ஒபாமாவை குடும்பத்துடன் கொல்வோம்: ஐ.எஸ்., மிரட்டல்!

வாஷிங்டன் : அடுத்தடுத்து மனித உயிர்களை சூறையாடி வரும் ஐ.எஸ்.ஐ.எஸ்., பயங்கரவாதிகள் அடுத்ததாக குறிவைத்திருப்பது அமெரிக்கா அதிபர் ஒபாமாவின் குடும்பத்தை தானாம். சமீபத்தில் பிரபல ஆங்கில பத்திரிக்கையின் டுவிட்டர் தளத்திற்குள் ஊடுருவிய ஐ.எஸ்., பயங்கரவாதிகள், அதில் ஒபாமாவிற்கும் அவரது குடும்பத்திற்கும் கொலை மிரட்டல் விடுத்துள்ளனர்.

நியூஸ்வீக் பத்திரிக்கையின் டுவிட்டர் தளத்திற்குள் ஊடுருவிய ஐ.எஸ்., பயங்கரவாதிகள், பிரெஞ்ச் பத்திரிக்கை அலுவலகத்தை தாக்கியது போன்று ஒபாமா குடும்பத்தினர் மீதும் தாக்குதல் நடத்த உள்ளதாக மிரட்டல் செய்தியை அதில் பதிவு செய்துள்ளனர். ஐ.எஸ்., அமைப்பிற்கு எதிராக அமெரிக்கா துவங்கி உள்ள நடவடிக்கைக்கு பதிலடி கொடுப்பதற்காக இந்த தாக்குதல் நடத்தப்பட உள்ளதாகவும் அந்த மிரட்டல் செய்தியில் குறிப்பிடப்பட்டுள்ளது.

பழிக்கு பழி...:

ஐ.எஸ்., மிரட்டல் செய்தியில், "மிச்சிலி ஒபாமா...உனது மகள்கள் மற்றும் கணவரை பார்த்துக் கொள். இது அவர்களுக்கு ரத்த காதலர் தினமாக தான் இருக்கும். அமெரிக்காவும், அதன் செயற்கைகோள்களும் சிரியா, ஈராக் மற்றும் ஆப்கானிஸ்தானில் இருக்கும் எங்களின் சகோதரர்களை கொன்றுள்ளது.

இதற்கு பதிலடியாக உங்கள் நாட்டின் சைபர் பாதுகாப்பை அதற்கு உள்ளிருந்தே தகர்ப்போம்". இவ்வாறு அதில் குறிப்பிடப்பட்டுள்ளது. துணிச்சலான முஜாஹிதீன் என்ற தலைப்பில் இந்த மிரட்டல் செய்தி பதிவிடப்பட்டுள்ளது. இது போன்று அமெரிக்காவின் பல டுவிட்டர் மற்றம் யூட்யூப் அக்கவுன்டகளை இவர்கள் ஊடுருவி உள்ளதும் தெரிய வந்துள்ளது.

.

பாப்போம் .. அமெரிக்க நாடாளுமன்றத்தில் அதிபர் ஒபாமா காங்கிரசிடம் அமெரிக்க துருப்புகளை இராக்கிற்கு அனுப்ப அனுமதி கோர உள்ளார்..

அனுமதி கிடைத்தால் தெரியும்.. யார் யாரை பேர்ப்பது என்று

எல்லாம் அவன் செயல்.................நிலத்தில் நிலையானவர் யாருமில்லை......எல்லாம் வல்ல அவனைத்தவிர.............

இவர்களும், பொக்கோஹராம் தீவிரவாதிகளும் முற்றாக அழித்தொழிக்கப்பட வேண்டியவர்கள்!