வழக்கறிஞர் முருகேசன் வழங்கும் சட்ட தகவல்கள்...தொடர் பதிவு!

by murugesan Mon Feb 09, 2015 8:56 pm

First topic message reminder :

100 ரூபாய் மதிப்புக்கு மேற்பட்ட அனைத்தும் முத்திரை தாள்களில் எழுதப்பட வேண்டும்..

அவ்வாறு எழுதப்படுவதற்கு வாங்கப்படும் முத்திரை தாள்கள் எழுதிக் கொடுப்பவர் அல்லது எழுதி வாங்குபவர் பெயரில் வாங்கப்படுதல் வேண்டும்..
ஆவணத்தில் எழுதப்படும் தேதி முத்திரை தாள்களில் உள்ள தேதிக்கு பிறகு உள்ளதாக இருக்க வேண்டும். முத்திரை தாள்களின் தேதிக்கு முன் ஆவணத்தின் தேதி இருந்தால் அது செல்லத்தக்கதல்ல..

வாடகை ஒப்பந்தங்கள் 11 மாதத்திற்கு மேற்பட்டு எழுதினால் கட்டாயம் சார் பதிவகத்தில் பதிவு செய்யப்பட வேண்டும். 11 மாதத்திற்கு உட்பட்டு எழுதினால் பதிவு செய்ய வேண்டிய அவசியம் கிடையாது..

தினமும் இது போன்று சில சட்ட கருத்துக்களை எழுதலாம் என்று நினைக்கிறேன்.. அனுமதித்தால் எழுதுகிறேன்..
நன்றி...
அன்புடன் முருகேசன் Advocate

by **T.N.Balasubramanian** Tue Feb 10, 2015 6:41 pm

நல்லத் தகவல் .
தொடர்ந்து இதே திரியில் பதிவிட்டு , எங்கள் சட்ட அக்ஞானத்தை போக்குங்கள் .

ரமணியன்

by **விமந்தனி** Tue Feb 10, 2015 10:18 pm

விளக்கங்கள் அருமை. நன்றி.

by **ராஜா** Tue Feb 10, 2015 11:56 pm

அனைவருக்கும் பயனுள்ள திரி முருகேசன் தொடர்ந்து இது போல சட்ட நுணுக்கங்களை தொகுத்து வழங்குங்கள்.

ஒவ்வொரு பதிவுக்கும் தனித்தனியாக தலைப்பை (அடகு ( Pledge ) அடைமானம் ( Mortgage ) , அனுபோக பாத்யதை... (Adverse possession ) இவற்றில் நான் மாற்றியுள்ளது போல) கொடுத்தால் தேடும் போது எளிதாக இருக்கும்.

நன்றி

by **krishnaamma** Wed Feb 11, 2015 12:02 am

murugesan wrote:அனுபோக பாத்யதை... (Adverse possession )

விலை குறைவாக கிடைக்கும் நிலத்தை வெகு தூரத்தில் நாம் வாங்கி போட்டிருப்போம். வளர்ச்சியடையாத பகுதியாக இருந்தால் வாங்கி போட்ட இடத்தை நாம் மறந்து அந்த நிலத்தை பற்றிய கவலையும் இல்லாமல் இருப்போம். நமக்கு சொந்தமான ஆவணம்கள் நம்மிடமே இருக்கும்.
அப்படி இருக்கும்போது நமக்கு சொந்தமான நிலத்தை மூன்றாம் நபர் ஒருவர் எல்லோரும் அறியும் வகையில் நம்மிடம் இருந்து எந்தவிதமான ஆட்சேபனை அல்லது குறுக்கீடு இன்றி தொடர்ச்சியாக 12 ஆண்டுகள் அனுபவித்து வந்தாரானால் அந்த 12 ஆண்டுகளுக்கு பிறகு அவர் அந்த சொத்தின் மீது உரிமை கொண்டாட முடியும்.
சர்ச்சைக்குள்ளான அசையா சொத்தின் அனுபோகத்திற்கு வழக்கு தொடர நிர்ணயிக்கப்பட்ட காலம் 12 ஆண்டுகளாகும். அதாவது பாதிக்கப்பட்ட சொத்தின் உரிமையாளர் 12 ஆண்டுக்குள் நடவடிக்கை எடுத்திருக்க வேண்டும்.. இல்லையென்றால் உரிமை மூல ஆவணங்கள் நம்மிடம் இருந்தாலும் சொத்தின் மீதான நமது உரிமை பறிபோகும் வாய்ப்புள்ளது..
தமிழ்நாட்டில் சொத்தை வாங்கி போட்டுவிட்டு வெளிநாட்டில் இருக்கும் அன்பர்களே கவனம்..

