சிவப்பு குடத்தை காட்டி ரயிலை நிறுத்திய பெண்கள்

by **ayyasamy ram** Wed Feb 04, 2015 4:38 am

-
தூத்துக்குடி:
சரக்கு ரயில் வந்தபோது, ஆளில்லா, 'லெவல்
கிராசிங்'கில் லாரி பழுதாகி நின்றது.

லாரியில் இருந்த பெண்கள், சிவப்பு குடங்களை காட்டி
ரயிலை நிறுத்தியதால், பெரும் விபத்து தவிர்க்கப்பட்டது.

தூத்துக்குடி துறைமுகத்தில் நிலக்கரி ஏற்றி வர, சரக்கு
ரயில் சென்று கொண்டிருந்தது. தூத்துக்குடி துறைமுகத்துக்கு
உப்பு ஏற்றிய லாரி, நேற்று பிற்பகல், 2:30 மணிக்கு, தூத்துக்குடி,
பெரியசாமி நகர் பகுதியில் ஆளில்லா, 'லெவல் கிராசிங்'கில்,
'மெயின் ஆக்சில் உடைந்து தண்டவாளத்தில் நின்றது.

அப்போது, ஒரு சரக்கு ரயில் அந்த வழியாக வந்து கொண்டிருந்தது.
லாரியில் இருந்த உப்பள பெண் தொழிலாளர்கள், சிவப்பு குடத்தை
தூக்கி, ரயிலை நிறுத்த சைகை காட்டினர். இன்ஜின் டிரைவர்
ரயிலை நிறுத்தினார்.

இதனால் பெரும் விபத்து தவிர்க்கப்பட்டது.
-
============================================
-தினமலர்