரோட்டா பிரியர்களே... உஷார்!

by **ayyasamy ram** Wed Feb 11, 2015 1:46 pm

'செஃப்’ தாமுவின் ஸ்பெஷல் பரோட்டா!
-
''பரோட்டா ரெசிபி சொல்லுங்களேன்...'' என்றபடி,
பிரபல செஃப் தாமு முன்பாக போய் நின்றோம்.
-
''பரோட்டாவை முழுசா செஞ்சு முடிக்க...
கிட்டத்தட்ட மூணு மணி நேரம் ஆகும்!'' என்பதை
அழுத்தமாகச் சொல்லவிட்டு ஆரம்பித்தவர்,
-
''அரை கிலோ மைதா மாவுடன், 250 மில்லி
தண்ணீர், 50 மில்லி பால், தேவையான அளவு
உப்பு சேர்த்துப் பிசைந்து, எண்ணெய் தடவி
அரை மணி நேரம் ஊற வைக்க வேண்டும்.

பிறகு, சம அளவுகளில் அந்த மாவை
உருண்டைகள் பிடித்து, அதை நன்கு அடித்துப்
பிசைந்து, எண்ணெய் தடவி அரை மணி நேரம்
ஊற வைக்க வேண்டும். ஊறிய பிறகு, மெலிதாக
திரட்டி, திரும்பவும் உருட்டி, எண்ணெய் தடவி,
20 நிமிடம் ஊற வைக்க வேண்டும்.

பிறகு, உள்ளங்கையில் தட்டி லேசாக தேய்த்து...
சூடான தோசைக் கல்லில் போட்டு, பிரவுன்
கலர் வரும் வரை திருப்பித் திருப்பி போட்டு
எடுக்க வேண்டும்.

இப்படி வெந்த பரோட்டாவை தட்டில் வைத்து,
இரண்டு கைகளையும் பயன்படுத்தி நான்கு
பக்கமும் சுற்றி சுற்றி அடித்தால்... பரோட்டா
லேயர் லேயராப் பிரியும். குருமா ஊற்றிச்
சாப்பிட்டால், ருசியோ ருசிதான்!'' என்ற தாமு,
-
''சரியான அளவு தண்ணீர் முக்கியம். நன்றாக
ஊறவும் வைக்க வேண்டும். அளவுக்கு
அதிகமான சூட்டில் பரோட்டாவை வேக வைத்தால்...
வெளிப்பக்கம் வெந்த மாதிரி இருக்கும். ஆனால்,
உள்புறம் வெந்திருக்காது.

அதனால மிதமான சூட்டில் பொரிக்க வேண்டும்''
என்று டிப்ஸ்களையும் தந்தார்!

நல்லதா... கெட்டதா?

''பரோட்டா சாப்பிட்டால், உடல் நலத்துக்குக்
கேடு, சர்க்கரை, ரத்தக்கொதிப்பு என நோய்கள்
வரிசை கட்டுமாமே... உண்மைதானா?'' என்ற
கேள்விக்கு பதில் சொல்கிறார், சென்னை,
டயட்டீஷியன் ஷைனி சந்திரன்.

''பரோட்டா, முழுக்க முழுக்க மைதாவால்
செய்யப்படும் உணவு. கோதுமையில் இருக்கும்
நல்ல குணங்கள் அனைத்தும் நீக்கப்பட்டு,
அதில் இருந்து பிரிக்கப்படுவதுதான் மைதா.

மைதா மூலம் தயாராகும் பரோட்டாவில்
உடலுக்குத் தேவையான நல்ல சத்துக்கள்
ஏதும் இல்லை. பரோட்டாவுடன் சேரும்
குருமா போன்ற கிரேவி மட்டுமே புரோட்டீன்
மற்றும் கலோரிகளை கொடுக்கிறது.

அது மட்டுமல்லாமல், பரோட்டாவில் அளவுக்கு
அதிகமான எண்ணெய் சேர்க்கப்படுகிறது. இது,
துளிகூட உடம்புக்கு நல்லது கிடையாது.

பொதுவாக, உடல் உழைப்பு அதிகம் இருப்பவர்கள்
பரோட்டா சாப்பிடும்போது, எளிதில் ஜீரணமாகி
விடும். பெரிதாக பிரச்னை இல்லை.

ஆனால், அதிக உடல் அசைவுகள் இன்றி,
'டெக்ஸ்’கில் அமர்ந்து வேலை செய்பவர்களுக்கு
பரோட்டா நல்லதல்ல. அதிகமாக ஓடி விளையாடாத
குழந்தைகளும் பரோட்டா சாப்பிட்டால் வயிற்று
வலியால் அவதிப்படுவார்கள்.