மேற்கோள் செய்த பதிவு: 1119933

ம்....நன்றி முருகேசன் புன்னகை

by **சிவா** Wed Feb 11, 2015 2:27 am

அனைவருக்கும் பயனுள்ள தகவல்கள் திரு முருகேசன்! தொடர்ந்து பதிவு செய்யுங்கள்!

* காவல்துறையினர் பொதுமக்களை அடித்து துன்புறுத்துகிறார்களே, இதற்கு சட்டம் என்ன சொல்கிறது?

* பணியிலுள்ள காவலர் மது அருந்தி இருந்தால் எங்கு புகார் அளிக்க வேண்டும்? என்ன நடவடிக்கை எடுப்பார்கள்?

* பைக்கில் செல்லும்பொழுது பைக்கின் சாவியை பிடுங்கி வைத்துக் கொள்ளும் உரிமை காவல்துறைக்கு உள்ளதா?

* கிராம சாலைகளில் லைசன்ஸ் சோதனை செய்யும் உரிமை இவர்களுக்கு உள்ளதா?

* போலீஸ் ஸ்டேஷனுக்கு கொண்டு செல்லப்படும் பைக்கின் பாகங்களை போலீசார் திருடிக் கொள்கிறார்களே? அவ்வாறு பாதிக்கப்பட்ட பைக்கின் உரிமையாளர் என்ன செய்ய வேண்டும்?

இப்பொழுது இந்தக் கேள்விகளுடன் நிறுத்திக் கொள்கிறேன், தொடர்ந்து கேள்விகள் கேட்க தாங்கள் அனுமதியளித்தால் நம் உறவுகளும் அவர்களின் சந்தேகங்களைக் கேட்பார்கள்!

by **T.N.Balasubramanian** Wed Feb 11, 2015 6:31 am

சிவா wrote:அனைவருக்கும் பயனுள்ள தகவல்கள் திரு முருகேசன்! தொடர்ந்து பதிவு செய்யுங்கள்!

* காவல்துறையினர் பொதுமக்களை அடித்து துன்புறுத்துகிறார்களே, இதற்கு சட்டம் என்ன சொல்கிறது?

* பணியிலுள்ள காவலர் மது அருந்தி இருந்தால் எங்கு புகார் அளிக்க வேண்டும்? என்ன நடவடிக்கை எடுப்பார்கள்?

* பைக்கில் செல்லும்பொழுது பைக்கின் சாவியை பிடுங்கி வைத்துக் கொள்ளும் உரிமை காவல்துறைக்கு உள்ளதா?

* கிராம சாலைகளில் லைசன்ஸ் சோதனை செய்யும் உரிமை இவர்களுக்கு உள்ளதா?

* போலீஸ் ஸ்டேஷனுக்கு கொண்டு செல்லப்படும் பைக்கின் பாகங்களை போலீசார் திருடிக் கொள்கிறார்களே? அவ்வாறு பாதிக்கப்பட்ட பைக்கின் உரிமையாளர் என்ன செய்ய வேண்டும்?

இப்பொழுது இந்தக் கேள்விகளுடன் நிறுத்திக் கொள்கிறேன், தொடர்ந்து கேள்விகள் கேட்க தாங்கள் அனுமதியளித்தால் நம் உறவுகளும் அவர்களின் சந்தேகங்களைக் கேட்பார்கள்!

