குட்டிச் சுவர்…!!! -Mano Red

by Mano Red Thu Feb 05, 2015 2:04 pm

நட்ட நடு வீதியின் பாதையில்,
கட்டாமல் பாதியில் நின்றுபோன
தனித்துவிடப்பட்ட
வெட்டிச் சுமைதாங்கி
அந்தக் குட்டிச் சுவர்..!!

வயது வித்தியாச பேதமில்லை,
காலநேரக் கவலையில்லை,
சாதி மதம் தேவையில்லை,
காலாட்டி திமிராய் அமர்ந்தாலும்
கால் வாரிவிடாத நம்பிக்கை மேடை..!!

தகப்பன் திட்டிய
தண்டச் சோறுகளையும்,
எதற்கும் உதவாதவனையும்
தரிசாய்ப் போனவனையும்,
தனக்குள் ஈர்த்த தனிக் கட்சி..!!

மொட்டை வெயிலுக்கும்,
சட்டையில்லா குளிருக்கும்,
பேசத்தடை சொன்னதில்லை,
ஊரே கழுவி ஊற்றினாலும்
பேச்சின் நீளம் குறைத்தில்லை..!!

அந்த குட்டிச் சுவருக்கு தன்னைப் பற்றி
அதிகம் தெரிந்த்திருக்க வாய்ப்பில்லை,
அரசியலின் ஆராய்ச்சிக் கூடம்,
அனுபவங்களின் அரைகுறை உருவம்
அரும்புக் காதலின் வழிகாட்டி என
அச்சுவர் குட்டிச் சுவராய் மட்டும் தெரியவில்லை..!!

குட்டிச் சுவர்…!!! -Mano Red TNNYO0SfWNyEJVvuB8iA+pe0063478

குட்டிச் சுவர்…!!! -Mano Red TNNYO0SfWNyEJVvuB8iA+pe0063478

by **ஜாஹீதாபானு** Thu Feb 05, 2015 2:37 pm

குட்டிச் சுவரால் இவ்ளோ பலன் இருக்கு. ஆனா குட்டிச்சுவர் என்றால் தப்பர்த்தம் சொல்றாங்க....

அருமை மனோ

by **விமந்தனி** Thu Feb 05, 2015 3:05 pm

ஆம், அச்சுவர் குட்டிச் சுவராய் மட்டும் தெரியவில்லை..!! அதன் பின்னே அதற்கே தெரியாத அதன் வரலாறும் குட்டிச்சுவராய் தான் நின்றுகொண்டிருக்கிறது.

அருமை மனோ.

by subramaniansivam Thu Feb 05, 2015 3:09 pm

குட்டிச் சுவர் எத்தனையோ பிரபலங்களை உருவாக்கியுள்ளது. குட்டிச்சுவரில் வெட்டிக் கதைகள் மட்டும்தான் பேசப்படும் என்று பலர் நினைக்கிறார்கள். ஆனால் உபயோகமான பல தகவல்களும் அங்கே பரிமாறப்படுகின்றன.