பரோட்டாவில் எண்ணெய் அதிகமாக சேர்க்கப்
படுவதால், கொழுப்புச் சத்து அதிகமாகிறது.
இதன் காரணமாக உடல் எடை கூடும். சர்க்கரை
வியாதி, இதய நோய் மற்றும் ஹார்மோன்
குறைபாடு உள்ளவர்கள் கண்டிப்பாக பரோட்டாவை
தவிர்க்க வேண்டும்.

'எனக்கு பரோட்டா பிடிக்கும், சாப்பிட்டே தீர
வேண்டும்’ என்பவர்கள், அதன் விளைவை ஈடு
செய்ய, தினமும் வாக்கிங், உடற்பயிற்சி என்று
மெனக்கெட வேண்டும்'' என்று வலியுறுத்தினார்
ஷைனி சந்திரன்.
-
பரோட்டா பிரியர்களே... உஷார்!
-
-----------------------------
நன்றி: விகடன்

by **krishnaamma** Wed Feb 11, 2015 1:51 pm

நல்ல அவசியமான பகிர்வு ராம் அண்ணா புன்னகை

.....நன்றி !

by பாலாஜி Wed Feb 11, 2015 1:59 pm

ஆனாலும் பரோட்டா -சால்னா சுவை இதையெல்லாம் மறக்க வைக்குதே ....

சரி இனிமேல் குறைத்துக்கொள்ளவேண்டியது தான்

by **M.Saranya** Wed Feb 11, 2015 2:08 pm

தகவலுக்கு நன்றி....

by **ராஜா** Wed Feb 11, 2015 2:14 pm

பரோட்டா பற்றி ஏற்கனவே சில பதிவுகள் இருக்கிறது , அசுரன் கூட பரோட்டா பற்றி விரிவான விளக்கம் கொடுத்திருந்தார்.

இந்த காலத்தில் எதை சாப்பிட்டாலும் பிரச்சினை தான் , அதனால் சாப்பிடாமல் இருப்பது தான் நல்லது புன்னகை

பாலாஜி wrote:ஆனாலும் பரோட்டா -சால்னா சுவை இதையெல்லாம் மறக்க வைக்குதே ....

சரி இனிமேல் குறைத்துக்கொள்ளவேண்டியது தான்

நாம என்ன , தினமும் மூணு வேலையும் பரோட்டாவா தல சாப்பிடுறோம் ?! புன்னகை

, என்றோ ஒரு நாள் ஆசைக்கு சாப்பிடுவதில் தவறில்லை.

இந்த டயட்டீசியன் என்று ஒரு கூட்டம் இப்ப புதிதா உருவாகியுள்ளது , இவர்கள் எந்த ஆய்வகத்தில் வைத்து இந்த தகவல்களை கண்டுபிடித்தார்கள் என்று தெரியவில்லை புன்னகை

எங்காவது , ஆங்கில ஊடகங்களில் படித்துவிட்டு அதை அப்படியே தமிழ்நாட்டில் உளறிகொட்டுவது தான் இவர்கள் வேலை.

by பாலாஜி Wed Feb 11, 2015 2:28 pm

ராஜா wrote:பரோட்டா பற்றி ஏற்கனவே சில பதிவுகள் இருக்கிறது , அசுரன் கூட பரோட்டா பற்றி விரிவான விளக்கம் கொடுத்திருந்தார்.

இந்த காலத்தில் எதை சாப்பிட்டாலும் பிரச்சினை தான் , அதனால் சாப்பிடாமல் இருப்பது தான் நல்லது

பாலாஜி wrote:ஆனாலும் பரோட்டா -சால்னா சுவை இதையெல்லாம் மறக்க வைக்குதே ....

சரி இனிமேல் குறைத்துக்கொள்ளவேண்டியது தான்
நாம என்ன , தினமும் மூணு வேலையும் பரோட்டாவா தல சாப்பிடுறோம் ?! , என்றோ ஒரு நாள் ஆசைக்கு சாப்பிடுவதில் தவறில்லை.

இந்த டயட்டீசியன் என்று ஒரு கூட்டம் இப்ப புதிதா உருவாகியுள்ளது , இவர்கள் எந்த ஆய்வகத்தில் வைத்து இந்த தகவல்களை கண்டுபிடித்தார்கள் என்று தெரியவில்லை

எங்காவது , ஆங்கில ஊடகங்களில் படித்துவிட்டு அதை அப்படியே தமிழ்நாட்டில் உளறிகொட்டுவது தான் இவர்கள் வேலை.

மேற்கோள் செய்த பதிவு: 1120128

பரோட்டா -சால்னா சுவையை அவ்வளவு எளிதாக விடவது மிக கஷ்டம் தல .... அதுவும் ---------------------------- ............