மேற்கோள் செய்த பதிவு: 1120037

ஆமோதித்தல்

ரமணியன்

by ChitraGanesan Wed Feb 11, 2015 11:05 am

ஐயா மிக அவசியமான செய்தி நல்ல முயற்ச்சி தினசரி இணைந்திருங்கள் வக்கீல் அவர்களே!

by **T.N.Balasubramanian** Wed Feb 11, 2015 3:05 pm

சொந்த ஊருக்கு பக்கத்தில் ரெண்டு கிரவுண்ட் நிலம் உள்ளது (60 x 40 ).
20 /25 வருடத்திற்கு முன் வாங்கியது . நிலம் இருக்கிறது . encroachment இல்லை .
எங்களுக்கு தெரிந்தவர் ,அவருடைய ப்ரோகர் மூலம் விற்று தருகிறேன் . பத்திரத்தின் xerox கேட்கிறார் .
15 வருடத்திற்கு EC வாங்கிக்கொண்டு , விற்பனை செய்யலாம் என்கிறார் .
என்னென்ன முன்னேச்செரிக்கைகள் நான் எடுக்கவேண்டும் . தகவல் தந்தால் அதன் படி செய்கிறேன் .
நன்றி .
( இதை தனிமடலாக அனுப்ப நினைத்தேன் . பொதுவில் இருந்தால் அனைவருக்கும் உபயோககரமாக இருக்கும் என்பதால் , இந்த பதிவு )

ரமணியன்

by murugesan Wed Feb 11, 2015 5:05 pm

அய்யா ரமணியன் அவர்களுக்கு..
60 x 40 என்பது ஒரு கிரவுண்ட் நிலம். உங்களது நிலத்திற்கான ஆவணங்களை மிகவும் தெரிந்த நபரிடத்தில் (நகலை மட்டும் ) கொடுக்காலாம். 1987ம் ஆண்டில் இருந்து கணினி EC கிடைக்கிறது. தற்போதுள்ள பதிவு சட்ட திருத்தங்கள் போலி ஆவணங்களை பதிவதற்கு தடையாக உள்ளது.
முன்னேச்செரிக்கைகள்
1. எக்காரணம் கொண்டும் அசல் ஆவணங்களை கொடுக்காதீர்கள்.
2. ஆவணங்களை கொடுத்ததில் இருந்து 30 தினங்களுக்குள் விற்பனையை உறுதி செய்யுங்கள்.
3. 1000 முதல் 5000 வரை முன்பணம் பெறுங்கள். அதிகமான தொகையை முன்பணமாக பெறுவது அவ்வளவு நல்லதல்ல.
4. தற்போது Online EC வசதி வந்துள்ளது, ஆகவே அடிக்கடி EC பாருங்கள்.
5. விற்பனை உறுதியானதும் அதிக பட்சம் 30 தினங்களுக்குள் பத்திர பதிவை முடிக்க வேண்டும்.
6. நிலத்திற்கான முழு தொகையையும் பெற்றுக்கொண்ட பின்பு ஆவணத்தில் கையெழுத்திடுங்கள்.
7. கொஞ்சம் பணம் கம்மியாக இருக்கு பின்னர் தருகிறேன் என்று வாங்குபவர் சொன்னால் சம்மதிக்காதீர்கள்.
8. விற்பனை தொகைக்காக காசோலைகளை பெறாதீர்கள்.
9. பாதுகாப்பு வசதிக்காக Demand Draft பெற்றுக்கொள்ளலாம்.
10. கூடுமானவரை ஆவண பதிவிற்கு தனியாக செல்ல வேண்டாம்.

பொதுவாக சட்டம் என்ன சொல்கிறது என்றால் " வாங்குபவனே விழித்திரு" ஆகவே சொத்து விற்பனைக்கு மேற்கண்ட முன்னேச்செரிக்கைகள் போதுமானது.