டீச்சர் - ஒரு பக்க கதை

by **ayyasamy ram** Sun Feb 08, 2015 10:15 pm

பள்ளிக்கூட வாசலில் கிழவியின் இட்லிக்கடை.
அங்கே சீருடையோடு இருந்த இரண்டு
மாணவிகளை கிழவி
விரட்டி வேலை வாங்கிக் கொண்டிருந்தாள்.
-
உம், இரண்டு குடம் தண்ணியை வாளியில்
ஊத்துங்க. அந்த பிளேட்டையெல்லாம் கழுவுங்க,
சீக்கிரம்!
-
இதோ.. குழந்தைகள் பறந்தன.
-
அந்தப்பக்கம் வந்த தலைமையாசிரியர் கோபிநாத்,
கோபநாத்தாகி கிழவியை அழைத்தார்.
-
ஏம்மா, உனக்கு கடை வைக்க இடம் கொடுத்தா,
எங்க ஸ்டூடன்ஸை வேலை வாங்கிறியா?
போதும்...கடையை காலி பண்ணு!
-
ஸாரு...! - கிழவி பதறிப் போய் ஓடி வந்தாள்.
-
தப்பா நினைக்காதீங்க ஸாரு...இந்த ரெண்டும்
தகப்பனில்லாத புள்ளைங்க. காலையில் சாப்பிடக்
கூட வழியில்ல. நான்தான் தினம் இட்லி
கொடுத்து அனுப்பறேன்..!
-
நல்ல விஷயம்தான். அதுக்கு ஏம்ம படிக்கிற
பிள்ளைகளை வேலை வாங்கறே..?
-
சின்னப் புள்ளைங்க ஸாரு...ஓசியில் எதுவும்
கிடைக்கதூ. உழைச்சாதான் சோறு-ன்னு
இப்பவே புரிய வைக்கணும். இல்லைன்னா பிச்சை
எடுக்கற மனோபாவம் வந்துடும்.

இதனாலேயே சோம்பேறியா போயி நாளைக்கு
குறுக்கு வழியில சம்பாதிக்க நினைச்சிட்டா
தப்பில்லையா?
-
தலைமையாசிரியர் முகம் மலர்ந்தது.
-
நீயும் டீச்சர்தாம்மா...நல்ல பாடம் சொல்லிட்டே,
எனக்கும் சேர்த்து..!- என்று நகர்ந்தார் அவர்.
-
--------------------------
>மாதவி
நன்றி- குங்குமம்

-

by **krishnaamma** Sun Feb 08, 2015 10:45 pm

நல்ல கதைதான் .....இருந்தாலும்...............ஸ்கூல் uniform இல் வேலை வாங்கினால் எல்லோருக்கும் தப்பாத்தான் படும்.....பள்ளிக்கு சென்று வந்ததும் மாற்று உடை இல் வேலை செய்யலாமே?.....டிரஸ் ம் அழுக்காகாது புன்னகை

by **M.Saranya** Mon Feb 09, 2015 2:27 pm

krishnaamma wrote:நல்ல கதைதான் .....இருந்தாலும்...............ஸ்கூல் uniform இல் வேலை வாங்கினால் எல்லோருக்கும் தப்பாத்தான் படும்.....பள்ளிக்கு சென்று வந்ததும் மாற்று உடை இல் வேலை செய்யலாமே?.....டிரஸ் ம் அழுக்காகாது

மேற்கோள் செய்த பதிவு: 1119614

நானும் இதை ஆமோதிக்கிறேன் அம்மா.....
நல்ல கருத்துள்ள கதை....

by **ஜாஹீதாபானு** Mon Feb 09, 2015 4:30 pm

நல்ல கதை

by jenisiva Mon Feb 09, 2015 4:55 pm

நல்ல கதை

by **விமந்தனி** Mon Feb 09, 2015 5:16 pm

by **அகிலன்** Mon Feb 09, 2015 5:32 pm

krishnaamma wrote:நல்ல கதைதான் .....இருந்தாலும்...............ஸ்கூல் uniform இல் வேலை வாங்கினால் எல்லோருக்கும் தப்பாத்தான் படும்.....பள்ளிக்கு சென்று வந்ததும் மாற்று உடை இல் வேலை செய்யலாமே?.....டிரஸ் ம் அழுக்காகாது

மேற்கோள் செய்த பதிவு: 1119614

நீங்களும் டீச்சர்தான் அம்மா
நல்ல பாடம் சொல்லிட்டிங்க.